نريد الطريقه المثلى للسفرداخل السعوديه
 

نريد اقتراح افضل طريقة سفرتعجبك مثل الذهاب الى مكه والمكوث بها ثم جده ثم الى الباحه والجلوس بها كذا وفيها ذلك المنضر والالعاب التي هناك للاطفال وهكذا..........)لرحلة اسبوعين.

حج فرضك واقضب ارضك

ان هذا الموضوع يخدم الكثير منا ونشكركم

شكرا ياشعيب ولكن يجب التنزه بالمباح دون ان نفرط وان نفكر ونسبح الله ونحمده فاللذي يريد الخيريستطيع فعله فهناك العمره وتوزيع الاشرطه وتوجيه الناس والتفكر بالجبال وهذا اجتهاد مني فان اصبت فمن الله وان اخطأة فمن نفسي والشيطان.

والله ياطويل العمر ان كانك تبي اللي جربناه ...
حرك للمدينه المنوره واقعد به يومين وبعده امغطه لمكه واقعد يومين هاذي اربع ايام ..لاتمر على جده تراه تحوم التسبد...وبعد مكه وجه لأبها واقعد به اسبوع كامل ترى ابها ماقد شفت مثله بالجو والطبيعه ..هاذي احدعشر يوم وثلاث ايام خلهن للخطوط الروحة والرجعة..

هاذا اتوقع انه احسن شي ...

شكرا ياشعيب على هذه الطريقه ولكن الايام ممكن ان تزود او تنقص يعني 3ايام او4 ايام فالرحله هي من تقيس الوقت تقريبا

هل أنتم عوائل أم عزاب

إذا كنتم عزاب
فأقترح أنكم تحركون من القصيم لأبها طوال من عند طريق الرياض وادي الدواسر (طبعا في مدخل وادي الدواسر فيه عين حاره ومزينه على طريقة مسابح جيده مررررررررره ومفيده للجسم)

بعد ماتوصلون لأبها تجلسون فيها 4 أيام مابين السوده والمحتطبه وعزيزه والحلبه.........


ثم تنزلون مع عقبة جيزان وتروحون الى وادي لجب (طبعا هذا وادي سبحان الله قمه فالروعه بين جبلين وشلالات وبحيرات ومياه جاريه وخضار ووناسه)هذا في اليوم الخامس
في اليوم السادس تذهبون لفيفا والمناطق اللي حولها الداير وغيره والعين الحره(بس طريقها شاق مره الي هي العين الحاره لازم دفرنسين)طبعا العين على الحدود مابينك وبين اليمن الا جبل لذلك لما تروح للعين فيه هناك سلاح الحدود يأخذون اثباتتاكم ويخلونكم تروحون تسبوحون وترجعون بس ماأنصحك أنك تروح لمها لأن طريقها متعب مره وفيه عين بوادي الدوسر وأحر منها
وبعدها في اليوم السابع تذهبون لجيزان وتحجزون في العباره(ببلاش) علشان تروحون لجزيرة فرسان
طبعا تحجزون لكم والسياره أيضا أما اذا كان ماودكم تأخذون السياره معكم فيوجد في الجزيره محل تأجير سيارات وللمعلوميه يوجد هناك أيضا شقق للأجار طبعا هناك في الجزيره فيه الغزلان تشوفها قدامك وعندك الشوطئ نظيفه مرررررررررره وفيه مكان فيه دوامات يعني يبيلها جلست يوم ومن بكرا ترجعون هذا اليوم التاسع
لجيزان ثم أبها ثم تطلعون على الباحه
النماص(ماأعرف مناطق واجد في هالمنطقه هذي)
وتنزلون للطايف طبعا الطايف لاتجلس فيها لأنه مافيها شيء يستاهل الجلسه ماعدا القريه المائيه(الكر)
وبأمكانك تدخل على القريه المائيه من فوق يعني من الطايف ولا من تحت بس تأكد من وقت تشغيل المسابح لأنه كل سنه يتغير الوقت على حسب الشركه
بعدها تروح لمكه ومكه يعني ماأنصحك بالجوس فيها واجد إذا كنتم شباب يعني يوم يومين بالكثير ثم ينبع عن طريق جده طبعا جده ماتنفع ووصاخه وزحمه وقلق
طبعا ينبع فيها ينبع البحر وينبع الصناعيه شاطيء ينبع الصناعيه روووووووعه فيه هناك غواصه (مهب غواصه يعني زي اللي نشوفها بالأفلام لا يعني سفينه دورين الدور السلفي منها تحت الماء وشفاف يعني زجاج مادري بلاستيك) تدور فيك بالبحر لمدة الظاهر أنه ساعه مسافة 40كم بــــــ100ريال وفيه أيضا دبابات البحر

ثم تروحون للمدينه تجلسون فيه يومين ولا اللي تشوفونه
ثم ترجعون لدياركم سالمين بأذن الله(تعبت وأنا أكتب)
وأعذروني إذا كان فيه خطاء لأني ماشوف نصي مغمض عين ومصكر عين:075: :075: :075:
للأستفسارhams959@hotmail.com
تحياتي
همس المحبه

أما العوائل فقليل سفراتي معهم
وأتمنى أني أكون أفدتك

تحياتي
همس المحبه

مشكوووراخوي همس المحبه . لكن عن نفسي افضل العوائل ولنذكر رحلة العزاب لمن يريد.وكل يخرج لنا مافي جعبته ليستفيد الجميع ..........ولا مانع من ذكرالاخطاء لتجنبها مثل ماتقول الصباح افضل من المساء سفرا، ومثلاان تصل هذه المدينه في هذا الوقت فهو مناسب،وهذا الطريق خطرالسفرليلا............وكذلك ذكرالمعالم كالعيون اللتي تجري او الحدائق او اي شي يستاهل العنوه.

للتواصل

تجلس بالمدينة يوم اويومين منها زيارة الحرم وقباء وشهدا احد بعدين مكة وخله المحطة الرئسية في الرحلة من اسبوع وانت طالع

جدة ان كان تروح له يوم او يومين لاباس او تطلع لها من مكة اخر النهار وترجع كله طيب

بعدين الطائف تقعد بها عدة ايام حسب المزاج والمادة

شخصيا حدي الطايف ولا اروح للجنوب ابداولله الحمد

اخوي صعبر

هناك اقتراحين للرحلة :
1- اقترح عليك اذا كنتم عائلة انكم تتوكلون على الله وتنطلق من القصيم الى الطائف ( يتم تحديد الايام على حسب الاجواء والراحه النفسية في زيارة الموقع ) ثم الباحه ثم ابها بسلوك الطريق السياحي وفي العودة بالطريق الساحلي ثم الرجوع الى الطائف ثم مكه ثم ينبع ثم الاختتام بالمدينة المنورة .
(((((((((( لم يتم ذكر مواقع السياحة في كل مدينة اختصاراً ))))))))))))))))

2- الانطلاق من القصيم الى الطائف ثم مكه ثم ينبع ثم الوجه ثم رابع باختصار تمسك الساحل ( طبعاً تمر على املج ضبا مقنا قيال .... ) حتى تصل الى حقل ثم تبوك او تيماء ثم حائل
ومثل ما قلت سابقاً الايام تحددها نفس المدينة
ارجو لك رحله سعيدة ومباركة واياك والسرعة وسع صدرك بالطريق