|
زواج .. أم محاضرة .. [فائدة .. أم سخافة] .. ظاهرة النصيحة في الزواجات ..
زواج .. أم محاضرة .. [فائدة .. أم سخافة] .. ظاهرة النصيحة في الزواجات ..
الموضوع واضح من عنوانه :rolleyes: . قبل عدة أيام حضرت زواج لأحد الإخوة بارك الله فيه ووفقه ، أول مادخلت الزواج ، إلا وأشوف واحد من بعيد ينصح ، وعلى طول أخوكم في الله ، مايمسك لسانه ، إلا وقلت: الحين حنا داخلين عرس .. وإلا محاضرة !! ويرد علي واحدن جمبي توه داخل ، ولا أعرفه: إتق الله يارجل ، ولا يجوز تقول مثل هالكلام ، خاف ربك . أنا بصراحة ماتوقعت هالرد من هالشخص ، لأنه أولاً ما أعرفه ، ثانياً ماقلت شيء حرام ، وأخوكم في الله من النوع اللي مايعرف يسكت ، إلا وأرد الصاع صاعين: الحين اللي قلته حرام أنا !! بعدين أنا ماقلت شيء غلط ، كل اللي قلته حنا داخلين محاضرة وإلا عرس !! ويرد علي برد أغرب من الرد الأول: الله يصلحك بس . أنا تبسمت في وجهه ، وجلست أضحك في نفسي ، وقلت في نفسي: يارجال ماعليك من هالرجال ، أنت جاين العرس علشان تستانس . المهم وندخل على ماقال ونقعد شوي ، إلا ويبدأ اللي قبل شوي كان ينصح ، وينصح مرة ثانية ويقعد هالناصح حوالي ربع ساعة وهو ينصح ، ويوم انتهى دخلنا على العشاء . يعني شفتوا نصح مرتين قبل مايجي الجنب وبعد ماجاء الجنب :cool: . يبي كل الناس تسمع كلامه . الصراحة يا إخوان أنا لست ضد النصيحة ، ولكن لكل مقام مقال حنا داخلين عرس علشان نشوف ناس من زمان ماشفناهم ونسولف معهم ونضحك ونتقهوى وعلى ماقال نسفهل ، موب داخلين محاضرة . أمر آخر: لي قريب أطال الله عمره وهو من مشائخ مدينة بريدة ، يقول في جلسة خاصة معنا: مرة من المرات كنت في زواج وجاء إلي أحد الأخوة وطلب مني أن ألقي نصحية ، فأجبته بالرفض وأن لكل مقام مقال ، وأن الناس جاءت لهذا الزواج لرؤية بعضهم البعض ، وليس للنصيحة أو المحاضرة . أخيراً ، أتمنى إنه محد يفهم كلامي غلط [يارجال يبي يجي واحد فاهمك غلط :)] ويفهم إني أكره المحاضرات أو النصائح ، لكن المقصد أنه لكل مقامٍ مقال . ترى بالعادة أقعد وأنا أكتب المقال فترة من الوقت وأحفظه بالوورد ، وأعيده مرة ثانية وأعدل فيه ، بمعنى أوضح يجلس الموضوع له أسبوع وأنت جاي ، لكن هالمرة كتبته على طول لأنه مالي خلق أقعد أسبوع وانا أعدل :) . شكراً للجميع . ودمتم سالمين ،، |
فعلا النصيحة جيده وفيها تذكير ولكن من المفترض أن في الزواجات لا نكثر منها ..
فليس معنى كلامي أنه لا يوجد منكرات في الزواجات كلا والله بل قد تزيد المنكرات في ذلك ولكن الزواج مكان غير . وإن كان ولابد من النصيحه فتكون متعلقة بالزواج لا بشيئ عام . |
كلمات رائعة ,, وفعلاً صدقت يابوريم لكل مقامٍ مقال , فالناس قد أتت لترى أحبابها ولتجاذبهم أطراف الحديث ,, وإن كان هناكـ من فائدة او نصيحة فتكون في مكانٍ آخر غير المكان الرئيسي للعرس ,, ولا نفهم من ذلكـ اننا ضد النصيحة والفائدة ,, لكنـ " لكل مقامٍ مقال " |
فعلا انا حضرت كذا زواج وفيه واحد ينصح جزاهـ الله خير , وفيه واحد يقرء قرآن, بس يطول واجد بالنصيحة والناس بطبيعتها تمل من النصح .. بس أعتقد إذا كانت النصيحة ليست طويلة فما أعتقد فيها شي ... أخوكـ : الأسطورة |
الزواجات والمناســبات فرصة للإلتقاء والســلام , حيث يقـدم فيها البعيد وترى فيها الأقارب والأبــاعد والنصيحة في مثل هـذه الأماكن غير مناسبة أبـداً لذات الســبب وقـد سـمعت من أحـد مشــائخنا الفضــلاء أنه لايرى النصح في مثل هذه المناسبات إلا حين وجـود منكر فإنه يتعين إنكاره وإلا فإن مثل هذه المناسبات فرصة للإلتقاء والتشــاوف بين الأحبة وألأصــدقاء شــكراً لك أخي أبي ريـــم ,, |
صدقت أخوي ,, مافهمناك غلط .. بالعكس مثل ماقلت /
{{ لكل مقام مقال }} |
أوافقك على أن المكان غير مناسب للنصيحة
وأؤيدك في أنها ظاهرة غريبة في مجتمعنا ولكن لا أظن أنها تصل لحد السخافة وصاحبها مجتهد على أبعد الأحوال |
النصح شيء جميل .. خصوصا في مكان يجتمع فيه عدد لابأس به ..
