بريدة ستي - جدتي موضي والمظيفة .. وياخطوطنا السعودية خافوا الله .. سي يو ..

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

جدتي موضي والمظيفة .. وياخطوطنا السعودية خافوا الله .. سي يو ..

السلااااااااااااام عليكم ..
عاااااااشت ايااااام الناااااجحين .. وثكلتكم امهاتكم ايه الراسبين ..
<<((== ترى ( ثكلتكم ) هي نفسه ( خقلتكم ) :D :D :D

بالبداية نبارك للناجحين والناجحاااااااااات ..
ونقول للراسبين والراسبات حفاً أوظر .. يعني حظاً اوفر .. :D :D :D

نعود للموضوع ..

تعرفون هاليومين ماشاء الله تكثر السفرياااااات ..
والروحااااات والجياااااااات ..
إما بالطيارات أو السيارااااااات ..

وفجاءة من الناااااااس ..
<<((== أحلف إن هالثور الصعيدي وده يقول ( فجاءة ) من سنة بس مالقى له مكان ..
وحشره بهذا اليوم .. هجيج ..

ومن هولاء المسافرين والمسافرات الأحياء منهم والأموات ..
بطلة هالقصة .. ( جدتي موضي ) ..

فقد قدر الله لجدتي موضي أن تركب الطيارة ..
ويحصل له هذه المواقف مع أحدى المظيفاااااااات ..

*********

لااله الا الله .. بسم الله الرحمن الرحيم ..
هذي جدتي موضي اول مادخلت مع باب الطبارة ..

ماشاء الله لااله الا الله .. وهذي الطيارة اثره كبيرة وانا اشوفه بالسماء تسنه نجفة ..
لااله الا الله وشلون تبي تقوي تطير وهي شايلتن هالعالم كلهم ..
دوتس هالرجال اللي قاعدين .. والله ياحصة ماتقولين الا بصالة عرس ..

وهاللحين ليه كل واحدن ماسكن جريدة وقاعدن يقراه ..
تسنهم بصالة إنتظار مستشفى ..
هذا بدال مايعطونهم مصاحف يقرون بهن ويدعون الله الله يبي يرفعنا إنه ينزلنا ..

اقول ياحصة .. دوتس هالمقنزعة هذي وشي ..
وراه مفرعة عند هالرجاااااااااااال ..

هذي المظيفة ..

نظيفة .. كلنا نظيفات .. مهوب بس هي ..

لا مظيفة يعني مثل الشغالة ..

تعالي هون ياخالة .. تعالي اجلسي هون هادا مكانك ..

تخلخلت معاليق ارحامتس يهالفاهرة ..
هاللحين ماتشوفين الطيارة مليانة رجال .. يوم انتس تفرعين عندهم ياهالسامجة ..
ماتخافين الله وحنا بهالطيارة نبي نطير بين السماء والأرض ..

اقول لايصيرون كلهم اخوانتس من الرضاااااااااع بعد ..
تصيرن مثل منيرة العلي كل عيال الحارة اخوانه ..
صايرتن امه الله يغفرله ويرحمة مثل برادة بعيار .. كلن يجي ويقحن منه ..
وبعدين من قالتس إني ابقعد هنا ..
انا ابي كرسي يصير جنب الحمااااااااام .. علشان إذا حسرت يصير قريب ..
وألا والله إني لاانثره عليكم بهذا اربص فرشتكم واخلي تسرسب مع بيبان طيارتكم ..

مين هااااااي منيرة ..

اها بس انثبري ولاعمرتس تطرينه على لسانتس ياجعله للقطع ..

لا .. ولابستن قصير بعد .. دوتس عصاقيلة الله يجعلهن للكسار ..
وراه ماتلبسين شي طويل ..
او تبي تقولين قضى القماش وخليته تسذا ..
روحي للحسون تلقينه عندهم .. انا شايفتن مثله المتر بعشرين ريال ..

دوتس دوتس ..
هالرجل هاللي يناظره ( قطعن يقطعه )
انت .. وش تناظربه هاللحين .. ترى كله بويات مصبغة خشته بهن ..
والله ياوليدي لو تغسل وجهه .. إنك ماتطلع خشمه من جبهته الا بمجهر ..

