|
فكرة لعمل فني بسيط
السلام عليكم ورحمة الله وبركاتة
كيف حالكم \\\يابنات ابي فزعتكم انا معلمة وطلبت المدرسة نسوي عمل فني بسيط ومن خامات البيئة وبمساعدة الطالبات وبكرا الثلاثاء لازم نشتغل علية الله يخليكم ساعدوني ابغى افكار بسيطة وجزاكن الله خيرا |
وعليكم السلام ورحمة الله وبركاته.. هلا ..حياتس الله,,, ببالي فكرة وحدة ......>>>>داجة سوي صندق لحفظ الأغراض الصغيرة. الاحتياجات اللي لازم تكون عندك: 1) تجيبين كرتون أحذية مع غطاه >>>أكرمكم الله أو كرتون بسكوت أو أي كرتون بس يكون الكرتون سميك . 2) ورق ملون (كراسة). 3) خيش متخلخل>> خيشة الرز الخفيفة. 4) قيطان نفس لون الورق الملون اللي اخترتيه. 5) ورد مجفف وأزارير وخرز أصداف ( قراشيع صغيرة ) 6) صمغ مسدس. ....الطريقة.... تغلفين الكرتون كله بالورق الملون والغطاء بعد يغلف لحاله,,, بعدين تغلفينه مرة ثانية بالخيش بحيث يطلع لون الوق من بين الفتحات,,,بعدين تزخرفين الغطاء بالأغراض الصغيرة ترسمين بالقيطان رسمة على ذوقك وتلصقين الأزارير والأصداف أو أي شي بشكل حلو ... ولاتنسين تحطين عروة للفتح ... هذا ما عندي ,,,,,,,, وصلى الله وسلم على نبينا محمد وعلى آله وصحبه أجمعين |
يعطيك العافية يارتوج فكرة الخيش حلوة يالله يابنات همتكم اعطوني افكار |
امممممممممممممممممممممممممممممممممممم
انا عندي روابط منتديات مهتمه فهذا المجال إذا عادي أحطهم والا أرسلهم على الخاص |
أهلين اختي .... شوفي أنا عندي عمل حلووووووو مررره وسهل بعد .... أغراضه :: 1ـ خشبه خفيفه أو بلاكاش ويكون المقاس اللي تبينه ... 2ـ قماش ساده أو عليه نقوش لكن غير ملونه يعني ملمس بس ويكون لونه زاهي .... 3ـ الخامات :: شك , شرايط , خيوط ملونه , كرستال , لولو , أي شي عندك يكون صغير ونعوم ... 4ـ ورق صبيان منسق مع لون القماش والخامات ... 5ـ أسفنج عرضه 1 سم ... الطريقه ..... تلصقين الأسفنج على الخشبه وتشدين القماش عليه ... حتى يكون الشكل مقبب مع الوسط لو شي بسيط .... ثم تسوين لك تصميم يعني مثلاً (( على اليسار تحطين ثلاث قلوب مكونه من ورق ملون ويكون ألوان متناسقه وعلى اليمين تخيطبين Babe بنفس ألوان القلوب وتحشين الكتابه بالخامات المناسبه )) هذا مثل .... وفي النهايه تحطين ورق صبيان وتلصقين عليه العمل يعني يكون طالع على الجوانب الورق وتبروزينه ويخلص ..... بس أقولك شكله رووووووووعه ....وعلى حسب تصميمك ... وإذا تبين تصاميم ثانيه من عيوني بس أتوقع يعجبك هذا ... ولو تبيني أسويه لك وأحطه عند محل ماعندي أي مانع ..... بس قولي لي مقاساتك واضافاتك عليه وأسويه لك ... ومتى تبينه وإاللى لازم بكرا؟ |
يعطيكم العافية وماقصرتو افكار حلوة لعقول ابداعية |
| الساعة الآن +4: 12:17 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.