|
ماذا يعني لكِ السكن عند أهل زوجك ؟؟ (( تهمني الاجابة جداً ))
السلام عليكم ورحمة الله وبركاته أولا .. بما أن الموضوع متعلق بالنساء تمت كتابته في المنتدى الخاص بهن .. والمعذرة على مخالفة الأنظمة السؤال كما هو واضح في عنوان الموضوع .. اريد اجابة صادقة وصريحة لان الأمر يهمني وأعتقد انه يهم كل زوج س/ ماذا يعني لكِ السكن عند أهل زوجك ؟؟ اريد اجابة مفصله شافيه .. |
زين شين
زين أذا كان فيه تعاون و أحترام و خاصة أذا كانت الزوجة موظفة أو تدرس وشين أذا كان العكس وأهم شي الزوج أذا كان يحترم زوجته ويقدره مايضر في أي مكان |
لا والله صعبه .......... يعني ماجانا من هالحريم الا الهووووووش والغثاااااا ....... أنا أشوف زوجات أخواني ...... متضايقين منا ........ طيب خلاص بيتها للحالها أزين لها ولنا ........ يعني تاخذ راحتها ....... فلذلك أنا شخصياً أفضل أني أنعزل عنهم فقط بالسكن ......... ومايمنع اني أكون حبوبه ومتفاهمه معهم ....... ياخوي أعرف ناس جربوا العيش معهم ........ والله أنه تعب نفسي ........ وفي النهايه مالنا الا المكتووووووب ........ مشكور أخوي ........ |
الراحة النفسية أهم شي .. ! وإذا كنت تبغا الراحة النفسية لك ولزوجتك .. لاتسكن عند أهلك ! طبعاً لابد من وجود خلافات على الصغيرة والكبيرة .. فكونوا منعزلين ببيت خاص أفضل ! . |
البيت الخاص افضـــــــــل من جميع النواحي..
|
اقتباس:
إذا كان الزوج يحترم زوجته .. بيقولون الأهل : مدلعاها .. ياخاف عليها .. مايبغانا نقولها شي .. مايشوف خطاها .. ووو وأشياء هي عاديه بين الزوج وزوجته .. لاكن الأهل يرفضونها مهما كان الأهل حبايب .. لابد أن يلتفت النظر ! أما إذا كان يحترم الأهل .. بتقول الزوجة : مايحترمني يحترم أهله .. أنا متزوجه عليه و على أهله .. يناظر وجه هله !ّ بتقول الإعتدال .. لابد أن تكون هناك زلة أو غفلت عن حاجة .. من حدا الطرفين فتُجعل أكبر مما تتصوره .. فيتعب الجميع من الحياة ! وهذا هو الواقع وبصراحة .. فالإعتزال هو الأفضل وبكثير ! . |
صعب
لاتسال ليه رفضت شاب رائع ومن ضمن الاسباب هذا مع ان اهله يدعي انهم رائعين لكن.......... والاصعب او بلاشي اقول اخاف يكون نصيبي كذا |
اسأل مجررررررب00!!
