بريدة ستي - كم واحد تعرفه دخل الحجز هاليومين@مهب معقووووووووووله@

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

كم واحد تعرفه دخل الحجز هاليومين@مهب معقووووووووووله@

بسم الله الرحمن الرحيم
حيا الله كل الاحبه..
ما دعاني لكتابة الموضوع هو ماشاهدته في هذه الايام القريبه من حزم:eek: المرور مع قاطعي الاشارة ..
يعني على طول قطع اشارة الحجز والسيارة عشر ايام بالقرعاء ..

لا واسطه لا ترجي لا صياح:eek5 مافيه شئ ينفع ابداً ..

عند مطعم سنيز تفتيش اي واحد يقطع الاشارة على طول اللطمه واركب الجيب والسيارة السطحه وطيرااااااااان على القرعاء .. ايضاً طريق جامعة القصيم من عند اشارة العيون-القرعاء نفس الشئ ..وانت راجع لبريدة حاطين التفتيش عند باب حجز القرعاء ((يعني بدون كلاااااافه)) وقف السيارة واركب..
الحقيقة امر يشكرون عليه فكم تمنينى هذا الحزم في تطبيق النظام ..
اكبر تحية للمسؤلين ..

اقول تفقدوا الاعضاء ترى اللي مايرد هاليومين من عندي تراوا بالحجز<== أسال مجرب:D

هلا بالبي ولد السعودية ..
اجل ماهنا واسطة ولايحزنون .. تدري وراه يالبي ..

لإن أهل الواسطات .. مايمسكونهم من الأصل ..

يالبي عاااااااااد أتذكر مرة حجزون أنا وخشتي قاطعن الإشارة ..
ولاعاااادت على قطع هالاشارة ..

تصدق يالبي إني نايم بجنب واحد .. ويادافع البلى .. طول الليل يرفس .. ذبحنا بالرفس ..
ويوم قام قلت لوه ياخي وراك ذبحتنا بالرفس ..
قال آسف يالبي .. وأنا نايم حلمت إني أسوق سيكل .. ومدحدر مع نزلة .. ولامعي فرامل ..

همن جاااابوا لنا الفطور .. والله ياهوا فله وهم شايلينوه ( بالتباااسي )

قلت إيه حكومة يالبي .. فطورهم مفاااااااطيح ..

ويوم نزلوا ( التبسي ) أثروه فول .. قلت هلاااااابيك ..

يمكن ( الشيف ) حقهم مصري .. والمفطح عندهم يعني فول ..

يابعدي أنت يابن السعودية ..
على فكرة وش يقربلك حليب السعودية ..

سي يو ..

صدقت أنا أعرف ثلاثه حجزوا . . ومطاوعه بعد . .:41

أنا أعرف واحد دخل الحجز وخرج

الله يكون معاهم

احسن كذا .. خلهم يشددون وخاصة قاطعي الاشارات

ليتهم يشددون على هالبزران اللي يسوقون ويتهيبلونـ بهالحديد :rolleyes:

اقتباس:

المشاركة الأساسية كتبها مدحت شوقي بريده (المشاركة 554600)

[color=#0000FF]

هلا والله بملح المنتدى كله ...
قطعت تسبدي وانت اتخيلك طول هالليل انت ورفيقك يا رفس يا ما خقلك:i121 ...
عاد شف شكل الفول وهو يرووووووووووج بهالتباسي:D ..
مرروك ابو ابراهيم زاد من حلاوة الموضوع..

بالنسبة لحليب السعودية الله يسلمك يا ابوابراهيم من الجماعة بس طاقٍ بهم عرق ..[/

color]

يا زين الشدّة والحزم بهالأمـــــور ...

بصراحة سمعت بالشدة .. بس ما أعرف أحد مسجونن

الله يثيبهم

الله يستر والله يكفينا شرهم

عموما انا الى الحين من بدايه الحمله فيه اربعه من اخوياي حجزوأ

<<<<<<< خايف يجي دورهـ.

اقتباس:

المشاركة الأساسية كتبها ارتقاء (المشاركة 554616)

صدقت أنا أعرف ثلاثه حجزوا . . ومطاوعه بعد . .:41

! ! ! ! !

ماله داعي !

المطاوعة مثل غيرهم !

أنا بغيت أحجز لكن الحمدلله أني ماحجزت لأن أهلي كانوا معي
الشرطي مسوي ذكي يقولي تدل الدخل أقوله لا يقولي تعرف القريةالشعبية أقوله لا وراه يقول هناك
الحجز.

عديت من الحجز لكن ماعديت من القسيمة

اقتباس:

المشاركة الأساسية كتبها الفارس المقدام2007 (المشاركة 555210)

[size=4]
احمد ربك انها جت على تسذا ،،امك داعية لك..شكلي هاليومين منب مخلي الوالد تنزل من السيارة،،ابخيلها تكي على يمين ..[/size]