رأيكم مالمشروع المناسب لهذا المبلغ ؟؟؟!!!
 

صبحكم الله بالخير والمسرات ، بصراحه البارحه كنت اسولف مع واحد من الربع وكان يسألني سؤال انا ما قدرت اجاوبه ، ولكن قلت اسأل ذوي الخبره بمنتدانا الغالي وإن شاء الله سوف أجد لك المشورة الجيده .
وكان سؤال صاحبي كالتالي : يقول عندي ( 70000 ) سبعون الف ريال ، وأفكر افتح لي مشيريع صغير على قدي ولكن وشو المشروع ما ادري . هذا سؤال صاحبي لي . وأنا اوجه السؤال لكم
فمن لديه الخبره في هذا المجال فلا يبخل علينا بالمشوره .
تحياتي لكم ....

70.000 ريال وتبي مشروع :D خلك معي .

المشروع الأول : مكينة مفاتيح !:41
المشروع الثاني : دسن نص هنقلين .. أقول ددسن لأن الهاي غاليه !! ويالله بوجهك لسوق الحبحب وشف لك أي ربعه أو مسجد ما فيه عمال !! ooo1 داجي
المشروع الثالث : بنفس الددسن ذيك تروح أي محل من محلات الشباب اللي أبو 70.000 يكون حاط دكانه للتقبيل !!:eek5 فيه كم شماخ مع كم عقال على كم شرابات العائلة ويالله على أول جامع يلاقيك :41

يا بعدي السبعين ذي ما تستأجر لك محل محترم ولا ثؤثثه لك عشان عشان تفتح فيها مشروع .

لكن لا تيأس دور وإن ما لقيت مشروع !! تزوج :)

السلام عليكم اخي طارح السؤال

كم يكلف الكهربائي مايتعدى 10,000
كم يكلف المقصف مايتعدى 10,000

ترى مع كل شي الايجار وجيبة العامل والعده لاكن اقل شي يبي يعطيك 500 ريال شهري
يعني معك 70,000 الف تبي تفتح 7 محلات من اللي قلت لك
يعني يبي يجيك 3500 كل شهر ولا لك دخل بأي شي اذا جيت تفطر اكيد يبي يفطرك ان فتحت مقصف
وان خربت سيارك طبعآ اذا فتحت كهربائي اكيد تبي تزين بلاش لانك تخبر كفيلهم يبي يفزعون لك
طبعآ مو تروح تقول خلاص ابفتح كهربائي ولا مقصف لاتصير غبي وعلى وجهك
رح لأحدى الكهربائيين قل له ابجيب اخوك شف وش يقول والله ان ينقز من الفرحه
ويعوده لك ان كانه مايعرف ويسكنه عنده (لاتحسب الهنود مثل بعض عوايل اهل بريده كلآ بيهج عن اخوه)
ونفس الكلام للمقصف
مع العلم ان وفقك الله تبي تطلع قيمة اللي انت دفعت خلال 20 شهر فقط
وان تسهلت امورك لاتحرمنا من دعائك
القصيم بريده حي السلام
mmh915@hotmail

أخواني الكرام ..

لعل أخونا الكريم صاحب الموضوع أتانا بموضوع قيم لعنا من خلاله ننقاش معه والأخوة الكرام مشكلة الغلاء في البلد .. ولعلنا أيضاً في استمرارنا بهذه المشاركات ولا مانع البحث العميق عن تكاليف الأجار وقيمة تكاليف التجهيز .. لعل في هذا رسالة للمسلمؤولين نرفع بها معانات قد يكونون في غفلة عنها ..
.. والمعذرة كل المعذرة لصاحب المشاركة .. على ما سبق من داعبة أسهمت بها!!

ودمتم بحفظ الله

شف وأنا أخوك أنت رجال تبي تشتغل وترزق الله
دور لك على دينا جامبو بقيمة 60 ألف ريال من الموديلات الجديدة ووفر عشرة الآف لتحميلها من أرزاق الله
فعليك بنقل خضرة إذا صار سوق بريدة رخيص انقل لجدة أو الرياض أو الشرقية وانقل من جدة بضايع من سوق الصواريخ وبع ببريدة والا بالرياض والا انقل بالاجار
وإذا جاء موسم الشتاء عليك بالحطب انقل من ينبع وبع ببريدة
وإذا جاء موسم الفقع والربيع انقل بها غنم
وان ما لقيت شغل انقل برسيم
وإذا جاء موسم التمر تبي تبنك
وإذا جاء موسم الجح والقرع والملفوف تبي تلقى رزق كثير
وربك هو الرزاق
وإن كنت راعي نوم وكسل ولا تحب المشاوير
أجره بالنصيفة على سعودي ماعنده شغل ويحب الكده
وشوري الاول هو اللي تبي تلقا به الرزق

تبرع بهن يارجااااال .. واشتري اخرتك من دنياك

كل الدعوا فيها وفيها

وش اليول ؟؟

عادي يكون المشروع بالمزارع ؟؟
أو تبي تقول حر مافيه مكيف؟؟؟؟؟؟؟؟؟؟؟

صاحبي ahm1
اصح اصح اصصصصصصصصصصصصصصصصصصصصح
تدخل بالاسههههههههههههههههههههههم

انا اعتقد ان السبعين الف ما يجيبن شي .
لكن دور لك شريك يكون حظه زين وشاركه باي شي ..

تحياتي ..