ابي نصيحتكم بكل صراحه بسسسرعه
 

[font=Simplified Arabic]انا رجال متخرج من الثانويه لي اربع سنين ومعي دوره حاسب6 اشهر
ولا لقيت وظيفه
وانصحن واحد من الربع اني ادرس في الاكادميه الصحيه الاهليه
دبلوم سنتين ونص تخصص تقنيه اسنان او اشعه تشخيصيه علما ان الراتب
بعد التخرج 5700الاف تقريبا :107: بدون البدلات .لكن فيه ناس قالوا انه مافيه وظائف
لخريجي المعاهد الصحيه



وفي نفس الوقت حصلت لي تقريبا وظيفه في الدوائيه براتب 3500الاف بدون البدلات
ونوع الوظيفه واقف علي السير اللي يمشي الادوئيه لترتيبها في الكراتين علما ان الدوام
من7,30الي 4,30مساء يعني ماقدري اشتغل وادرس
وانا صراحه امتحير ما ادري اشتغل اوادرس (علما اني ارغب بالدراسه لكن انا عندي
هاجس يقولي انت انسان كبرت فاتت الدراسه اشتغل احسن علما ان عمري الان 22 ابدخل في
23 في شهر 8 الجاي الله يحيينا وانا هالحين ضايقن صدري لي ثلاث اسابيع ماادري وش اختار
الرجاء منكم اعطائي الحل السريع واراحتي من هذا القلق[/font]


وشكرا

هو فيه اختبار لجميع الخرجين سواء اهلي اوحكومي لكن وشرايك ادرس اواشتغل
وشو التخصص الزين تقنيه الاسنان او الاشعه

اخي وعزيز ابودحيم


بالنسبه لقسم الاشعه فحسب علمي انه تم الوصول الى نسبه 95 اكتفاء بالقصيم

اما تقنية اسنان مازالوا بحاجه ولكن في المديريه الصحيه للقصيم في بريده حسب علمي ايضا انه تم تعيين فقط الاول على دفعته من المعهد الاكاديمي


جميع الوضائف الحكوميه التابعه للكادر الصحي تقربيا تعد افضل بكثير من المراتب الوظيفيه الاخرى

من ناحية الترقيات والعلاوات

حسب مااعلم عنه ان افضل قسم يتم توظيفهم من الاكاديميات الصحيه الاهليه هو قسم الصيدله

....


هذا مالدي وان اردت استفسرت لك اليوم من نفس المديريه وذلك بحكم عمل اخصائي


انا في خدمتك وماتريده سوف اجتهد به من اجلك


اخوك ومحبك

كاسر..و..الامل

الله يجزاك خير
ودي تستفسر لي وشي الاقسام المطلوبه خاصه تقنيه الاسنان
ونسبه التوضيف لان رسوم الدراسه 50000الف عاليه اوماودي اجازف
ادري ابتعبك لكن الله يجزاك خير

ياحبيبي .. كسرت خاطري والله

لكن ابكزك لواحد تستشيره لكل شي وماعليك يبي يعطيك الراي السديد احسن من فلان وعلان
وما خاب من استشار وخير من تستشير هو رب العزة والجلال


قم اللحين اول ماتشوف ردي على موضوعك ورح للمغسلة وتوضأ وأحسن الوضوء وصل ركعتين
واقر دعاء الاستخارة ...

ورح يجيك الخبر الاكيد إن شاءالله

لكن لو انا بمكانك ... رحت للدوائية وانا امشي ألف ( وكل مانزل شي بالديوان رحت وقدمت عليه لين تلقح معي .. يعني انا بالنهاية موظف ان لقحت الحكومية فـ أنعم وأكرم وإن مالقحت فالوظيفة زينة وراتبها مناسب )


عوذرن ع الاطالة صديقي العزيز

هلا ومرحبا ابو دحيم ... شوف إذا كنت تبي تتوظف في القصيم على طول ... مافيه إلا الصيدلة والمختبر ... ومن ثم فني أسنان ... وهج عن التمريض والأشعة والسجلات الطبية لأنه ما في أمل تتوظف في القصيم ...عشان زميلي فحط تفحيط عجز يدخل منطقة القصيم وهو أشعة ... وبعدين ترا المعاهد الأهليه تبي تطول شوي ... أقصد فيه إختبار للهيئة السعودية للتخصصات الصحية ولها فرع في مستشفى بريدة التخصصي ... لكن إن كان تبي شوري أنا أعرف عسكري الان يدرس في الأكاديمية الصحية في المساء يعني أدرس ودس على نفسك يالذيب مصاعب الحياة الأن ماهي مثل قبل وأرخ الريال لا يهمك دام أن الموضوع في سبيل التعليم ... لأن المثل يقول إتعب صغير تلعب كبير والعكس ... وإن بغيت شي أنا تحت أمرك.

*** فائدة ونصيحة لك يا أخي الكريم :

أنت رجال , يعني لا تهتم بموضوع مكان الوظيفة ما ضر شيباننا مسحوا الارض كله ... وصارت ذكريات لهم.

ابو دريحم يا بعدي

تراي قريب من حالك وابسئلك متى توظفت بالدوائيه لأني بغيت اتوضف بنفس السير اللي تقول بس ما واصلت


وبالنسبه للدراسه اهم من الوظيفه ولو تحاول تدرس وانت متوظف بنفس الوقت فممتاز لأن الوظايف هاليومين شفقه

وبالنسبه لعمرك فتووك (صغمبووطي) :) لا تترك الدراسه وااااصل وخلك متوظف

واحساسي انك تميل للوظيفه اكثر وانا اقولك الدراسه اهم لأن شهادة الثنوي ما راح تفيدك بالترقيات وخلافه والوظايف الصحيه مطلوووبه بشكل كبير بس ممكن يكون فرص الشغل بالقصيم شوي صعبه بس مطلووووبه بالرياض


لا يضيق صدرك واستخر ربك لأنه عنده الخير اللي لا هو عندي ولا عندك


والله يوفق الجميع

الاستخارة والاستشارة

عطوك الاولى وباقي الثانية

مشكورين علي الردود
اخوي بريداوي انا الي هالحين ماتوظفت لكن
انا جبت واسطه اوافقو لكن باقي يتصلون علي هاليومين
وانا رجال اميل للدراسه اكثر

ما اقول إلى الله

يعينك

الدراسة..أولا ....وفعلا توك صغير.....الله يوفقك ويرزقك المراتب العليا بالدنيا والآخرة...

اخوي ابو دحيم

الشغل اللي بالسير تعبئة الادويه

يبي جلاده لأني انا قبلت فيها واخذونا جوله ووقعت قبول الوظيفه وكانت وظيفتي بقسم (الإبر) وهو اخطر واشد الاقسام لكنه احسنها من ناحية انه مافي ازعاج مكاين مثل قسم (المراهم) عليهم مكاين قسم المراهم تفجر الراس :)

حااااول تصير بقسم (الإبر) لأنه مريح مقارنه بالاقسام الثانيه واللي يشتغلون فيه خصوصا المدراء حلوين حبوبين

ولا يهمووونك بحرصهم على اللبس تراهم يبالغووون مررره يخوفونك بس حسانتهم كثيره مدلعين الموظفين يبون رضاهم بس اكررلك تبي جلاده ولا تخلي الدراسه لو يعطووونك 7000


والله يوفقك واي استشاره قلي افيدك عندي خلفيه

سلامكوووووو