|
ملاحظات أما مدرسة (الثانية) للبنات
السلام عليكم ورحمة الله
بدون مقدمات أمابعد: فالمواقف تتكرر يومياً وعلى مدار السنه .. ولا في أي تغير أبداً قد تكون ملاحظاتي بسيطة ولا تعير الأهتمام .. ولكنها في الوقت نفسه .. وجهة نظر ولفت الأنتباه لبعض السلبيات اللتي تقع في كل صباح .. اذهب بالعزيزة أختي :rolleyes: إلى هذه المدرسة وأجد الأخطاء تحوط بالمدرسة بكل الجوانب قبل وصولنا لبوابة المدرسة .. تجد سيارات كثيرة أمامك .. كلن ينزل الحمل اللي معه :cool: ولكن الأمر الغريب.. أنه لايمكن ينزل أخته قبل البوابة بـ سم1 واحد بمعنى أدق أنه لايمكن ويستحيل أن ينزل أخته إلا من باب السيارة إلى درج المدرسة حتى لو خلفه جموع من السيارات الكثيرة اللتي قد أنزلت حملها وتنتظر سعادته أن يتحرك حرصه جيد ولا شك فيه ولكن ماذا لو أنزلها وهو ينتظر السيارة اللتي أمامه .. (مادامه واقف) يستفيد وينزل أهله ليش ينتظر حتى ياقف على درج المدرسة بصراحة شي غريب جداً لو نزلها قبل ثم جلس يراقبها حتى تدخل .. لكان أفضل .. ولم يعق الآخرين ------------------- بعد صلاة الظهر .. أو الساعة 12.30 ضهراً يتجمع جموع من الرجال.. أمام البوابة (بلاحياء) (ولاخجل) - تقول المدرسة كلهم محارمه - تخرج الطالبة من المدرسة وهي محاطه بالرجال.. مطأطأة الرأس أي ستذهب . ؟ مع أي أتجاه كل رجل ماسك له زاوية .. لو تنحوا قليلاً لكان أفضل.. وأخذت الطالبة تبحث عن وليها بكل راحة .. أخيراً أقول ماهي (إلا حاجة في نفس يعقوب قضاها) محبكم/أبو فهد |
ههههههههههههههههههههههههه يعني تعلمنا إنك انت اللي تودي أختك وتجيبه .. علينا يالبي .. انت اللي يوديك للمدرسة ابوك .. تركب ورى وإذا وصل ابوك العااااااااااااااير قالك إنزل يالعصل .. كمل على رجليك .. والظهر إرجع للبيت رجلية .. نمزح معك لانقعد هاللحين فرقعين جدي نسمع مناشقك وحنا بعرعر .. يالبي .. أنا اقول يالبي بالنسبة لملاحظتك الأولى فالصراااااحة إنه عااااااااادية .. ويمكن اقولك احسن بعد يالبي .. ولو كل واحد مشى ورى الثاني ونزلوا بناتهم بالدور .. كان تشوف التنظيم حلوا وكلن يروح ويجي مرتااااح .. أما هاللحين الواحد قبل لايااااصل للمدرسة .. وأول مايلف مع العاير يقول لبنته : منيرة يالله انجزي اول مااوقف تنزلين بسرعة .. همن يجدعه بوسط الشارع بين هالسيارات .. ويقوله إنتبهي السيارات يادبشة .. والله الدبشة انت اللي تجدعة بين السيارات تقل جادعن نعجة يانعجة .. ومنيرة تقطع الشارع والسيارات يوقفن .. وتعطل السير .. والأبوا الحبيب يبي يديور .. همن يوقف السير بعد .. يالبي النظام زين ومريح .. سي يو .. |
والله ياخيي أنا مثلكـ أودي أختي الصبح ويقع لي مثل ماوقع لكـ بالظبط ماغير يقطعونن عن الجامعة أيضاً في الظهر نفس الفكرة :rolleyes: غريب أمر هؤلاء البشر.. >>>> تراي قاعدن أجمعه لي ساعتين:D أبو فهد باركـ الله فيكـ على إبداء رأيكـ وإطلاق مافي نفسكـ:41 : 12 |
نفس الكلام وقد عرفت هذه المدرسة وقفت ذات صباح قريب من البوابة ونزلت أختي .. وحدثت المفاجأة : سيارة جيب تدخل بيني وبين باب المدرسة وعيونه في عيوني وكأن من معه " مصاليخ " بالعربي !! كاد أن يصدم أختي .. وبدأ ينظر إلي أثناء تسلل من معه إلى باب المدرسة .. لماذا ؟؟ مافائدة العباءة إذا لم تأتي بالستر ؟؟ يخاف من ماذا ؟؟ سبحان الله .. الجميع يشك في الجميع ( صديق .. جار .. مدير .. زميل ) لماذا ؟؟ ألسنا مسلمين ؟؟ ما الذي أوصلنا إلى هذه الحال ؟؟ قال لي أحدهم : إبتعد عن المكان .. سيخرج أهلي فقلت له : أليس عليهم عباءة ؟!! تحياتي .. |
ثانوي يااااقدمه هاذي مدرستي ي
الى الحين وهم يسوون هالحركه انا مرات ابوي ومرات كان اخوي وعادي مب شرط لازم كانو ينزلونن عند الدرج لا احيانا يوقفون عند حدى البيوت الي قدام المدرسه وترى حتى البنات مايقصرن بـ:eek: اذكرهن يقولن اخوتس الي يلبس عقال ومعه (اسم السياره) وابوي بعد بسم الله علي يعرفونه ماكان ينادي منّـــول احيانا نتأخر مرره بالطلعه همن عاد يروح للبراحه اخوي الي بجنب المدرسه ويقعد يفحط مدري يطعس >>اوووف طفش انوااع الكسل |
صدقت والله
|
مدحت شوقي بريدة
هماك تقولي ذاك اليوم .. أنه ماحد يوديك للمدرسة أنت خطوتين وتاصل :D ههههههههههههههه أو تنسى شينك أنك تنسى اللي تقول هههههههههههههه أبو براهيم المسألة مهب مسألة بالدور وترتيب لو ترتيب كان هانت أنت تحسب مدارسنا مثل اللي عندكم الشارع كيلو × كيلو من كبره تراه صغير الشارع ومايسد يعني لو راعي السيارة شاف اللي قدامه ينزل بناته .. ينزلهن هو لأنه بالسد مافيه خطر والسيارات يالله يالله يتحركن لكن وش نقول .. أهل العقول براحة . هلا بالحبيب .. الغالي ميكروديود :D كان الله في عونك يالبي الحمد لله أنك تعاني ما أعاني ;) أبوثامر هههههههههههههههههههه والله أنك صااادق قسم بالله الله المستعااان يقولون يالبي اللي ببطنه ريح مايستريح والطيور على أشكالها تقع وكلن يشوف الناس بعين طبعة تلقا الرجال أخذ موقف ولا حاصلن له شي ويبدا يشكل الله المستعان جزاك الله خير ياخلفهم كوكتيل أنا أشوف الأسم أحسبه ولد وأنت تقول أنه مدرسك مادري أنت ولد كد أشتغلت بنت ولا مادري وش قصتك ..؟ نفس الكلام اللي أسمعه فعلاً لا وأيهم أحسن سيارة وسيارة أبوي تقوى سيارة أبوك الحمد لله الفراغ قاتل يقولون :bad شـــاعرة الجيــــل شكراً لمرورك محبكم/أبو فهد |
يخافون من مصعفق يدعس البنات ممكن جاي غصب عليه يودي أخته للمدرسه
|
| الساعة الآن +4: 08:04 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.