|
نخوتكم يالمسؤووووولين .. تراه الدعوه زاطت شوي
والله العظيم ياجماعة مادري شلون ابدأ .. رحت البارح لمطعم بخاري ويوم طلبت وجيت بحاسبه الا ( الافغاني مدري باكستاني ) يزود ريال على الحساب ..:( قلتله ليش .. قالي هذي اسعارنا .. قلت من متى .. قال من شهرين او اكثر .. قلت شلون ترفعون السعر على كيفكم هي .. مافيه بلدية مافيه وزارة تجارة .. فووضى يعني ؟؟ تدرووون وش رد علي .. ياجماعة الربع قالي بالحرف الواحد ( روح بلدية .. انت سوي اي شي انا مافي مشكل:confused: ..) والله هزلت .. اللي هالباكستانية والافغانية يلعبون علينا والله ياهي غبينه .. اللحين شلون يرفعون الاسعار على كيفهم ماكفانا اللي فينا .. الموظفين رواتبهم شينة .. ونسبة البطالة تزود يوم عن يوم .. ومكافآت الطلاب ماتطلع الا بنزعة الروح ..:eek5 المشكلة هـ القذر ماهمه اي دائرة حكومية .. راحت هيبتنا الله يخلف .. اللي يعرف احد بالبلدية والا بوزارة التجارة .. يدبرنا وينقذ هالمسلمين من تلاعب هاللي مايخافون الله واللي ودهم يمصون دم السعودي بأي شي والله العظيم اني الى اللحين منغبن ومنقهررررررر.. ولعلمكم تدرون وش هالمطعم ( مطعم زهرة بريدة - شارع القناة - امام بيتزا هم ) وتراه مطعم قمة في القبح والشين وعدم النظافة .. واللي ماصدقن يرووووح ويزووره |
والله ما تنلام لكن ما ودنا لو ذكرت اسمه (وجهة نظر)
ولك الشكر............ |
ترى الأفغانية متفقين مع بعض اعيال اللي منب قايل
|
حقه يرفع السعر ويحط السعر الي يبي مطعمه وهو حر لعده اسباب
اول سبب ما فيه رقابه ولو فيه موب فاضين للاشياء هذه يدورون الاشياء الدسمة والسبب الثاني مثل ما غيره بيزود هو بيزود يعني مو منطق ترتفع عليه الاسعار ويظل عى سعره مثل ما يصير بسوق الخضره من زياده وغلاء بعض الاصناف ويستغلون الناس هذولا بيترزقون من ورانا وهو ما جاك من ديرته لاجل يطبخ لك جاي يترزق واحسن لك اسال عن السعر قبل لا تطلب وانا اشوف ريال تهون عند 50 و 100 ريال الله مستعان |
اقتباس:
بعدين احب اقول لك ترى مو هو لحاله الي مزود التسعيره كثير غيره مزودين وهذا والله العالم ان سعر الدجاج زاد عليهم |
اييييييييييييييييييييه ..
خلها ع ربك بس .. الله اكبر يالزمان .. اللي فيه الناس التعبانة تلعب على اشنابنا .. وحنا جالسين بس ندفع لااااااااااا وندافع عنهم بعد ..... عموما جزاكم الله خير على ردكم |
ولعلمكم تدرون وش هالمطعم ( مطعم زهرة بريدة - شارع القناة - امام بيتزا هم ) وتراه مطعم قمة في القبح والشين وعدم النظافة ..
واللي ماصدقن يرووووح ويزووره الحين يوم المطعم قبح وشين ولا فيه نظافه وش حادك عليه ما كثر الله الا المطاعم وانت صادق بعد,,,, |
لا وليتها وقفت على هذا الحد فقد تعشيت أنا وصديق لي في مطعم وطلبنا نص على الفحم مع الرز ومكرونه ويوم أكلنا وخلصنا أذا بنا نرى( سرو )ثعبان صغيره :D
((ونهوشة ومسوي يبي يرضينا قال خلاص الحساب على قلت وحساب المستشفى من عليه واروح والشكوى لله)) <-------------- حاس من اول ما اكلت في نكهه غريبة :rolleyes: |
أهــلاً وسهــلاً بــأخينــا [ ولــد البصيــريـــة ] بخصــوص مــوضــوعــكـ فــأرى أنــكـ لــم تكتــب هــذا المــوضــوع لأجــل زيــادة السعــر [ 1 ] ريــال لأنــي وبــرأيــي أنّ الكـُــل حـُــر بمــا يملكــه وهــو لــم يــأخـُــذ بيــدكـ إجبــاراً للشــراء منــه .. إضــافــة إلــى الأحــرى بــكـ الســوآل عــن السعــر قبــل الطلــب وأتــوقــع أنّ مــا شحنــكـ وأغــاضــكـ هــو ردّه علـيــكـ بعبــارة الإهــانــة لــكـ وللمســؤليــن .. وأنــت فــي هــذا معــذور ونحـــنُ السبـــب فــي ذلــكـ وحقيقــة أنّ الأجــانـــب بــدأوا لا يــروننــا نــحــنُ السعــوديـيــن شيئــاً .. حتــى أن أحــد الأصــدقــاء وجــد أحــد اليمنيـيــن يــرمــي النفــايــات أمــام منــزلــه فــنصـحــه صــاحبــي بــأنــه أمــام منــزل عــوائــل وهــم يـتــأذون مــن الـــرائحــة وبــإمكــانــكـ ــ أي اليمنــي ــ رمــي النفــايــات فــي الحــاويــات البعيــدة .. فقــال اليمنــي : [ أرميهـــن وأرميــكـ معــاهـــن :i125 ] .. !!! فــإلــى هــذا الحــد وصــل الإستهتـــار والتحــدي مــن قبــل الأجـانــب بنــا وشكــراً لــكـ عــزيــزي ولــد البصيــريــة |
اقتباس:
راحت هيبتنا الله يخلف .. بس هالاعضاء حقين المنتدى .. مدري وراه ماجازلهم موضوعي ... لكن يالله ( بكره تكبر وتبين ) |
اخوي احب اقول لك ما سبب المشكله هذه الا الريال
انت قمت وقلت له ما عفيه بلديه ما فيه رقابه ؟؟ وهو رد عليك أنا اشوف كلكم غلطانين |
| الساعة الآن +4: 02:12 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.