لكن ينبغي عدم الإطالة في النصح أعتقد عشر دقائق كافية مع الدعاء للعروسين بالسعادة .. شكرا أبو ريم .. |
أن الامر بالنصح والارشاد جيد لكن لايكون طويل من أجل ان يسلم كلُُ على أخيه لكن في حقيقة الامر كم جلست ياخي بدقيقة ثم حري بك ان لايكون الرد هذا لو كان أجمل
لتواصل : slman.500@hotmail.com |
ودي لو ما قلت سخافة . . صحيح أنا معك على طول . . إنها ما لها داعي . . بس سخافة صعبة شوي
لأنه يجيك أحدن يفهم فهم ما له داعي . . يحسبك تنعت المحاضرة أو الكلام نفسه بالسخافة . . و أنت تقصد توقيت الكلام و ليس الكلام . . بالتوفيق يا بعدي . . |
والله فرصه لاتفوت اجابه دعوة لاخ اوقريب او صديق اجتماع وكلمه دقائق مختصره واكل وسلام واحتسب الاجر من عند الله والاجتماع في قصور الافراح لو عطر بكلمه تذكيريه حتى تذهب (رائحه جيفه الحمار)...
|
الله يـصـلــــــحـك بــــــس ..:( هاهاهاهاهاها ..:D أحـمـــــــــد ربــك .. حـنـــا تجـــــــي وتطـــق الكـتـــف أم العــلي وتهــــــــــوش وشو هالبـــــــــــــــس أعـــوذ بالله .. ماتخـــــــــافــين ربـــــتس ..!! << الـبـعـــــــــض من العجــايـزـزـزـز الله يهــديـهــن لكـن البـنـــــــات لا والله يجون بأســلوب مـاشا الله عليهم .. والنـصـــيحــه بالــــزاج غـلــط .. يــاخـــــــي بـنـســـــــولـف ونسـتــــــــانس .. لاحـقـــــــين علـيهــــــا .. وتـنـبـيـــــــــــه :: إللــــــــي بيـنـصــــــح شـخــــــــص لـذاتـــه يــاخــــــوي/ يـاختي أولاً : قله وش مسوي مب من الباب للطاقه تنصحه على شي محله الله .. ثانياً : لا تـــــــــزمـــر .. مـشـكـــــــور أخـــوي عـ الطــــــــرح الــرائــع .. تحياتي .. |
شكراً لكـ أخوي الصباخ لطرحك لهذا الموضوع الواقعي فعلاً النصح جميل وكذلك الناصح له منا كل الدعاء لعلمنا أنه مانصحنا إلا لحبه لنا (فنحن نقدّر هذا الجانب) لكن كذلك يجب أن يبحث الناصح عن الأوقات المناسبة لنصيحة ... إذا كان يريد أن يوصل مايريده لهم فإذا أتاهم في وقتٍ غير مناسب لهم بطل مقصوده الذي كان يرنو له ... في الأخير أنا لا أضيف شيئاً على كلام الإخوة الكرام (( لكل مقام مقال )) تقبّلوا تحيات أخيكم في الله أبومحمد |
اقتباس:
لأن سراحهـ إذا دخلت القصر أحسبي داخله (....):i125 من لبس الحريم اللي يشيب الرااااس ..!!قسم باللهـ إني أستحي أناظرهن:eek: الحمدلله..!! لي قريبهـ كل مارحت للزواج ..تستأذن من" أم العروس" ثم تاخذ المكرفون وتنصح الحاظرات بخطورة اللباس العاري(أكثر شيء تقعد عشر دقايق)هذا إذا صارت متحمسه..وصار القصر كله مصاليخ (تقول أنا مهب ماسكهـ على بنت بنت وكل وحدهـ أنصحهـ بالحالهـ)كان يقضي الزواج وأنا ماخلصت..!! أنصح الجميع وأبرء ذمتي..!!وبس شكرا لك أخي الفاضل:الصباخ : 12 |
| الساعة الآن +4: 11:50 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.