هذه قصيده لشاعر قحطاني يرد علي ياسر التوجري بعد مقابلته مع نجاح المساعيد
 

هذه قصيده لشاعر قحطاني يرد علي ياسر التوجري بعد مقابلته مع نجاح المساعيد

وشكله زعلان مرررررررررره








الشعـر ديـوان الـعـرب وكــاره
ومكتـبـت التـقـدم والـحـضـاره
وتـاريـخ العـصـور الجاهـلـيـه
ومجـدٍ ماتحـايـد عــن مـسـاره
وأنـا دونـت لـي بعـض الدفـاتـر
سجلتهـا فــي مكـتـب الــوزاره
أنـا شاعـر وأهيـب بكـل شـاعـر
معـه ذمـه وفـي راســه نـعـاره
يقـول الـصـدق ويـفـل الحقـايـق
يخـاف الله فــي ســر وجـهـاره
لايحسـب أن الشعـر فــي بقـالـه
يبيعونـه مـن أعـروض التـجـاره
ليـا مـن جـاب بيتـيـن وسحبـهـا
علـى المنكـوس يحسبهـا شـطـاره
يثورهـا بــدون عـيـار وتـثـور
وقــد يمـكـن يولعـهـا شــراره
كــلامٍ مــا يجـمـل مـايـطـرا
ولايبنـي علـى الفـاضـي عـمـاره
ليا منـه حضـر فـي كـل مجلـس
يسولف عـن قصيـده ( والصقـاره )
تكلم عن ( جهات ) وعـن ( قبايـل )
وهـو مبعـد ( ونازحـتٍ ديــاره )
أنا ما أذم فـي فصلـه ولا ( أصلـه )
ولا فـي ( منزلـه ) ولا ( جـداره )
مابيـنـنـا ولا بـيـنـه عـلاقــه
علـى عماهـا قاطـع ( ن ) ألاشـاره
غشيـم فـي السـواقـه وأمتعـافـي
ماهـو بكفـوْ يسـوق لـه ( ؟؟؟؟؟؟ )
وأنا حـق ( ن ) علـي أقـول جنّـب
وأقول عطني ( رخصـه وأستمـاره )
وأفتـش فـي جيـوبـه والمخـابـي
( أبيض ) عيونـه يغلبـه ( حمـاره )
يتـمـتـم وايتلـعـثـم وأيتـلـفـت
اتقـول جـنـدىٍ مـاسـك خـفـاره
يقول ((( أن ذا ألاسد وأن ذا عرينه )))
ويشـر صـوب ضلـعـان النـمـاره
أنـا فـي غيبتـي دالــه وسـالـي
ولا أدري عـن علـوم أهـل الآثـاره
يسد نبّي مـن ربوعـي (( واحـد ))
ياجعلنـي مــاذوق لــه حــراره
عـرِّض كبـدك قطـاة الحضرمـيـه
وحولهـا علـى كـيـس الـمـراره
يكـفـي جـعـل ربــي مايعـوقـه
ولـكـنّ البـحـر صــدر قــراره
أنـا ماشفـت أحـد حـرِّك جـدارك
مـن أيمـيـن البـلـد وألا يـسـاره
وأنـا مـسـؤل عــن دار وقبيـلـه
ولا لي شـأن فـي بعـض القشـاره
لـكـن الـسـوق ملـيـان متـاجـر
ولا أحـدٍ حركـه ربـح وخـسـاره
وأنـا والله فــلا أشتحـنـت مـنـك
مابـيـن القنصـلـيـه والـسـفـاره
ولكـن واجـبٍ قـومـي وحتـمـي
أفندهـا صريـحـه فــي عـبـاره
أنـا مـن صلـب قحطـان العروبـه
الكوكـب الـلـي ثـابـتٍ مــداره
كـم مـن حريـب هازنـا وحــاول
وأعلـن بـعـد ماهـازنـا فــراره
مثل الجمـل لا أقبـل تسمـع هديـره
والا مـن شافنـا يـجـرع خــواره
نطـوع كــل صـعـبٍ ماتـطـوع
مـذوبـة المـعـادي وآنـصـهـاره
مواقفـنـا عـلـى عــز وكـرامـه
وقـوة بــاس وسـلـوم ونـعـاره
شغامـيـمٍ طحـاطـيـحٍ بـواســل
