|
السلام عليكم إخواني وأخواتي. من يدلني مشكورا على مشغل نسائي إسلامي أو محافظ في بريدة
السلام عليكم إخواني وأخواتي
من يدلني مشكورا على مشغل نسائي إسلامي أو على الأقل محافظ وسمعته طيبة وجزا الله من دلنا خيرا |
شوف اخوي مافيه شي أسمه مشغل إسلامي .. .. .. !! مشغل شيفوووون .. .. يجنن تسريح وقص الشعر .. .. أما الميك أب .. .. وحده في مشغل شهد أسمها بديعه حلو و نعووم شغله .. .. أما إذا كانت عروس أم عباده بمشغل 7 نجوم .. .. فــنــــــانــهــ أتمنى أني أفدتكـ تحيــــــاتــي .. .. |
بسم الله الرحمن الرحيم
الي يسمع كلامك يقول ذا بأمريكا ..... . . . . (ولا بس شوفوني ماشالله علي مطوع ما احب الخرابيط) الا ان كانك خابر مشاغل ببريده يهوديه.... علمنا ترانا مسلمين زيك.. |
http://www.buraydahcity.net/vb/showthread.php?t=75934 هذا أحد المواضيع المطروحهـ بمنتدى بنت بريدة ... لعلكـ تجد ماتريد بالمنتدى هناكـ ... كل يوم جايتنا وحدهـ تطلب نفس ما طلبت .... |
بالنسبة للمشاغل (( السلامة منها جيد )) واذا كان ولابد فأفضل الموجود ببريدة مشغل (( شهد )) ومن الضروري جدا وجود مرافقة مع من ستذهب لأي مشغل واكتب هذا الكلام بناءً على اهل مكة ادرى بشعابها |
السلام عليكم إخواني وأخواتي
الاخت تالي حياتي موووت ما زال عندي امل ان فيه مشغل في بريدة يتصف بانه مشغل اسلامي مشكوره على جهدك ولكن هل مشغل شهد اللي تقصدينوه هو نفسه اللي اسموه دار شهد //////// الاخ بريدة موطني لا ما حنا بامريكا ولا قلت ان به مشاغل يهوديه ولكن نسمع احيانا ان فيه مشاغل تدور حولها شبهات وفيها منكرات وسؤالي واضح /////////// اختي الكريمه حنايا القلب جزاكي الله خير على الرابط //////////// اخي الكريم الحزين اذهب الله عنه الحزن بتقوى الله والجنة جزاك الله خير على توجيهك ولكن عندي سؤالان 1 ـ هل تقصد بمشغل شهد المشغل اللي اسموه دار شهد 2 ـ ماذا تقصد ان اهل مكة ادرى بشعابها؟ هل تقصد ان عندكم او كان عندكم مشغل؟ او عند احد اقاربكم؟ |
اخي الكريم الحزين اذهب الله عنه الحزن بتقوى الله والجنة
جزاك الله خير على توجيهك ولكن عندي سؤالان 1 ـ هل تقصد بمشغل شهد المشغل اللي اسموه دار شهد 2 ـ ماذا تقصد ان اهل مكة ادرى بشعابها؟ هل تقصد ان عندكم او كان عندكم مشغل؟ او عند احد اقاربكم؟[/QUOTE] اهلاً بمديرنا العزيز............... حياك الباري بالنسبة للنقطة الأولى نعم اقصد دار شهد اما النقطة الثانية ( فعند جهينة الخبر اليقين ) امل ان تفهمها وهي طايره (((( فكثير من المشاغل )))) لديها تجاوزات ــــــ شرعية ـــــ واقرب قضية حصلت بمشغل لبنى بالرياض قبل اسبوع واذا كنت لا تعرف شيء عن المشاغل فجلس مع احد محارمك وقل لها ماذا تسمعين عن المشاغل انا اعرف انه سوف يضيق صدرك لكن الله المستعان .... لا تزعل علينا نحن نحب الخير |
سلالالالالالالالالالام عليكم فــــيه مشغل نورة بحي مشعل مشغل محافظ واللي يملكه ناس معروفين بصلاحهم ومن اهل الحي بعد.. لكن المشغل مهب ذاك الزود..والمشغل اللي بأسواق الوشاح النسائية .. اذاكنت طلبك مكياج وتسريحات الافضل انك تطلبها لمحارمك في المنزل من اي مشغل تبغاه هذا اسلم واستر واحفظ لهن لانك لو ضمنت العاملات ماراح تضمن الزباين .. فتذكر احدى الثقات انها مرة بمشغل ببريدة معروف انه مهب راعي خربطة وكانت هي جالسة تنتظر دوره يوم التفتت لقت وحدة من البنات اللي جالسات مطلعت جوالها وتصور بنات خلق الله .. |
الي أعرفه وأسمع فيه
ان مشغل ( مها ) مشغل محافظ وصاحبته مراة متدينة وذات غيرة على بنات المسلمين وفوق ذلك أسعارهم الجيدة .. |
السلام عليكم اخواني واخواتي
//////////////// اخي الكريم الحزين اذهب الله عنه الحزن بتقوى الله والجنة هلا بك والله يحييك اخانا الكريم جزاك الله خير على التوضيح وانا ما سألت إلا بسبب ما أسمع أو أقرأ عن بعض منكرات في بعض المشاغل أو حتى بعض الجرائم مثل قصة مشغل لبنى جعلك الله دايما من محبي الخير وبارك فيك ///////////////// اخي الكريم نورس البحر وعليكم السلام وجزاك الله خير على اضافتك القيمة وتوجيهك وتنبيهاتك المهمة وبارك فيك //////////////////// اخي الكريم الواثق جزاك الله خير على اضافتك القيمة ولكن ما هو عنوان مشغل مها في أي حي وفي أي شارع بارك الله فيك |
| الساعة الآن +4: 07:07 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.