بريدة ستي - عروس .. من دون حريم .. وياسلااااااام سلم .. سي يو ..

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

- - عروس .. من دون حريم .. وياسلااااااام سلم .. سي يو .. (http://www.buraydahcity.net/vb/showthread.php?t=83001)

عروس .. من دون حريم .. وياسلااااااام سلم .. سي يو ..

السلاام عليكم ..
هلا والله ومرحبا بشباب بريدة ..

تعرفون إن هاليومين موسم الزوجااات والعروس .. <<((== ترى هالدبشة يحسب الزوجات غير العروس ..
وماشاء الله تبارك الله كل يوم يعرس كثير من الشباب والشابات ..

ولكن تعددت طقوس الأعراس والعرس واحد ..
فمنهم من يتزوج بقاعات الفنادق ويخسر مئات الألوف ومنهم من يعرس بقاعات فخمة ويخسر الاف الألوف ..
ومنهم من يعرس بإستراحة وجمع أهله وربعة ويسر على نفسه تكاليف الزواج وهذا الأبرك ..

المهم بالموضوع .. هو إنه وصلتني دعوة للزواج .. وعلمت بأن هذا الزواج بدون دعوة نساء ..
زواج كامل ومتكامل .. بليلته وقاعته .. وحضور كل الأهل والأصدقاء والأحباب ..
وحضور نساء قريبات فقط ..

أعتقد إن هذا الزواج سيكون أكثر من راااااااااااائع ..
لأنه مافيه حريم .. واتوقع أن يكون اروع وأجمل وأبرك الأعراااااااس اللي حضرته ..
علماً بأني سبق وأن حضرت مثله ..

لإنكم تدرون وش يصير بقااعات النساء .. من تفسخ وعري وقلة حياء وقلة أدب ..
تصوير وزفات وبعضهم يكملنه بموسيقى ومطربات ..
مهااااااااااازل مابعده مهاااااازل .. نسمعهن من قريباتنا إذا رجعن من بعض الزواجااااااااات ..
والمشكلة إنه تكلف أموااال طائلة .. على هالخرابيط وقلة الحياء ..

وأنا اقول إذا إستمر الوضع على ماهوا عليه .. من بعض هالفسقانات ..
فإن تحول الأعراااااااااااس والزوجات وإقتصارها على الرجال هو الحل ..

ولايقول الرجل .. هذا الزواج افضل لإنه بدون نساء اريح من المشاوير والمصاااااريف ..
لكن يوعز هذا العمل إلى أنه من باب ردة الفعل .. بسبب حماقتهن بالتصرفااااات المخزية ..
وأن كل هذا حتى لايخسف الله بنا الأرض بسببهن ..
وإذا صلحتن من أنفسكن بلبسكن وإحتفالاتكن .. حطينا لكن بدال العرس عرسين ..

وإن سألتموني عن السبب ..
أبقوله وبكل صرااااااااحة ..

ماهناااااااااااااا رجاااااااااااااااال ..

ودي اعرف رايكم .. عن العرس بدون نساء ..

سي يو ..

والله كثرة النساء تجيب الدجه .

عائلي وبس

مشكور

صحيح مدحت

بس انت تبي الحريم بعد يستانسن امك خواتك عماتك خالاتك وهي بلمثل ولا كن بحدود الشرع بدون فسق

وعلى طاري الزواجات ترى زواجي الثلاثاء 25/6 ادعوووووووووولي

من معلمكم وش القصر

هع هع هع هع هع هع هع هع هع هع هع هع هع هع هع هع هع

ولي يطيحبي يجي يصور معي هههههههههه

والله انـك صـادق عـرس من دون حـريـم أوفـر وأريح حتى الحريم يرتاحن وبـعـدين يسكتونهم بـعـزيـمة بأستراحه وقـضـيـنا........

نسيت اقولك وش هل ابتسامه الحلوه خخخخخخخخ
الله يديمه عليك
هع هع هع هع

شغل تمام :41 :41

والله يامدحت كلامك صح وشو له الحريم

يجن للعرس عائلي افضل شيء

اقتباس:

المشاركة الأساسية كتبها بريدة city (المشاركة 649792)

والله كثرة النساء تجيب الدجه .

عائلي وبس

مشكور

هلا بالبي بريدة ستي ..

يابعد معاليق وزرة اسعد برمبلي عمدة حي النجار بجدة ..
ويابعد شدوقي انت ..

يالبي ليتهن يجيبن الدجه وبس .. كان أبد مايخالف ..
لكن بعضهن الله يهديهن هن يدجن ويتهج بهن ..

سي يو ..

البساطة هي عنوان الجمال والسعادة :rolleyes:

ويستفد من الاموال بدل الإسراف الزائد في شهر العسل :)

اشتقت لحروفك النادرة ولمواضيعك المتميزة

دمت بود أبو إبراهيم

اقتباس:

المشاركة الأساسية كتبها زرزور (المشاركة 649799)

زر زور ..
وإلا زر .. كذب ..

هلا بيك يابعدي انت ..
يابعدي والله نبي لهن الوناااااااااااااااااااااااسة .. لإنهن إذا إستانسن .. تبي تاصلنا الوناااااسة ..
لكن وناااااسة بعضهن بالعرووس تعدت الوناااااااسة الى قلة الحياء ..
واتوقع إن الرجااااااااال لازم يتدخلون ويحسمون هالأمر ..

وألا يبي يجي يوم من الأيام تشوفهن متمصلخااااااااااااات .. زود عن هالتمصلخ ..
وزايطاااات زود عن هالزيطة ..
والله يستر بعد ..
ترى بعض الحريم مايبي لهن شي .. فتوى من بعض مشايخ هاليومين اللي هاجتن بهم ..
على ضعف بعض رجال هاليومين ..
همن شلق عااااااااااااااد ..

يالبي وناااستهن .. حق لهن علينا بس ماتتعدى على الدين والثوابت المتعقدات ..
الرجاال ماقصروا .. يودونهن ويجبونهن للي يبن .. بس لايخربنه ببعص التصرفاااااااات الغير مقبولة ..

وشكراً لك يالبي ..

سي يو ..

والله يبو ابراهيم ماأخفيك ..

قبل أسبوعين الوالدة هجت من عرس ولد خالي ..

المشكلة ضربنا مشوار 300 كم على الفاضي وماقعدت بالقصر الا دقيقتين ..

وماامدان ادخل واسلم على العريس وابوه الا وامي تدق تقول تعااااااااااااااال ..

قوه مشينا وش السالفة يمه قالت مابه مقاعيد استقبلونا بالموسيقى ..

والله وطلعت والى ساعتك مااحد جاب خبره ولادريوا عنه هي طالعة والا قاعدة من زود انهم مستمرئين هالشيء ..

وتقول بعض الحريم قاعدات بالحوش عجزن يدخلن بسبب الموسيقى ..

المشكلة غالب النساء وأشباه الرجل يرون ان العري والتفسخ والموسيقى هو مظهر من مظاهر الترف والتقدم ..

مهما يكن من شئ يبقى طرح مدحت شوقي معتدل..
بورك فيك..

الزواج دون النساء شي ممتاز

اقول والله انها فتسره ممتازه خصوصا كذلك ان الاسراف منهي عنه واذا علمنا ان المكياج ب150 والاستشوار كذلك وأضف عليها الفستان ب700 يعني الزوج او الا ب المسكين راح يدف 1000 ريال عشان وناسه حريم ثلاث ساعات