يا بلديه نريد ورشات لإصلاح سياراتنا مجاناً
 

بسم الله الرحمن الرحيم



نطالب بلدية بريده بفتح ورشات لإصلاح سياراتنا مجاناً بسب هالمطبات اللي حاست سياراتنا


اللحين يوجد شيئ إسمه عيون قطط ليش ما تحطونهن بدل هالجبال من المطبات الإزفلتيه

والله ما عمري شفت أشين من شوارع بريده حفر وجفر


بدل المطبات الزفلتيه توضع عيون قطط وخلاص يكفي ما نريد المطبات اللي تدمر سياراتنا

للتنبيه يوجد مطب كأنه جبل بالصفراء والله لو زاره مدير بلدية لوس أنجلو س يمكن ينتحر

مطب رفيع قوه ما يمكن تصوره

المكان على شارع مستوصف العييدي سابقاً أمام مسجد الشيخ الخضير

أغرب مطب في بريده زوروه وسترون صدق كلامي

هلا بالاسعدي البناخي
لا والتسايد واللي اردى منه به مطب بحي مشعل الظاهر انه اعنف مطب ببلاد نجد وماوراء النهرين
هذاك تسنه ذباب سيف من حدته خطر يفقع كفرك من حدته
ايه اصبر ياحمار لين يجيك الربيع(تراوه مثل تراي منب اعنيك :dلاتفهمن غلط) اغدي مدير البلديه ينقزونه بهوليكس 88 ويقامزون به بمطبات بريدة التسايدة لين ينخض بطنه ويزوع عشاوه حتى يرحم الناس.

شيخ بريده

إصبرأنت يا كرتوت لمين يجيك الربيع (تراه مثل منب أعنيك)

سيارتنا ... كل سنة نغيير الركب والأذرعة .. ما صارت يا بلدية ويا وزارة المواصلات

لا حياة لمن تنادي?????????????

لا يضيق صدرك على قول المصريين عايشين في العسل

الله يعين بس

المشكلة ان فيه خطوط يوم قضوا منهن

قالوا خطأ هندسي وبدوا يصلحونهن من جديد

احس ان اللي ماسكين البلدية ماعندك أحد أو ان فيه مكاسب من وراء الاخطاء

وكل شوي وانتم بورشة على خير

نسيتوا الجدار(المطب) الي امام جامع محمد بن عبدالوهاب وحفر في حي الموطا لهن شهرين ماسفلتن #افكر اشري طياره بس ما فيه مطبات هوائيه

يعطيك العااافيه على الموووضوووع المهم
بصراحه ياشباب انا منب من سكان بريده وجيت لبريده بهالعطله
مااااقد اكلت مطاااب وطحت بجفر كثر ما اكلتهن ببريده بسبوعين بس
الصراحه مهب معقوووول
واكثر جمله حفظته بشوارع بريده ( نأسف للازعاج )
بأغلب الشوارع تلقا هالجمله .

دور احد يالحبيب

والله يا أنا أرحم اللي معه بانوراما أو بي إم أو جارجر أو من السيارات الفخمة ..

ويمشي بشوارع بريدة و.. والله ياهي تبي تسبب له خساير ..

مره يبدل أذرعه ومره مساعدات ومره جنوط ومره ...؟؟؟

واخرتها يبيعها بخساره أو التشليح علطول ...!!!!!!!

بس ما نقول إلا الله يعز هالدولة وبلدية بريدة ...!!!!!!!!!

لو ناديت لااسمعت حياً لا حياة لمن تنادي

صدقت ..

أحد أقاربي يقول نصيحة لا تشري في بريدة سيارة جديدة لين يزينون الشوارع ويخففون المطبات ..

حسبي الله على اللي كل ماقيل له حط مطب أو أحفر حفر ولا تخطيط ولا حاجة وتطلع
الشوارع الجديدة تقل مزفلته له أربعين سنة ..

شكراً للبلدية على هالمصايب ..