|
ســـــــــاعدوووني (",)
السلام عليكم هلا بالجميع انا عضوة جديدة بـ بريدة ستي وايضا سوف اكون ضيفة ببريدة ستي الستي نفسها :) وعندي سؤال لو سمحتوا وين احصل بهارات القصيم يقولون في بمكان الحريم او العجز يسوونها ويبيعونها وللاسف ماادري وين بالقصيم ؟! اتمنى انكم تدلوني ولكم جزيل الشكر اختكم / مشــاعل الحيــاة |
افاااا المشاهدات 17 مره ولا احد رد على موضوعي على الاقل ترحيب بي كعضوة جديدة معكم . . . ــــــــــــــــــــــــــــــــــــ |
وعليكم السلام ورحمة الله وبركاته عزيزتي \ مشاعل الحياة حياكِ الله وبياكِ وجعل الجنة مثوانا ومثواكِ أتمنى تقديم المساعدة لكن للأسف أنا من سكان الرياض لاتستعجلي بإذن الله قريباً تأتي من تقدم المساعدة لك :) |
أهلاً وسهلاً بك .. حياك الله للأسف عزيزتي ما أعرف شي في بريدة وينكن ياللي ساكنات في بريدة .. مساعده ! إن شاء الله تجدي طلبك .. :) |
فيه نساء ببيوتها وفيه عند شارع الصناعه يسمونها الوسعه
هذا الي فهمته من كلامك تبين شي ثاني ان حاضره |
وعليكم السلام ورحمة الله وبركاته ياهلا بأخواتي الغاليات بنت الشماسية وشهد العسل والله انكم عسل تسلمون على حضوركم وترحيبكم بي وانتي يالغاليه نآآآآآآردين تسلمين على المعلومة يعني اللي بشارع الصناعة محلات ولا نساء اللي تبيع البزار يقولون في الجردة بس ماادري صح كلامهم ولا لا؟ ويلوموني في حب القصيم تستاهلون كل خير ــــــــــــــــــــــــــــــــــــــــ |
وعليكم السلام اهلا وسهلا فيك فيه بشارع الصناعه محلات عطارين تلقينها عندهم ويقولون اللي يبيع بهارات زينه أسمه (الشومر) بشارع الصناعه |
هلا وسهلا بمشاعل الحي توي هه أشوف موضوعك يالغالية ... شوفي إذا كنتي مستعجله .. خوذي بهارات القصيم اللي مكتوب عليها أم صالح ... تلقينه عندالسوبرماركت ... زين مررره ويغطي الحاجة ... وان كنتي منتيب مستعجلة وتبين الزين أعرف لك وحده عندها بهارات... نصوووح بالمرره وتجتهد بالنظافة والاهتمام ... وعندها البزار العادي ... وبزار الرز الأبيض ... والليمون الأسود حق القرصان و البزلة حقت الرز (مادري شتسمونها:) ) المهم هذا الليمون عندها ما شاء الله مضبوط والكل يمدح فيه ... أخذت رقمها وعنوانها من منتدى نسائي معروف ... واللي كاتبه الموضوع وحدة من الشرقية تقول بالقصيم .. ويوم جربنا ما شاء الله زين ونظيف ... اذا تبين العنوان أو تليفونها أبشري من عيوني أعطيك اياهم بالخاص ... |
ياهلا والله بـ صديقة الشمس ودي اجرب بهاراتكم احيانا اسوي بهارات بالبيت بطريقتي او اني اشتريها جاهزة من السوبرماركت بس قالولي بهارات القصيم تجنن بالطبخ وخاصة اللي يسونها الحريم وان شاء الله جاية بريدة هذا الخميس ونروح لشارع الصناعة ونسأل عن الشومر واشوف بهاراتهم تسلمين على المعلومة ياصديقة الجميع ـــــــــــــــــــــــــــــــــــــــ |
ياهلا والله بـ فاصلة ايه اعرفها ام صالح حقت القهوة :) على ايدك ياحلوه ابغى وحده ممتازه وياليت ترسلين الرقم والعنوان على الخاص لاني ماني مستعجلة ابغى الف القصيم كلها واشوف تطورها ماشاء الله اول مره جيت القصيم سكنا بالفاخر اعتقد كذا اسمه بالصفرا الحين ماشاء الله فتح موفنبيك قبل رحت لسوق سامره والحين صار عندكم النخيل بلازا اول بنده الحين جيان تطور ملحوظ في السنوات الاخيره وبالتوفيق يالقصيم يابلد العلم والعلماء والله يزيدها تطور وصلاح وثبات و البزلة حقت الرز " ماادري ايش تقصدين ؟؟!! هل تقصدين بهارات صحيحة ماتكون مطحونة وتكون جاهزة يعني مربوطة بقطعة قماش مشكووووره ياغاليه على مساعدتك ــــــــــــــــــــــــــــــــــــ |
وعليكم السلام ورحمة الله وبركاته هلا والله وغلا بمشاعل الحيــاة نورتي .. اتمنــى اني أفيدتس .. لكن مثل الحلوات اللي فوق.. انا من أهـــل الريـــاض.. :) اتمنى تستفيدين وتفيدين .. حياتس الله ... الا [امل الحياة] ما تقرب لتس :D |
ياهلا والله بـ حايلية تسلمين ياغاليه مايحتاج الكرم الطائي بعروقك يابعد حيي امل الحياة من الجماعة :) نورتي صفحتي واسعدني ردك الحلو ـــــــــــــــــــــــــــــــــــــ |
| الساعة الآن +4: 05:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.