|
ما هي افظل شركة تزويد خدمة Dsl استخدمتها وما هي الأسوء؟؟
السلام عليكم ورحمة الله وبركاته لمن يستخدم الـ DSL كل ساعه ونص طالعه لنا شركه جديده شركات له اسمه بالسوق بس للأسف ننصدم احيان فيها والسبب مزاج السيفر عندهم احيان مزبوووط واحيااان زفت الصفحه هاذي للي يبي يجدد اشتراكه المنتهي او اللي يبي يشترك بالخدمه ولا يفهم فيها خلونا نفيد بعضنا بعض ما هي أفضل شركه جربته ، وما هي أسواء شركه جربته بنفسك هذا الشهر؟ أنا جديد لي شهرين فقط الشهر الأول نسمه رااااائعه جداً قدر الله علي وانسقت وراء الشائعات واشتركت بسعودي نت مقارنه بين الثنتين فاااارق كبير نسمه افظل بكثير استفتاء بسيط اتمنى مشاركة الجميع وشكراً |
نسما رديأه
بريداوي موضوعك جميل و كنت أبطرحه لو ماطرحته انت لاني بصراحه أنخدعت بشركه قويه بالإعلانات ضعيفه بالخدمات وهي نسمه الملفات ما تحملها كامله والإتصال ينقطع بشكل يومي والي خلان انصدم أنه الشركه الثانيه الي أشترك بعد إشتراكي بشبكه نت ونسما اعتقد أنها الأردا والأفشل بسوق الـ dsl أما الشركه الأولى التي أشتركت بها هي "شبكه نت" شركه محترمه وما أسمع عنها الا بعض محلات الكمبيوتر إعلاناتها معدومه وخدماتها عال العال ولى يعلى عليها وليس هناك وجه مقارنه بينها وبين نسمه الكذابه المخادعه بإعلاناتها |
اخوي ابراهيم اول شي شاكر تفاعلك ثانيا شركة نسمه واجهة معها نفس المشكله وهي انقطاع الاتصال او (اعادة الاتصال بالملقم) عند التحميل لكن حملة برنامج تحميل الملفات وراحت المشكله نهائي الشي الإجابي اللي شفته في نسمه هي في التصفح فتح الصفحات ممتازه جدا مقارنه بسعودي نت اللي ذبحتني ببطئه وثقله مع ان سرعة الاتصال جيده (256) اخوي ابراهيم معنى كلامك افضل شركه هي ( شبكة نت) وأسواء شركة (نسمه) شااكر مرورك اخوي ابراهيم ونبي تفاعل بقية الاعضاء |
جربت حتى هذه اللحظة خمس شركات وهي على النحو التالي:
- سعودي نت . - نسما . - ديجي نت . - أول نت . - Sps . وأفضلها على الإطلاق بالنسبة لي هي: Sps [سمير لمعدات التصوير] . وهذا هو الرابط على موقعهم: www.sps.net.sa وأسوأهم هي [سعودي نت] ، مايردون عليك إلا بعد ساعة وخدمتهم زفت وأردى من الزفت . زيهم زي الجوال . كلهم أخوان :) . |
اول نت افضل مزود للخدمه بعد عدة تجارب مع المزودين الاخرين خلال السنه الماضيه |
حسب تجربتي المتواضعة (شبكة نت) مميزة في السرعة وعدم الانقطاع والسعر (خاصة محدود التحميل فهو مناسب لمثلي ممن هو قليل التحميل ويقتصر على التصفح)..
فقد جربت عدداً من الشركات وأثناء التجربة أفحص السرعة من خلال موقع http://www.sunrise.ch/fr/privatkunde...peedometer.htm ومن خلاله وجدت سرعة شبكة نت في أغلب الأوقات تقارب السرعة المقررة.. أما أكثر الشركات التي جربتها فلا تسلم من البطء والانقطاع خاصة في أوقات الذروة.. ولذا فأنا لا أبغي بها بدلاً.. محبك/ صالح أبو |
ب ر ي د ا و ي
اهلا صديقي لي سنه مع سيبيريا لاانقطاع عند التحميل والتصفح ممتاز ولارايح اغيرها ابدا |
حياكم الله جميعاً :) اخي في الله بريداوي سبق وأن طرح نفس موضوعك فـي تـقـنـية حـديـثـة على هـذا الرابط http://www.buraydahcity.net/vb/showthread.php?t=83564 لكن جيد أن هذا الموضوع طرح في الساحة المفتوحة لأجل كثرة روّادها ... وكان لي فيه وجهة نظر وقد اقتبستها اقتباس:
أفضل الشركات شبكة نت ثم أول نت وأخيسهن سعودي نت مع احترامي الشديد للقائمين عليها .. في الأخير تقبل خالص تحياتي :) abraheem |
اقتباس:
اخوي الصباخ اولا شكر خاص للتفاعل اثنين انت معاي بأن سعودي نت زفت لكنك تفضل شركة SPS شاكر مرورك يالغالي :41 وشرفت |
اقتباس:
شاكر تفاعلك فضلت اول نت مع انه كثير يشتكون رداءت السيرفر في اول نت وانها مو زي اول ما عطيتنا اسواء شركه ؟ شاكر مرور وتفاعلك اخوي ولا تحرمنا |
اقتباس:
اخوي صالح أبو شرفت يالغالي شبكة نت أفظل شركه وانا سمعت كثير يفضلونها بس ما عطيتنا اسواء شركه ؟ مشكور على التفاعل يالغلا ولا تحرمنا من طلاتك |
اقتباس:
حبيبي اخو دريحم هلا بالغالي وغلا افظل شركة سيبيريا جديده هاذي ! ماله صيت بس ترشيح جديد معنى كلامك الباقي كله سيء ؟ شاكر مرورك اخو دريحم (صديقي) :eek5 مرورك اسعدني ولا تحرمنا |
اقتباس:
اخوي ابراهيم اولا شاكر توضيحك بأن الموضوع مكرر ثانياً تفظل في المقام الأول "شبكة نت" ثم "أول نت" والخياسه لسعودي نت :41 يسلمووو على مرورك شرفت يالغلا ولا تحرمنا |
فيه معلومة أبعطيك إياه .
كل ماصار الضغط أخف على الشركة كل ماصار الاتصال أفضل . وكل ماصار الضغط شديد على الشركة كل ماصار الاتصال زفت . وعلى هذا فإنه كل اللي عليك إنك تدور شركات ماعليه ضغط . وأنصح والله بشركة Sps خدمتهم ماشاء الله تبارك الله من أحسن مايكون . والله يوفقك يارب . |
| الساعة الآن +4: 04:45 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.