|
.. [ موقف مُحرج .. لبقت فيه سيارتي ] ! ..
سُلام عليكم .. ! الحقيقة البطن خاوي ويقرقر من قبل ساعتين .. ومحتاج لبعضات الأطعمة !:096: فتصدقوا الله يخليكم .. :) ! وإذا منتب متصدقين .. فبلا منتكم .. ذا اللحين تجيب أميمتي القهيوة والتميرات .. يالله من فضلك ! والحقيقة ما فيه أطعم من قهوة أمي .. إلا قهوة واحد من الشباب .. زرته قبل أيّام .. !:cool: والله ياعليه قهوة مهب صاحيه .. تصفي الراس تصفيه ما راحت ولا جت .. بتلت أدردب .. :) ! قلت الله يعينك علي .. كل يوم أبسيّر عليك .. ! :) اللي يبي يروح يجرّب القهوة هذي ، يلقاها في محل [ ×××× ] اللي ×××× .. :D <- - فضحه :113: محل حاسب يحبه قلبك .. وراعيه عسل .. أصلي .. جايبينه من اليمن .. :) العسل .. هو الي من اليمن .. مهب راعيه :D .. لا يجي يدبغن اللحين .. ولا يعيي يقهوين ! :D لعقة واحدة من هالعسل .. تخليك صاحي مثل الحمار .. لو تناهق من اليوم إلى باتسر ما تعبت :) ! طبعاً .. لحد يقول إحترم نفسك لا تشبهني بالحمار .. أنا أشبهك بصحوة الحمار ونشاطة .. مهب بالحمار كله .. حاشاك يا سيد المماليح حاشاك .. < - - بيت شعر ! :096: الظاهر إني أبنجلد بعد هالموضوع .. مير الله يستر .. ! :096: إستروا على ما واجهتم .. إخوكم جوعان باللحيل ..:bad ! وبعــد : < - - والله ياهو مبتسر باللحيل :D ! دقيت على أحد الأحبة قبل أيّام اسمه [ سويلم ] طبعاً أسم مستعار .. وش رايكم فيه بس :096: .. ودي أطلع أتقهوى أنا واياه .. في أحد الأماكن الخضراء الفسيحة .. !:065: الله يفسّح على الجميع .. :096: أدق على رفيقنا سويلم .. ما يرد علي .. ! :( دقيت أكثر من مرّة .. الرجال ماش .. ما يبين :096: ! وكمان دقيت مرّة .. < - - أوالله النشبه ! :096: أمر يرد علي [ بــزر ] .. ! :096: قلت : بالخير يابوالشباب .. عطن أخوك الله لا يهينك .. < - - قمة الثقة :) قال : فلان .. سويلم مهب موجود .. وهو معطين جواله ورايح .. ! قلت : بلا توليف .. الله يصلحك .. أدري إنه معطيك الجوال علشان تصرفن .. مير عطن اخوك بس .. :113: طبعاً مهب عادتي أسوي هالسواة .. بس إني ودي أسولف مع البزر .. شوي وأنتم خابرينن أحب الرضاعين :096: ! قلت أبهبل فيه شوي وأشوف وش يقول ... ! المهم شوفوا وش صار ! قالي : أنا [ أم سويلم ] .. وسويلم رايح .. ومعطين جواله .. :eek: وأنا اللي تطير عيوني .. :eek: قلت : إحم .. هاه .. وشو .. وقمت أتخلبص وأتلخبط .. ووجهي بدأ يتلوّن .. ! :p إحم ... إحم .. الله يعطيتس العافية .. آسف على الإزعاج .. :p قالت : سويلم بالبيت إذا تبيه .. قلت لا لا الله يجزاتس خير ما أبيه .. <- - أمحق ما بييه :096: لكن الإحراج .. وما يسوي ... ! :096: الحقيقة .. إني إنحرجت باللحيل من هالرجّال وأمّه .. ! وما أدري وش أسوي .. لا عادت على هاك الطلعة .. :D وما عاد .. أدق على واحدن ما يرد علي نوبة ثانيه .. نهي نهي .. :096: بس صدز والله إن صوتها صوت بزر :confused: |
هههههههههههههه
هج من الديرة ياولد .. باتسر يجيك هالسويلم ويرجدك براشدي أن ماتجوع شهر .. المواقف واجد مثل سذا ,, والله يبارك بهالجوع اللي خلاك تكتب هالموضوع الزريف .. تشكراااااااااات ابو معاذ .. وهذي خمس نجوم .. |
أجل تحسبه بزر ههههههههههههههه وبالأخير طلعت أمه هع هع .
