ما يبون يتقدمون ... وش السواة ؟؟؟؟
 

حياالله الربع ... وش الأخبار .... لا يكثر ؟؟ : 12 طيب
ترا مافيه لغة عربيه ابحتسي على كيفي .. عشان أقدر أعبر صح ... زييييين .
انا بصراحه فيه موضوع محوم تسبدي بالحيل بالحيل ... وأنا متأكد ان الكثيرين مثلي ( حايمة أسبدهم ) بعد ... :(
والمشكله ما أدري من وين أبدا و لكن ابستعين بالله وأقول :

1. مره واقف عند الاشاره ما دريت إلا وراعي السياره اللي قدامي يفتح القزازه ويجدع قاروره بيره على حافة الرصيف وما كان من القارورة إلا أن انكسرت وتناثر القزاز بشكل رهيب .. !!!؟؟؟ ( قمة التخلف ) :i121

2. احيانا تمشي بالشارع واحد يفتح القزاز ويجدع قوطي ببسي (حلوه قوطي) أو منديل .. همن تدوس وتسقط عليه تبي تشوف وش سالفته وتقول أكيد بزر تلقاه رجال كبير عليه الشرهه .. ..........!!!؟؟؟ وش تقول . :bad

3. احيانا تمشي بسيارتك ولا واحد ماسك اليسار ويمشي حبه حبه والسياره ياما راحت يسار يما راحت يمين .. يكلم الأخ <= وااااااوك . ولو تطنب له زعل من البجاحه قصدي من الغباء . :(

4. تطلع من الخباز معك خبيزات حااااره تبي تمشي تاصل البيت وتاكل الخبيزات قبل يصيرن عصب تلقى واحد ساد عليك ورايح للبقاله يتقضي ولا هميته أنت وخبزك . ؟؟؟!!!

5. انت مستعجل واقبلت على الإشاره تبي تلف يمين . طبعا ما توقف للإشاره .. تتفاجأ ان واحد واقف يمين ، تطنب له طاط طاط طاط طاط طاط طاط .... الأخ مطنش . ؟؟؟!!! :(

وانا ما ودي اطول عليكم وأحمي اسبدكم زود ، لكن اكيد كل واحد منكم تعرض لمثل الاشياء اللي ذكرته . .. أفكر دايم وأقول وش سبب هالتصرفات ؟؟ واتوقع اني لقيت السبب وهو الأنانية يعني يقول ( انا ومن بعدي الطوفان ) ياناس متى نصير عالم متحظر ؟؟؟ متى ؟؟؟ .

مشكور على هذه التنبيهات ....

أنا مايذبحن إلا الي ياقف يمين وهو ماهو لاف .....................



دمتم بخير

المسفهل ياحبي لك والله انك جبته اشكر لك مرورك
الملك الضليل اشكر لك مرورك وشرفتوني ..... ahm1

اللي قلته كوم واللي يسوية سواقين الليموشين قصدي الليموزين كوم
يفتح الباب عند الاشارة ولاله باطلق شنب ويبزق على الارض
اللي شبعته واكرمته
يمال الشحمه اللي تصك فمه .

هذا دايم يكون معه سيارة فورد

لأن صاحب الفورد ما يسوق بالأصح يسبح بالشارع

الله يعيننا على صاحبين الفورد


ياليت يكون مطنش

وش رايك باللي تطنب له ويرد عليك ويهاوش ويقول وش تبي

قمة في الحماقة