جامعة الملك فهد للبترول والمعادن بالظهران
 

بسم الله الرحمن الرحيم



انا احد طلاب جامعة الملك فهد للبترول والمعادن




يا شباب بريدة وخصوصاً خريجي الثانوية العامة هذه السنة
تكفون لاتفوتكم



جامعة محترمة



ومدير الجامعة أحد أبناء بريدة
الدكتور / خالد السلطان



وترى حتى لوهي بعيدة موب يعني انه غربة لانك بالمملكة




عموماً


هذا موقع الجامعة
WWW.KFUPM.EDU.SA


وهذا منتدى طلاب الجامعة
WWW.SKFUPM.COM






اي سؤال اي أستفسار على الخاص إذا ماودك تحطه تحت.

ونعم والله

عندي واحد من اقربائي يفكر فيها بس متخوف من صعوبة مناهجها وخصوصا الأنجليزي
وش تنصحه فيه

الجامعة حلوة .. وأحلى مافيها السكن في العماير ..
منول السكن كان في اللاينات دمار .. بس الآن أفضل بكثير ..

طريقة الدراسة في الجامعة أول سنة تحضيرية ( أوريا )
وثم أربع سنوات دراسة ..

العام الماضي غيروا خطة الأوريا شوي .. بس مب صعبة إن شاء الله ..
وزي ماذكر أخونا هذي الجامعة وإلا بلاش :d


الله يوفق الجميع إن شاء الله ..

يتعلم الإنقليزي غصبن عليه في الأوريا ..
أو يأخذ له دورة قبل مايدخل لغة ..

والله انا ما انصحه لعدة اسباب منها البعد وصعوبة المناهج وصعوبة الدوام والاغلب من الطلاب الي من بريدة ما يكملون بس بعد ايش ! بعد ضياع سنوات على الفاضي . أرجو التأني في أتخاذ القرار ولا تأخذنا العاطفه سواء كان مديرها من بريده او المباني حلوه المهم (تبي تصمل هناك )ولا لا.

والله ياعزيزي الحياة كفاح ..
والنجاح والإنجاز مب جاي للواحد ببيتهم ..

وبصراحة الغربة والبعد تفيد الواحد كثير ..
لكن هل هو قد هالأمر أم لا ..

هنا كل واحد وهمته عاد .. :)

مب صعبة لذيك الدرجة المناهج .. !
وميزة الواحد اذا كان هناك يصير عزوبي ومتفرغ للدراسة أكثر ..
إلا اللي يبي يروح يستانس .. شيء آخر ..

أسف لى تأخر الرد







لكن انا مشغول الأن ولي عودة وعموماً مافيه شي يجي بدون تعب






لكن تعب من تعب

والنعم بحالك


بس لاتخاف السالفه ومابه انه تبيله مثل ثالث ثانوي يعني بس شدة حيل




وانا مأضن انه رايح يجيب درجة حلوة بالثانوية إلا إذا كان جيد يعني يدرس





بعدين على فكرة ترى هناك متفرغ للدراسة وحتى لو قال انا موب راعي ادراسة غصب رايح يدرس


لان كل الي حولة يدرسون

بعدين هناك فيه مجموعات من ظمنها مجموعة لأهل نجد



طبعاً المجموعات منظمة من الطلاب يعني الجامعة مالها دخل إلا بالمجموعات الرسمية مثل الكشافة والثقافية .........






الأنجليزي سهل لا نك راح تضطر تتكلم مع مدرسك و كل شي رح يكون بالأنجليزي



يعني انا رحت للجامعة ماعرف شي بالأنجليزي لكن هالحين الحمد لله








................................................ اي استفسار أخر انا جاهز أخوي