والله ياإنت منتب صاحي . |
اقتباس:
ماله داعي .. جالس تزمر على الوالده :d وبعدين سويلم مهب السويلم .. يجي الفارس يفضخ راسك :014: ياعيني ع الخمس نجوم .. تخلين أبتل أجي أسولف عليكم .. تراي مليان .. بس إني أحس إني دبلة تسبد .. :d شكرياتي الوردية لروحك الوفية .. < - عنوان كتاب :113: |
اقتباس:
إيه إتعظ يابوصباخ الله يطولي بعمرك .. ! ولا تجلس تستهبل مع أي بزر .. :D يقعد يطلع أبوه ولا شيء :113: همن تروح دهنه ! تحياتي الـ قلبيّة لمرورك :113: :rolleyes: |
ههههههههههه
لا عمرك تبزع ثانيه |
هههههههاااي ..
والله يا هي فشيلة .. لكن اصبر يا بو معاذ يا خزيااااااه تخلي امكـ تجيبلكـ القهوة ..==> يدور اي شي :D لا عمركـ تعودله ..:) |
:eek: والله ياهي فشيلة يابومعاذ , شكلك من الربكة نسيت الطلعة ونمت هاكـ الليلة جوعاااااااااان :D ,, ^ ^ ^ على طاري الفشيلة هذا واحد من الشباب دق على رفيقهـ وكانت ماسكه معه استهبال ,, ويوم دق على خويه رد أبوهـ وكان الصوت مشابه لصوت ولدهـ وفام رفيقي يستهبل على أبورفيقه وهو ما دري أنه الأبو ,,, قال الأبو : من معي ؟؟؟ قال ما عرفتن : قال : لاوالله ,, قال معك عمكـ يا حمار :D ,, الأبو ما أستوعبه وعلى طول نادى ولدهـ وقال دوكـ جوالكـ لا عادت على اللي يرد على جوالكـ ,, والفشيلة العظمى أن الأبو صار يعرف وفيق ولدهـ :113: ,, بمان الله |
ههههههههههههههههههههه .. أجل عطن أخوك الله يصلحك .. :d أبو معاذ برئ ياحوووول .. ويقاله متذيهن .. :113: ادري انه معطيك الجوال .. :) لاعمرك تعود له يابو معاذ .. ولاجيت تذيهن .. خلك كونان على سنع .. :113: .. :) |
هههههههههههههههههههههههه
يسلموووووووووو على سعة الصدر |
:p الله ياخذ ابليسكـ أبومعاذ ! لوأنا منك الآن منتحر عقب الفشية ذي ... ;) اقتباس:
ياويلي يارفيقك ذا ... صراحة بديت أحن عليه بعد هالقصة :eek5 أتوقع قعد شهر بالبيت ماطلع عقب القصة ذي :D abraheem |
اقتباس:
أنت تامر وحنا نطامر .. ! كم عندنا من بيكراوي فيذا ؟ :) |
اقتباس:
إبشر ياطويل العمر .. منب معاودها .. :D والله يجمعنا واياك في جناته .. قل آمين .. :) تحياتي الـ ورديه لقلبك ;) |
كككككككككككككككككككككككككككككككككككككككككككككككككك كككككككككككككككك
الفقعه ياولد خخخخخخخخخخخخخخخخخخخخخخخخخخخخخخ مشكوووور |
| الساعة الآن +4: 11:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.