|
للمتزوجين .. ! نرجو المشاركة
للمتزوجين .. نرجو المشاركة .. ؟؟!!
لعل الكل يسأم من البقاء في البيت لوقت طويل . ويلجا إلى الفرار للاستراحات والتجمعات الشبابية فرارا من البيت . وكم شكت الزوجات من خروج الأزواج خارج البيت لوقت طويل . . والكثير يتعذر بالكسل داخل البيت والروتين الممل .. عدم وجود برامج تحبب الجلوس أو تملأ الوقت فيفضل الخروج من البيت .. فما هي البرامج والأعمال التي يمكن أن يقوم بها الزوج داخل بيته مع الزوجة . ليحب البيت ويقوم بها مع أهله . فيسعد ويسعد أهله معه ويكون قد أعطى زوجته حقها من الوقت . لعلنا نستفيد من الخبرات والتجارب من أعضاء المنتدى المبارك . ويتحفونا بما يفيدنا . وأتمنى أن كل من عنده مشاركة يطرحها ويفيدنا بها ولا يبخل علينا .. وله الشكر مقدما .. |
قراءة بدون أي تعليق .
ما أدري ما أحد يعاني من هذا أو الي يدخلون عزوبية وإذا رأو الموضوع ( هجو ) ولعلي أكتب بعض ما أراه يفيد وننتظر المزيد .. منها : 1 - جلسة قهوه وسوالف . 2 - القيام بأعمال المنزل سويا ولو لوقت قصير . 3 - السباحة سويا في بعض الأوقات لإذهاب التعب والحر . 4 - وضع كتاب يقرأ منه كل يوم مقدار قليل . ويكون اختيار الكتاب يناسب الطرفين . |
ليش متهربين من الموضوع يعني انكم كلكم صغينونين ولا تزوجتو هااااااااااااااااه موب شرط اللي ماتزوج مايقدر يشارك انا اولكم المهم ....تقدر تجيب لك عدة كتيبات صغير تتالف من قصص للاطفال وتكون شامله صدقني جلوسك معهم يفتح لهم ابواب كثيره يتونسون فيها بالنسبه للمدام ساعه ماتشوف الاولاد يضحكون ومنبسطين رايح تنبسط معهم غصب حتى ضحكك انت معهم تنفتح للمدام انها تشاركم معكم يالله مره استراحه ومره سفره كم يوم بس اهم شي يحسون بوجودك معهم متواضع موضوعك مره مره مهم وكل اسره تحتاج له اشكرك كل الشكر على هذا الموضوع تحياتي لك |
مع إني عزوبي بس أبدلي بدلوي 1ـــ التجديد في البيت بين كل فترة وأخرى لكي يذهب الروتين مثل نقل المجلس للمقلط والمقلط للمجلس وهكذا 2ـــ وضع بعض المقالب اللطيفة مثل يتغبى ويسطر المره كف كي يذهب الملل قليلا :D (لا أحد يصدق ويسويها ترى اللي يبي يسويها تبي تصفى البيت له لوحده) 3ــ أن يقوم بتحدي امرأته بالبيت مثل يتحداها بالطبخ أيهم يطبخ أحسن 4ــ وهذا الإقتراح للي مال قوة فقط وهو أن يقوم بعمل حريقة بالملحق وإن كان مافيه ملحق يسويها بمحل يكون ما فيه خطر على البيت ثم يستدعي المطافي فحتما فسيجد إثارة في البيت منقطعة النظير سواء أثناء الحريق أو حتى بعده لما سيتخلل ذلك من إشاعات ومكالمات من حريم الحارة وغيرهن وتمتع بأعظم إثارة:41 وغير ذلك من النقاط وأشكرك أخي على الموضوع اللي يبي يحل مشكله للإخوة المتزوجين وتحياتي لكم أبونادر |
لايوجد عندي ما أقوله لكن هناك شريط للشيخ الدكتور إبراهيم الدويش اسمه (عالم الاستراحات) رائع وتكلم عن هذا المجال بتوسع وطرح الحلول وناقش الأسباب . |
