|
{قصه واقعيه حدثة قبل35 عام}
هذولا 5 شباب من القصيم من ديره وحده
اتفقوا انهم يخيمون شمال حايل طبعا المكان الي بيخيمون فيه غير معروف من قبل راعين الكشتات ولمو المواتر وجهزو الوازم والسلاح.... ومشو سيارتين وصلو لحايل وطلعوا شمال المنطقه ب124 كيلو صحراء وبعد وصلولهم لاحظوا ان المنطقه جرداء خاليه من الكشاته.... قبل مايوصلون تقريبا ب6كيلو من مكانهم لاحظو خيمه كبيره ام عامودين وعندها سياراة واجد تقريبا 50 سياره بالقليل المهم تجاهلو الأمر وكملو مشوارهم كان وصولهم بعد صلاة العصر بربع ساعه... المهم طقو الخيام وضبطو المكان بأكمل وجه... (طبعا كانت طلعتهم ايام شتى).... جمعوا المغرب مع العشاء وبعد الصلاة زبطوا الشاهي وشبو على العشاء.... وسواليف وفلت حجاج.... قبل مايتعشون سمعو صوت سياره جايه من جنوب المخيم وقفت السياره ونزل راعي السياره كانو الشباب مجهزين السلاح ولما شافو الي نزل واحد تطمنو واخفو السلاح..... الضيف: السلام عليكم يا اهل الخيمه الشباب: وعليكم السلام الضيف: مساكم الله بالخير الشباب: هلا وغلى اقلط تقهو الضيف: يزود فظلكم جلس الضيف عند الشباب وتقهوى عندهم ودار هذا الحوار بينهم.... الضيف: حياكم الله بديرتكم الثانيه ياشباب الشباب: الله يحيك ويبقيك الضيف: ما شاء الله عليكم عرفتوا تختارون مكان واحد من الشباب كان اصغر واحد فيهم كان متخوف من الرجال الغريب وكان يقول بنفسه هذا يبي شي منا موب طبيعي. الضيف: هالمكان هذا زين والكشاته يجون له بكثره امير الرحله: فعلا واجدين...؟ الضيف: وانتم كم يوم بتخيمون هنى انصدمو الشباب من سؤاله الغريب وقال امير الرحله على نياته: اسبوع إنشاء الله وخلص العشاء وقلطوه.... تعشوا وعينو من الله خير وأستأذن منهم الضيف وطلع من عندهم كان الوضع بالنسبه لشباب عادي ضيف وبس لكن محمد (الي كان خايف منه) محمد: ياشباب هالشايب وراه بلا ذى شرايكم نغير مكاننا خالد (أمير الرحله): يارجال لاتصير موسوس لهادرجه ضيف واكرمناه وش فيها بعد فهد: انا قايلكم قبل ان محمد ذروق وخواف ويخاف من البر خالد: لا حرام عليك عاد محمد هو الي مقترح علينا هالطلعه بدر: اقول صب الشاهي ياحمودي وخلو الرجال بحاله سامي: ابقول بس بييي نوم خالد: ياسامي اصبر شوي نتقهوى وننام كلنا كانوا كلهم ضد محمد برأيه ومشوا الأمر بكل بساطه نزلو الفرش ودفنوا الضو وناموا كلهم إلا محمد منسدح وقاعد يفكر... غريبه يقول هالشايب ان هالمكان زين وانا ماشوف فيه احد إلا حنى وراعين هالخيمه الكبيره وش سالفة هالسيارات الكثار انا ما اعتقد ان الخيمه بتكفيهم انا لزم اغير مكاني مر الوقت وجت الساعه 2 ونص بالليل وراح محمد وأخذ سلاحه وفراشه بدون ما احد يحس وطلع من المخيم وابعد شوي وراح لم نفود رفيع شوي وانسدح فيه.... مرة ساعه ومحمد خايف من شي وشو ماندري كان محمد لايطيب له نوم في تلك الليله يحس بشيأ ما سيحدث (يمكن ان يكون الهام من الله تعالى له) نظر إلا الخيمه فلفت نظره 7 رجال مقبلين من جنوب الخيمه ارتعش محمد خوفا لما رأى ذلك العجوز الذي قد قدم إليهم قبل ساعات نظر بتمعن فإذا هم يحملون اسلحه رشاشه ويمشون على هون إلى باب الخيمه محمد: لقد وقع ما كنت آخشاه يا إلهي ماذا افعل هم 7 وانا واحد كان محمد يحسبهم سيأخذون الأغراض والخيمه و الخ.... ويذهبون بها لكن وقع الفأس بارأس فتحو نيران رشاشاتهم تجاه النيام مما ادى إلى مقتل الأربعه بكاملهم محمد لم يستطيع استيعاب ماحدث ياترى اانا في حلم او في علم -------------------- اخذ الطغات كل مايملكه هؤلاء الشباب من سيارات وخيام و و و.... حفرو هؤلا الطغات حفرتا عميقه وكبيره نوعا ما فدفنو الموتى جميعهم بحفره واحده * 8 8 * انتظر محمد المفجوع الباكي ذهابهم كاد ان يذهب عقله ومع إشراقة شمس يوم ثقيل ذهب محمد راكضا لأصحابه ولكن متى؟ بعد ما وجد له مكان آمن كان يرتجف خوفا وهلاعا سقط على الأرض مغشيا عليه لما رأى تلك الدماء البريئه المعصومه تتناثر هنا وهناك {لعلكم سامحتوني يارفاقي} صلى عليهم وطلب من الله ان يتقبلهم شهدا عنده. -------------------- وماهي إلا ساعه ويفيق من غشيته مستردا ذلك قواه الجسميه عازما الإنتقام لأصحابه لم يعرف مكان هؤلاء الشياطين إلا من آثار سيارتهم المسروقه تبعها محمد وهو يقول في نفسه اموت شهيدا ولا اموت ذليلا تبعها حتى ارهقه المشي فاستراح قليلا ثم اكمل مسيرته الإنتقاميه رأى آثار السياره متجه للخيمه التي رأوها في اول قدومهم اقترب منها محمد بحذر لم يخف لان قلبه قد مات وكان يدرك هلاكه عاجلا ام آجلا يرى الموت رأي العين هم 7 وهو واحد (الكثره تغلب الشجاعه) لاحظ محمد ان الأشخاص الذين بداخل انهم يتحدثون وهم جميعا على مائدة الغداء والذي لفت انتباهه صوت ذالك العجوز الحقير وهو يضحك ويقول هه مساكين مافي احد يخيم بخلا قاحل وقال: اه انا اذكر اننا قتلنا 4 وهم اذكر 5 اين الخامس ((الخامس قادم لقتلك ايها الخسيس))....! قاطعه محمد بكلامه هو داخل الخيمه و و بعدها هجموا عليه وفر محمد ولحقوا به وقبض عليهم جميعا المهم محمد بعدها واجه مشاكل كثيره وكبيره من قبل آهالي اصدقائه حيت تم التحقيق معه فحدث خطا ما في التحقيق مما ادى إل الحكم بقصاصه طالبوا كثير من المشايخ بتخفيف العقوبه لكن اهاليهم اصرو على هذا الحكم نفذ الحكم بمحمد الذي تقطع قلب والداه عليه حزنا فقد كان محمد في عمر الزهور في مقتبل شبابه كان وحيد ابواه طبعا له اخوه صغار لكن الكبير له معزه خاصه وكان طموحا في نفس الوقت آمال ابواه كان متوقفا عليه لقد رحل ورحلوا جميع الأصحاب شهداء نحسبهم والله حسيبهم كانت بسبب غلطه بسيطه ادت إلى فقدانهم الحياه (عدم سماعهم لإقتراح الإنسان الصغير {محمد}) -------------------- بعد عدة ايام من الحادثه البائسه اعلنت احدى الجرائد المحليه بأن العصابه الذين قتلوا اصحاب محمد لهم اكثر من 5 سنوات يمارسون إجرامهم بحجت انا الأراضي ملك لأجدادهم..... وان الخلل في الحكم قد عدل إلى السجن مدة 3 سنوات لكن متى!! متى ا ا ا ا ا ا ا ا ا! وألف متى بعد ما ازهقت روحه بعدما حرم ابواه رحمك الله يامحمد وجميع موتا المسلمين. اللهم آ ا ا ا ا ا امين والمعذره يا اخوتي على الإطاله والتأخير (قصه واقعيه ليست من نسج الخيال) __________________ |
حسبي الله ونعم الوكيل
اكيد اهل (جبه) اللهم انصر المجاهدين في كل مكان امين امين امين امين امين امين امين |
جزاك الله خير
فعلا قصه محزنه جدا رحمك الله يا محمد |
نخيل أنا بمحله
والله لأنتحر أدافع عنهم واخرته أصير أنا المخطي قصة محزنة .. جزاك الله خيرا |
| الساعة الآن +4: 08:19 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.