وجع وجع قطعن يقطهعم .. يضحك هو وإياه ..
مير والله ماهمهم احد بدوا يهمقون مع بعض ..
هو ماهنا بهالطيارة هيئة يجيون يطيرون جلودهم ..

هاللحين وراه تعدتنا وراحت بالشاهي للي ورى ..

هذا نظامهم تبي تبداء من الأخير ..

لاوالله الا تبي تروح عند الرجال ..
ايه روحي تميحي عندهم .. غزي خشتس عليهم يهالداشرة ..
قطعن يقطعكم انتم وطياراتكم ..

ياخيتي اتركيهم .. بكيفهم ماعلينا منهم ..

همسة الى خطوطنا السعودية ..
اتقوا الله فينا وفي من حملكم امانته .. وسبح معكم في السماء ..
تحمله وإياكم .. قدرة القوي العزيز ..
فعقيدتنا وفطرتنا لاتقبل صنيعكم ..
وتذكروا بأنكم تحت رحمة من بأمره كن فيكون ..

سي يو ..

هههههههههههههههه

رااائعه

وأحسنت ألأختيار

وهمةُ رائعه

عسا الله أن ينفع بها

اقتباس:

هذي جدتي موضي اول مادخلت مع باب الطبارة:D :D :D ..

أقول وشي الطباره

ههههههههههه

جزاك الله خير ونفع بك ألأسلام والمسلمين

أمييين

اقتباس:

المشاركة الأساسية كتبها @جرّوح@ (المشاركة 637614)

حجز رد ولنا عدوه بعد القراءه

هع هع ..

هلا بالبي جروووووووووح ..
يابعد معاليق شطوب جدتي موضي انت يالوااااااااااسطة ..
وشلون لطيفة العبدالعزيز يالبي .. :D
سلم عليه وقل تسلم عليتس حصة الحمد .. :D
وتقول وراكم ماعزمتونا بعرس اخت اختس ..
( اخت اختس ) هذي جمع تكسير .. شلق عاااااااااااد ياجمع التكسير ..

سي يو ..

هههههههههههههههههههههههههههههههههههههههههههههههههه ه

لطيفه <<<<<<<أجحد

أقول أنا مارديت

هههههههههههههههههههه

عدلت الرد

أبلش

هلا والله وين الناس من قبل الاختبارات مالك طله

وجع يوجعك أنت وجدك ولا وش موديكم لم هالفاهرين لو بكم خير تسان قعتو بدويرتكم واعتمرتوا كل يوم مع الرسول تقعدون بالمصلى لين تطلع الشمس بس اييه لحقهم التمدن مدحت وجدته
هذي مشاعر جدتي من الرضاع شريفة بعد سماع القصة

خخخخخخخخخخخخخخخخخخخ والله ياجدك سـلـفيه لازم تجيبه هنا بـمـكـشـفات يبي له مقابله....

الفكرة رائعة وحلوه

عساها تاصل للخطوط

بس ياليته بجريدة ولا ممنوعه من النشر..

تحياتي لمدحتوووووووووووووووه

اقتباس:

دوتس دوتس ..
هالرجل هاللي يناظره ( قطعن يقطعه )
انت .. وش تناظربه هاللحين .. ترى كله بويات مصبغة خشته بهن ..
والله ياوليدي لو تغسل وجهه .. إنك ماتطلع خشمه من جبهته الا بمجهر ..

دهانات الجزيرة

من يوم شفت الموضوع مكتوب جدتي موضي قلت هذا مدحت

مشكووووور مدحتوووه على الموضوع

هههههههههههه>>>>> ماقريت الموضوع
بس لي عوده يامدحتووووووه

هههههههاي .. :)

اضحك الله سنك ,,

اسلوب ماتع جداً ..

والهدف واضح عزيزي ,,

دمت بود ..

جدتك موضي<<على الفطرة ..

<<الله لا يخلينا

صدقت والله يابو ابراهيم وصدقت جدتكـ

يعني معقولة ما تعبر الطيارة بلا هالمضيفة

سلم لي على جدتك وقله يسلم عليك يوسف الاحمد ولد هيا الـ عبدالله اللي جارتهم نورة السليمان بنت موضي الصالح > > أقول شكلي طولت لكن أهم شي وصل السلام :D

تسلم يا مدحت ألبي