يفضـل مـن يخاصمـنـا أنتـحـاره
حاضرنـا يشهـدون ابـه الخـلايـق
وماضينـا يـصـان مــن أنـدثـاره
حنـا الكـرم فينـا ماهـو طبيـعـي
وفعـلٍ يـرفـع الــراس أنتـشـاره
وحـنـا لاتعـرضـنـا الحفـيـفـي
لـعـنـا سنسفـيـلـه وأعـتـبـاره
وكـلـن يــدري ويعـلـم بـأنــه
بنـا يصبـح عمـاره فــي دمــاره
وحنـا أهــل الحمـيـه والعـوايـد
وحنـا عـون مـن طـال أنتـظـاره
وحـنـا للمـواجـيـب أنتـحـمـل
ونصـبـر للـزمـان ولاأخـتـبـاره
ولا نرضـى علـى أنفسنـا هزيـعـه
نـــدور لـلـوفـاء كـلــه دواره
نسـوق الخصـم سـوق ولا نحـنـه
يـروح أبمعصـم الدنـيـا ســواره
وحـنـا والله أن حـنــا وحـنــا
لنـا مجـدٍ علـى الكـون أقـتـداره
((!!! وجنوب )) المملكه رمز المروه
خفـاف أنـفـوس مافيـهـم كـبـاره
علـى العلـيـا تحصلـهـم عـجـالا
ومركـزهـم دوامٍ فــي الـصـداره
حمينا الدار يومـك فـي (( ذرانـا ))
حفظنـا شعـب وأرجعـنـا ديــاره
تقدمنـا عـلـي حــوض المنـايـا
نسـوق أرواحـنـا فيـنـا جـسـاره
دخلـنـا قـبـل قــوات التحـالـف
قبـل تصـريـح عـبـدالله بـشـاره
وخضنـا أم المـعـارك والمهـالـك
نهـبـد الـقـاع ونطـيـر غـبـاره
عسـى مـن ذمهـم نــذرٍ عليـهـم
وكبـده مـن حـراره فـي حــراره
أنـا ينتابـنـي لا شـفـت شكـلـك
شـعـورٍ بالـكـآبـه والـحـقـاره
سمعت أسمك ولا قـد شفـت زولـك
وشفتـه فـي قـنـوات ((ال؟؟؟؟؟ ))
حفـانـةٍ عرقـوبـهـا صخـيـفـي
تخـش الـراس فـي وسـط الزبـاره
تميـلـح وتـزكــرت وتفـلـسـف
بهـرجٍ مـال عيـن أمــه وقــاره
تقـول القـول ماتحـسـب حسـابـه
مثيـرٍ للـجـدل وايـضـا الاثــاره
تركبهـا علـي واحــد وخمسـيـن
تمولهـا عـلـى سـطـح العـمـاره
ولا أردى منـك غيـر اللـي يقولـون
صـدر الجنوبـي ضـيـقٍ مـسـاره
وحنـا جامـعـات الشـعـر كـلـه
انـدرسـه بأسـالـيـب ومـهــاره
ولا نضرب حسـابٍ لـك وشـرواك
وعظمـك لا أنكسـر مالـه جـبـاره
أغروك (( ؟؟؟؟ )) العجـم وجابـوك
علي راسـك كـذا ضحـك وعيـاره
مـضـراً بالشـحـاذه واللهايـــس
متمـرسٍ عـلـى فــن الـطـراره
شبوحـك ياصغيـر عـنـد رجـلـك
وغيـرك ماخـذٍ كــآس الـجـداره
تفـكـرهـا كلـيـجـه ياحبـيـبـي
وهـي لـك لقمـةٍ فيـهـا مــراره
نشبـت ولا دريـت ابـمـا جنيـتـه
جنيـت أحبـاط حظـك وأنكـسـاره
وأنـا أدري أن وراك علـوم وعلـوم
ماتـدري أنــك واطــي خـبـاره
صحيـح الجاهـل أنـه ضـد نفسـه
يبـيـح الـسـد ويـزيـح السـتـاره
وهـذا آقـل مــن حـقـه عليـنـا
ولانقـبـل كـلامــه وأعـتــذاره
نحطه فـي الـدرك ألاسفـل ويبقـى
مشقـوقٍ الجـيـب مقـطـوعٍ زراره
وأنـا بينـت لـه بعـض الحقـايـق
وحفظتهـا فـي مكـتـب الــوزاره


منقوول من منتديات البرق