الله يغفر له ويرحمه ويسكنه الجنه مع الصالحين والشهداء
ومشكور .............
اخي على نقل الموضوع بالصوره

يا صـغـيّر ما يكـبـِّرنا لـقـب
وما يصغِّرنا إذا انكرنا صغير

ماخذينا الصـيت من جمع الذهب
ولا نسابة شيخ أو قربة وزير

كاسبينه من هـل السَّيف الحَـدَب
الجنايز كان ما جاك النذير

صـيـتهم نجـمٍ على راسـه لهـب
سمعوا الصقهان به وأجهر ضرير

بالوفا تاريخٍ أبيـض ينـتـصـب
لاحكوا بالحق حيين الضمير

ضـيغمـيٍّ للسـناعـيس أنتـسـب
لابةٍ طلنا بها عرشٍ كبير

عند حـدّك يا كثير الهـرج تـب
لاتمر النار وثيابك حرير

كان لك عـزٍّ بـذلـّنا فـتعـقـب
والله الا تبطي وحبلك قصير

نحسب أنك من صـناديـد العـرب
وأثر ساترتك عباتك يا غرير

ما حسب للسـوس زراع الـقـصـب
والقرادة ما درى عنها البعير

ولو حـسبنا للحسايـف والتعـب
ما بذرنا يالعصافير الشعير

عن هلك أبرا إلى الله وأحتسب
الرجال اللي مجاراهم عسير

من قريش المصطـفى وأبو لهـب
والدغالب ما غشت عذب الغدير

للرجال من الرجاجيل العتب
والزكاة تحل في حال الفقير

لعن ابو وقـتٍ غدينا به حـطـب
تحرقه نارٍ يثوِّرها أجير

ما ألومك والزمن سوّى العجـب
هو بقى غير الكرامة بالجفير؟

ما نذل و راسـنا يـشـم المهـب
لو بقى من شمّرٍ طفلٍ غرير

وما نهاب ولا يزلزلنا غـضـب
الشجاعة ورث والعاقل غزير

يا صـغـيّر ما يـكبَّر باللـقـب
غير من هو كان من دونه صغير