اذا تبي تقدر زوجتك00وتبي اهلك يقدرونه بعد0000(خله بسكن لحاله)لكن هالسكن مايمنعه انه تكون طيبه وسنعه معاهم وتزورهم كثير لكن العيشه معهم احسه صعبه لأني مجربه مهما كانو الاهل من طيبه يملون منه000 فمثلا عندك ولد عم ساكن بمدينه وانت بمدينه مختلفه وكل ماجاء لمكم رحبتو وهليتو فيه لانه يجي وقت اوايام ويرجع 0ولدعمك حصله تسجيل بالجامعه الي بمدينتكم وجاء وسكن معكم بالبيت وطالت الايام والسنين يصبح عندكم ملل منه وتحسون انه يعيق راحتكم بكثير من الاحيان لاوانتم رجال يمكن تحملون فمابالك بامرأه ضعيفه عقل مع نساء هن بمثل عقلها هذا مثال تقريبي 00لاني ودي اوصل معلومه لكل زوج ان يقدر ولايترك صلته وبره باهله وامه خااصه بعد الزواجه00ويعطي زوجته راحتها واستقلالها في مسكن مستقر حتى يدوم بين الجميع التألف والاحترررررررررام000 |
والله تسكن بلحالها افضل بكثير لانه الناس اعتادوا على ان زوجة الولد عدوه لهم وهالتفسير طلع من تصرفاتهم معها وماعلم الرجال انه بالعكس اكثر الاذى والاهانات تاتي دائما من اهل الزوج ونادرا ماتجد امراه تؤذي اهل زوجها ولكن انقلبت المفاهيم واصبحت الزوجه هي المتهمه فانصحك لوجه الله لاتسكن مع اهلك وخلكم بعيدين اريح لراسك من المشاكل والقيل والقال.. 1) السكن معهم يحرمني من حقي الشخصي المنزل فانا خرجت من بيت اهلي اريد انا ستقل بحياتي وبعد ذالك اذهب لاسكن مع عائله لااعرفهم لو اردت ذالك لعشت في بيت اهلي ولم اتزوج. 3) ضع نفسك انت مكانها لو سكنت مع اهلها هل ستعيش براحه وسعادة ..!!؟؟ 4) وهذا لايمنع من زيارتهم كثيرا ومعاملتهم بلطف واحترام .. |
السلام عليكم ورحمة الله وبركاته .. اخي في الله .. رأيي الشخصي هو .. انا اقول لا بأس به .. لكن بحسب طريقة تعايشهم يعني لو البيت مترووس رجال ماراح ارتاح وراح ارفض اعيش معهم بس لو البيت يغلب عليه البنات مثلا فـ ليه ارفض .. انا بطبعي احب الجمعات .. فـ هذا رايي .. وترى محدن من اهلي مجرب .. لكن اتوقع لو اعرف الوضع كيف بيكون يمكن راح تتغير نظرتي لسؤالكـ .. [glint].. كـ الـ ^.^ ـود ـل .. [/glint] |
الصراحه اذا كان بيت اهله مليان مجذعه فالأفضل تكون في بيت مستقل ..
اما اذا كان مافيه الا واحد .. اوتكون ظروفه وسط .. او يكونون اهله بحاجه لزوجه ولدهم >> امه كبيره او...... فالأفضل ان تكون معهم >> واللين والحبابه يمدحونه ..;) لكن اذا كانت البنت ماتحمل فلا توافق من البدايه>> يعني مدلعه اوحار طبعه :i121 ................................... بما ان الأغلبيه تفضل السكن مستقل ودي اقولكن كلمه بس لا تزعلن !! توقعين ان زوجك يبي يقابلك كل اليوم .؟؟ وبعضهم عنده دوامين :S وبعدين وش تسوين بوقتك الفاضي ( العصر ــ وبعد العشاء ) ؟؟ انا اقولك لو انتي عند حمولتك كان انواع الوناسه >> تراى اقيس على خواتي .. ســــــــــــلام: 12 |
الحمد لله
أنا الحين عند أهل زوجي ساكنة من أول ما تزوجت وهمن سافرت مع أبونا خمس سنين لسويسرا والمانيا وبعدين رجعنا عندهم ما شاء الله ما عندنا خلاف خالتي عسى الله يسلمه نحبه وبعد عمانتا ما عليهم والله يديم المعروف أهم شيء حسن النية ومخافة الله والصراحة بيننا واللي يزعل نتركه مالأمه داعي وعلى رأي أبونا وحنا بنعيش كم مرة علشان نزعل ونشيل بقلوبنا وعمي أبو زوجي هو له الرأي والهرجة وليش لا وهو إللي مربي أبونا لكن أهم شيء أن يكون الجميع يتحمل ويحب الجميع ونترك العقل الصغير وعماتنا هم خواتي الله يجزاهن عنا خيرا وعلى فكرة عمتنا أمولة بتعرس عقب شهرين وكلنا نساعده بالجهاز وعسى يسعده ويكون حمولتهم مثل حمولتي الله يبارك فيهم |
halli-balli
ياحبيلتس ليت كل الناس مثل اهل زوجتس دامكم عايشين كذا ماشاء الله اهل زوجك هم من الفئة اللي تنعد بالصابع وهنيئا لك هالأهل الطيبين.. |
شاكر للواتي زودوني بآرائهن والمعلومات التي لديهن وأنا بإنتظار المزيد لتعم الفائده للجميع (تم الرد لتأكيد اني متابع للموضوع فقط) |
| الساعة الآن +4: 01:23 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.