أنا وبنك الراجحي وبرنامج الكفالة ..! <اللي جربوا برنامج الكفالة يتفضل فيذا>
 

بسم الله الرحمن الرحيم
السلام عليكم ورحمة الله وبركاته

قبل فترة ستة أشهر بدأت بمشروع خاص أطلب الرزق من وراءه ، والمشروع يتطلب مبلغ وقدرة من الريالات ، قمت بتأسيس المشروع بشكل مصغر علني أجد التمويل الأساسي فيما بعد ، ولله الحمد أخبرني أحد الأحبة عن برنامج يسمى الكفالة مقدم من الصندوق الصناعي يهدف لدعم المشاريع الصناعية ودخلها أقل من 20 مليون ريال سنوياً ويكون التقديم عن طريق أحد البنوك المعتمده ، تقدمت إلى بنك الراجحي لأن حسابي الأساسي موجود لديهم ، وتم رفض الطلب بعد اسبوع من التقديم بحجة أن حسابي غير نشط ، فاستعنت بالله ثم بالمعارف وتم القبول المبدأي وبدأت سلسلة الطلبات (هات جدوى اقتصادية ، راجع الجدوى الإقتصادية ، وثق الجدوى الإقتصادية) وبعده بدأت سلسلة التصريفات راجعنا بكرى وراجعنا بعد اسبوع ومشغولين ومادري إيش كأني أبي منهم مليار ريال ، وبعد شهرين تقريباً سلمون الملف وقالوا ما عندنا شي !! رحت لبنك ساب ومن أول يوم تم رفع المعاملة للرياض والوعد يوم الأربعاء.

ما يستفاد من الموضوع:
1- إن عندي مشروع :cool: << بشر الوالدة :072:
2- بنك الراجحي بنك خايس !: 12
3- والأهم اللي جربوا برنامج الكفالة أو يعرفون أحد بجروه يخبرونا وش صار معهم ، وهل فيه دعم حقيقي وإلا بس للي عنده واسطة ؟؟

تحياتي..:)

هلا والله ابو محمد

والله أنا رايح لمهم هاج عن الشراكة ولا غيرك أشطر منك

وبالنسبة للمطب فالتجارة ربح وخسارة ! ويوم أأسس المشروع وأنا ناوي يا مليونير ولا بالسجن :d
شكراً لمرورك ..:)

موفق اخوي ذا إنجنيـر وان شاء الله تمشي الامور على ماتبي ...

لكن اذا انتهت اجراءاتك على خير علمنا وش يصير عليك لأن اخوك عنده
تفكير بمشيريع ويدور له على تمويل ..

شاكرين ومقدرين وتمنياتنا بالتوفيق للجميع ..

ســـــــــــــــــــــــــــــــــــــــــــــلام. ..

ممكن اعطيك من الاخر ان بنوك هذا البلد كلها خايسة ولا تنظر الى العميل الى كاقل من حشرة الا اصحاب الارصدة المحترمة فيجلون ويقدرون هل تعلم ان مصرف الراجحي فرع الجردة ببريدة جلسوا في احد الايام ينتظرون احد شيبان الجردة لياتي ليخلص معاملة في البنك الى الساعة الحادية عشرة بالليل وكل ذلك من اجل ان رصيده بعشرات الملايين المجمدة وتزداد سنويا من ريع عقاراته المتعددة

استفسار : هل برنامج الكفالة هو الضمان البنكي ام ماذا ارجو التوضيح وشكرا؟

بارك الله فيكم

برنامج الكفالة: هو برنامج أقيم بين الصندوق الصناعي والبنوك لدعم المشاريع التي يكون دخلها السنوي أقل من 20 مليون ريال ! طبعاُ يكون كفيلك الصندوق الصناعي. ولا يدعم المشروع إلا المشاريع الصناعية فقط.

تحياتي..:)

معاملة الأشخاص الدجة أمثال ابو نجدي بشكل سيء شيء عادي :) لكن المشكلة معاملة المؤسسات بشكل سيء وبالذات المتقدمين لبرنامج الكفالة يعني أقل مبلغ ممكن يطلبة 100 ألف ريال وممكن يطلب مليون ريال ، يعني كيف تخسر عميل بالشكل هذا ؟


تحياتي..:)