هلا بالبي متوااااااااضع .. يابعدي انت .. الحريم يحبن الهمق .. مايبنك تطب المطبخ .. ولا تسوي شي .. بس وسع صدرك وسولف عليه وإضحك معه .. كأنك عطيته الدنيا كله .. يالبي الزوجة تفرح بالعرووس والعزايم علشاااااااان هالهمق والسواليف .. فالنقطة الأولى والمهمة .. هي السواليف .. والله السواليف مهمة بالحيل .. فالمفرووض على كل زوج .. إنه يسولف على زوجته .. عند الأكل أو بقهوة العصر أو قهوة المغرب .. عااااادي مافيها شي يعرض عليه بعض المشاكل اللي صارت عليه اليوم .. وبعض المواقف اللي شافهن .. من باب السواليف والضحك .. مع التحفظ على بعض الأشياء اللي ماله داعي تنذكر .. همن يالبي بهالطريقة .. تفرح الزوجة إنك تطلع وتروح وتجي .. وتبداء هي اللي تجمع قشك عند الباب .. الشماغ والعقال والنعال .. علشان إذا رحت تجيب له سواليف .. :D سي يو .. |
لا تتعب روحك لو تحط عند المرة كل اللي بالاسواق ما شبعت تبي الروحة والطلعة واذا جيت اشبعك همق وقرق والله يعينك على الطلبات اللي ماله داعي ولو صدرك دهناء مليت وهجيت بس يعين الله على الحبيبات!!!! لا تجدع فرشنا عند الباب؟؟ |
اصبر كله ان شاء الله كم سنة ونعلمك وش العلاج |
الأخ متواضع: شكرا لك على طرح مثل هذا الموضوع .. أعتقد أن الأمر صعب شوي حاولت أطبق ولم أستطع .. وأعتقد أنه مستحيل .. الأخ أبو نادر :: نشكرك على خفت دمك ويعطيك ألف عافية والنصحية الرابعة مرة أجبتني . |
اقتباس:
:090: عزوبي متعود على الحوسة .. أجل المجلس مكان المقلط والمقلط مكان المجلس .. لكن سادة راعي الموضوع يقول وين العزوبية .. هه شف الفوضى اللي بحياتهم .. |
والله حرنابكن يالحريم ان قعدنا قلتو وش هالنشبه عجزت اخلص شغلي بس مرتزه عنده
وان طلعنا قالت جته عين ميبينا <<< انا ما أتكلم من واقع تجربه وعشان كذا خير الأمور الوسط يعني اقعد تقهو المغرب وسولف لمين اذان العشاء وبعده ضف شلايلك واطلع ؟؟؟؟؟؟؟؟؟؟ مجرد رأي |
من الأعماق شكر لكل من شارك .. ( مع انه فيه أفكار مصرقعه ) لكن ماشي ..
وحقيقة إلى الآن مفتقرين لاقتراحات أكثر .. وننتضر المزيد . |
أهــلاً وسهـــلاً بـأخينــا [ متـــواضــع ] المــرأة بطبيعتهــا تحــب التجــديــد ، تحــب الخــروج مــن المنــزل فلمــاذا لا يستغـــل الــزوج ذلــكـ لكســـبــه لصــالحــه .. قــد تقــول كيـــف .. ؟؟ فـأقــول لــكـ وللإخـــوة الأسبــوع سبعــة أيـــام ، فيــوم عنــد أهلهــا ويــوم عنــد أهلــكـ ، إذن بقــي خمســة أيــام مــن الأسبــوع ، وفــي وســط هــذه الخمســة إجعــل هنــاكـ رحلــة للعشــاء خــارج المنــزل [ كشتــة خفيفــة ] تـُـغيــر فيهــا نمــط الطلعــة عــن ســابقتهــا فيـوم يكــون العشــاء [ شــوي ] ويــوم تطبــخ أنــت ويــوم تطبــخ هــي ويــوم تطلبــون مــن أحــد المطــاعــم وهــكــذا . بــإمكــان الــزوج تجــربــة الطبــخ بــدل زوجتــه فــي أحــد بقيــة الأيــام ــ إن تسنــى لـه ذلــكـ ــ ، كــذلــكـ يفتــرض علــى الــزوج تغييــر نمــط طلعــاتـه لإستــراحــاتــه وربعــه فــإذا خــرج المغــرب تــواجــد بعــد العشــاء فــي بيتــه ، وإذا خــرج بعــد العشــاء كــان قــد تــواجــد قبلهــا فــي بيتــه عصــراً وهــكــذا . وللمعلــوميـــة فــالمــرأة يضيــق صــدرهــا مــن الــزوج الــذي لا يفــارقهــا ولا يفــارق بيتــه كمــا هــي تتضــايــق مــن كثــرة طلعــات زوجهــا خــارج بيتــه وقلـّــة تــواجــده مــوضــوعــكـ قيـّــم عــزيــزي متــواضــع .. فبــاركـ اللــه فيـــكـ |
| الساعة الآن +4: 08:12 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.