طلبات الحريم بالحروف الهجائية ,,,
 

الســلامـ عليـــكمـ ..

> هاذي طلبات الحريم بكل الحروف نبدأ
>
>
>
>
> الالف :ابي فلوس بروح معزومة على شاى ضحى
>
> الباء :بكرا ابيك تودين لبيت اهلي عندهم عزيمة
>
> التاء :ترى اليوم انا ماني مسويه عشاء روح للمطعم جيب عشاء
>
> الثاء :ثلاث اسابيع ما طلعنا للملاهي يالله ودنا اليوم ........( متزوج جاهلة الاخ )
>
> الجيم :جيب خدامه تساعدني بشغل البيت.........(والبيت نص شقة) قهر
>
> الحاء :حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)
>
> الخاء :خل الشله اليوم..انا عازمتك نتعشى بره, بس على حسابك
>
> الدال :دور لنا فله على 3 شوارع وفيها سرداب وملحق (الراتب 2500 ريال من وين ياحسرة)
>
> الذال :ذيك السنة (قبل 10 سنوات) قلت لك اشتر لنا سيارة فان اوسع وما شريت
>
> الراء :روح قدم على اجازة خلنا نسافر لاوروبا ,,اووف حر
>
> الزاء :زيد مصروف البيت هذا ما يكفي اغراض البيت (ومعظم البيزات عليها وعلى خرابيطها)
>
> السين :سجاد البيت صار قديم ....غيره يا اخي (السجاد ما كمل له سنتين)
>
> الشين :شيل ولدك شفه يصيح هناك,انا تعبت من العيال..
>
> الصاد :صفف الملابس هناك منثرة,مليت وانا القط وراك........( وكلها ثوبين وصروال وثلاث فنايل )
>
> الضاد :ضبط اوضاعك..ترى كبرت المسؤولية.........( توها والده)
>
> الطاء :طالع السيارة سكراب تفشل قديمة, نبي شبح
>
> الظاء : الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)
>
> العين :عيوني..اليوم شفت نفنوف عند زوجة اخوي يجنن...خاطري بواحد مثله( نفنوف !!!!!!!!)
>
> الغين :غير يا اخي اسلوبك معاي...كله برود..حسسني بحبك شوي
>
> الفاء :فديتك حبيبي وين تبينا نسافر هالصيف؟
>
> القاف :قدر يا اخي شوي...كل شغل البيت على راسي...تكرم وساعدني شوي
>
> الكاف :كفاية ملينا من هالبيت متى راح تسوى لنا بيت اكبر من هذا
>
> اللام :ليمتى بنتم محبوسني في هالبيت لا نطلع مثل الخلق ولا غيره
>
> الميم :متى بتوديني لبنان مثل ما وعدتني قبل؟؟؟؟
>
> النون :نبى نحجز شاليه شرم الشيخ طول الصيف ..لا تنسى!
>
> الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟.....( بوش يهدد ويقول)
>
> الواو :ورني شطارتك رح عند اخوك خذ منه الورث( راعية مشاكل)
>
> الياء :يالله ايدك على 2000 ريال رضاوة..لانك زعلتني وكسرت خاطري

وفىي النهــايهـ هذا قليل ماتطلبهـ المرأهـ من الرجل ..
والله يعين كل واحد متزوج ..
<<-----< ترىى ماقلت شىي ومحد شاف ...
ملطوش لطشــاً محترمــاً ..




والسلام عليكم ..,,

وهذي طلبات الرجال بالحروف الهجائية:( من تأليفي طبعا):

الألف: أبي على العشاء اليوم مطازيز والا جريش.
الباء:بكرا عازمن واحد على الغداء جهزي سفرة تواجه.
التاء:ترى يوم الخميس عازمن اهلي ورجال خواتي على العشاء.
الثاء:ثلاثة ايام ابكشت بالبر وانتي انطقي بالبيت.
الجيم:جيبي اثاث المجلس كله وحطيه بالصاله( طاري له التغيير)
الحاء:حماره انتي ؟؟ ماتفهمين الكلام؟؟ كم مرة قلت سكتي عيالك اذا نمت.
الخاء:خلي اخوك يجيب اغراض البيت .. لاشغل ولا مشغله.
الدال:دوري لي على وحده صغيرة وحلوه اتزوجها ..مليت من كشرتك.
الذال:ذاك اليوم يوم اقول لك: ابسافر مع الربع .. ليش تزعلين؟؟
الراء:روحي اليوم لامي واطبخي العشاء ..خواتي عندهن اختبار.
الزاء:زيارة لعمك او خالك مافيه.. احمدي ربك اني اوديك لاهلك بالشهر مرة وحده.
السين:سجادة المجلس وسخه بالحيل .. شيليها واغسليها بالحوش العصر.
الشين: شيلي عيالك عن وجهي.. صدق الواحد مايرتاح في بيته.
الصاد:صفي الكتب اللي بمكتبة الصاله بعد ماتنظفينهن واحد واحد.
الضاد:ضبطي نفسك ورتبي بيتك تراي ابجيب اهلي يتعشون عندنا.
الطاء: طلعة للسوق ماعندي .. يكفيك طلعة وحده بالصيف ووحده بالشتاء.
الظاء: الظاهر انه ماعندك احساس بالمسؤلية .. والا تشوفينن تعبان وتقولين ابروح لاهلي؟؟
العين: عيون ولدك وسخه وقذره .. اول مايصحى من النوم نظفيه وسبحيه.
الغين:غباءك يقهرني.. اقولك يمين تروحين يسار .. الله يصبرني عليك.
الفاء: فنايلي ماتعرفين تغسلينهم.. اوديهم للغسال احسن منك.
القاف:قدور المطبخ كلها قديمه مثلك فشلتين يوم طلعت بهن للبر عند خوياي.
الكاف:كفايه روحة لبيت اهلك كل شوي .. يكفي بالشهر مرة وحده.
اللام:ليمتى بتقعدين بثيابك الوسخه هذي؟؟
الميم:متى بتهمزينن؟
النون:نبي نقتصد بالمصاريف هالشهر.. ذبحتين انتي وعيالك بالطلبات.
الهاء:هاه .. عاد .. لااسمع صوتك بالبيت.. مابقي الا انتي ووجهك تعترضين على كلامي؟؟
الواو:ورين الساعه اللي شريتيها امس.. اكيد ذوقك مثل وجهك.
الياء:ياالله انك تعوضني بزوجه احسن من هالرفله الوسخه اللي ماتسمع الكلام؟؟

ما بقي الا انكم تحطون طلبات البزران..

شوف عن طلبات الشغلات

طلبات جيدة أخي ابو سليمان

ورد جميل أخي هلالي وبس

جزاكم الله خير ,,, وأشكر أخي (هلالي وبس) على التفاعل مع الموضوع ,,

شوي شوي على الحريم