بريدة ستي - اهل الاحساء تأكدوا من اتجاه القبلة

السلام عليكم ورحمه الله وبركاته

الله يعطيك العافيه على هالتوضيح
ولاكن لو دققت بمساجدنا ببريده اغلب المساجد القديمه قبلته يم الغرب مباشره

وهذا خطأ حنا قبلتنا يسار الغرب

وذا دايم نلاحظه اذا هدمو مسجد وبنون من جديد تشوف الفرق بالقبله

ولاكن فيه مساجد ما هدمت او رممت بدون اعاده بناء

مثل مسجدنا

جامع الشيخ صالح الخريصي رحمه الله

وهذا واضح جداَ بما ان الجامع الكبير ببريده قريب منا ( 200 متر تقريباً)

وقبله الجامع عدلوها بعد ما هدوه وبنوه من جديد

ولاكن جامع الخريصي رمموه قبل 17 او 18 سنه ولا عدلو القبله

http://cadiidac.jeeran.com/مسجدنا.JPG

وحولنا مسجد اكيد اغلب الشباب يعرفه : مسجد الشيخ عبدالله الحسين الله يقومه بالعافيه

اللي بوسط العجيبه ومعروف يالتأخر بالصلاه ويجونه ناس واجد على شان يلحقون الصلاه معه

هالمسجد بعد هدوه قبل 4 او 5 سنوات وبنوه وعدلو القبله ..

http://cadiidac.jeeran.com/مسجدنا2.JPG

وحولنا مساجد كثيره كلهن قبلتهن تختلف عنا

وياليت احد من الاخوان يوصل هالكلام للأوقاف علشان يشوفون لنا دبره

لو انا ببريده كان رحت لمهم بالصور واقنعتهم

ولاكن البركه بالشباب ان شاء الله مايقصرون

هذا والله اعلم

اخوكم : ابو نجديه