فزعتكم يا اهل ابريده ولكم الاجر
 

السلام عليكم
صارلي اكثر من شهر وانا اعاني من الركبه بسسب كورة القدم ورحت اعالجها بس مالقيت الي يشخص الحاله رحت الي المركزي وقالي دكتور افضل دكتور في المركزي وقالي عندك تمزق في الرباط الخارج وعطان وصفه الي هي ترتاح شهر وتضع ثلج وجربته الوصفه مافي اي نتيجه وذهبت الي التخصصي وقالي لا عندك الغضرووف تحتاج الي علاج طبيعي بس ماعالجت الاني خايف يتخرصون على - وانا اريد منكم ان ترشدوني الي واحد يشخصلي الحاله على علم لا تخريص هل يوجد احد في القصيم من هو متخصص بحالة الركبه من غير التخصصي ولا المركزي
ولكم جزيل الشكر والتقدير

اولا اخووي ( ماتشوف شر ان شاءالله .. طهور ونور ...)

ثانيا .. نصيحة اخو لاخوه ( لاتروح لاكثر من دكتور .. اختر دكتور واثق فيه واسأل عنه الناس .. لاتروح لأي دكتور يذكرونه لك الناس .. )

وبعدين كان المشكلة بالركبة انصحك انك تاخذ اشعة مقطعية من التخصصي او من مستشفى الملك سعود بعنيزة او حتى من مستشفيات الرياض اسرع ..

والا كان عندك دراهم .. رح لدكتور اصابات الملاعب اللي بمستشفى السليمانية بالبحرين (( تراه يمدحوووونه .. واسأل مجرب ))

والله يكفيك الشر ان شاءالله

الله يجزاكم الف خير --لكن اناسمعت ان فيه واحد دكتور اسمه النعمان في مستوصف سلامات يمدحوونه بالحيل هل هو ممتاز-- اناسويت الاشعه بس ماقالولي شي والبحرين كسل بعيده

الــــــدكــتـــــور ( أبــــــراهــيم أبــو شـمــالـه ) بالمـذنـــب
دكتور جيد

عندك الدكتور ابو شماله وفيه الدكتور بسام بمستشفى البكيريه ,,,واذا كنت تبي واحد خبره وصدوووق انصحك تروح لابو محمد الدخيل الله (جلوف )بحي المنتزه ببريده جرب مر عليه

جزاكم الله الف خير والف شكر لكم