بريدة ستي - صامتٌ .. !؟

السلامُ عليكم ورحمة الله وبركاته .. !

يااااااالله .. كم لي ما كتبت موضوع في هالقسم ؟!
الله المستعان .. قدييييييييييم جداً .. !!
هجرناكم يا تصاميم فنيّة .. ونعم الهجر هجركم .. <== خربها :D
أمزح .. شدعوى عاد .. وش حنا بلاكم يالتصاميم الفنيّة ؟!
على طاري الفنيّة ، أذكر يوم أنا صغير في الإبتدائيّة ، تقريباً بصف ثاني ابتدائي ، كنت أحب الأعمال الفنيّة والتشكيلات واللوحات الحلوه ، فـ مرّة من المرّات طنت معي أسوي عمل لـ مدرس الفنيّة ، وبالفعل رحت وقطفت زهرة حلوهـ جداً ، من الدوار اللي بجنب بيتنا :D ثم جبت قارورة عصير أورنج .. ياااالله يا قدمه .. ! ثم لوّنت القارورة وزبرقنه ودندشته .. وسويت حاجة حلوهـ يعني .. ثم حطيت فيها ماي .. والزهرة يا حبيله مازالت متماسكة .. علشان خاطري .. ! :eek5
ومن بُكرا يا جماعة الخير .. رحت للمدرسة مبكر جداً ، والمدرسة كانت قريبة من بيتنا وأروح لها رجليّة .. وصلت المدرسة ودشيتها .. وبلشت في العمل اللي معي .. لأني لو خليته معي بالفصل .. جو الطلاب .. وأشغلون عنده .. وهذا يسأل .. وهذاك يستهزي .. والآخر يبي يمعط الوردة ويحوسه علي .. والثاني يقول .. ورن ورن .. أبلسمه بس .. !! .. فـ قلت لازم أروح أغبي العمل .. فـ شفت برادة متعطلة عند باب غرفة الفنيّة آنذاك .. فـ رحت وغبيته وراهـ .. ومشيت للفصل .. وكأن شيئاً لم يكن .. وحصة الفنيّة .. في آخر اليوم الدراسي .. !!
رااااحت الدروس .. درس بعد درس .. وأنا حاط يدي على قلبي .. عاد يوم جت الحصة الأخيرة .. رحت لم البرّادة .. وأدوّر .. وأدوّر .. وأبحث .. وأشيل وأحط ... ما فيه شيء .. !!! :oo
فـ تحطمت آمالي .. وانكسر خاطري .. واعتصر قلبي .. ووئدت براءتي .. !! :eek5 :eek5
فالله يهديه اللي سرقها .. ويحلله ويبيحه :eek5 !

وانتهت الحتوته يا بشوات .. وترى كل هالكلام .. علشان بس ما تزعلون علي .. مبطي عنكم !
ولا تقعد يابورائد .. تنقل الموضوع للسواليف الكشكوليّة .. هذاي أبحط تصميم !! :D
والله ما تنقله .. إني لأمسك وأمحط بك الأرض .. :D

هالتصميم .. يبدو انكم شفتوهـ في توقيعي قبل أيّام .. ؟!
تصميم متواضع .. بس يعني مجرّد مشاركة .. في هالقسم ..
ولا أنا مكاني أنا بالصوتياتـ .. :D

http://www.buraydahcity.org/A.d.v/smt.jpg

طبعاً ما أبي نقد .. ولا اقتراحات .. !:i125

اللي معجبه يسجل إعجابه .. واللي ما أعجبه .. يطلع برّا <-- خربها :D

ودُمتم بخير أحبتي ! :)