بريدة ستي - محتــــارهـ واطلبت الفزعــــه من بنــــات ديـــرتـــها...

السلام عليكم..:) :)

وش اخباركن..

ياحليلكن يابنات ديرتي اثاريكن مجتمعات هنا والله توي ادري انه فيه موقع مجمع بنات بريده ...

دام انكن انتن هنا ابسالكن سؤال وبامانه قولن لي رايكن:rolleyes: ...

وش رايكن بالدكتوره احلام بمستوصف الفيحاء انا كنت اتعالج عندها عن حب الشباب واطلبت مني اتسوي لي تقشير كريستالي لوجهي وصراحه متردده الى الحين ماقررت انا اعرف بنت قبل زواجها سوت عند الدكتوره السوريه اللي سافرت تقشير لكل جسمها ماتخيلون يابنات شفتها بعد زواجها بست شهور طالعه اتجنن ماشاءالله صايره تقل سوريه (الله يقطع طبعهم مايجي احد عندنا ببريده زين الا يقلعونه) انا خايفه اسوي عندهاوبدال ماتزين لي بشرتي تخربها علي (وتصير دمار بشره وخسارة فلوس)...

مشكلتي الثانيه عندي بظهري اثار حبوب اخذت له كريم من الدكتوره احلام ولا نفع وصديقتي قالت لي انه اثار الحبوب ماله الا اتسوين له تقشير وانا صراحه خايفه وش رايكم....

ايه نسيت ابسالكم >>>>استح ياوجه:D :D
انا افكر اسوي تقشير للركب عند خبيرة التجميل هدى بمستوصف العيادات التخصصيه وش رايكم ..
انا اعرف وحده سوت تقشير كريستالي لركبها بس مو هنا سوته بالحفر تخيلوا طالعه ركبها ماشاء الله اتجنن صايره كلها قطعه وحده مثل لون الجسم مو حنا الله يخلف اللي الوحده صايره ركبها تقل خف بعير (العفو والسموحه انا اقصد نفسي مااقصدكن)علشان ماتزعلن ....