|
مديره تتزوج رجل احدى مدرساتها
مديرة مدرسة تزوجت زوج إحدى مدرسات مدرستها تدور القصة حول مديرة مدرسة عزباء غابت عن المدرسة يومين ولما عادت لمدرستها قابلتها المدرسات سلامات وينك يامديرة ؟ قالت باركولي تزوجت قالن مبروك يامديرة ولكن منهو زوجك ؟ قالت بصراحة زوجي هو زوج إحداكن !! المدرسات تكفين علميننا أي وحدة منا ؟ قالت المديرة والله ما أعلمكن المهم لزمن عليها فقالت أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاولة واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي أتزوج زوجها وآخذ بعد منها خمسمية ريال وافقن المدرسات على الطريقة ويوم جاء بكرا وكل وحدة مزهبه معها الدراهم جت الأوله والثانية والثالثة والرابعة حتى العاشرة والمديرة تاخذ الدراهم يوم جت المدرسة الـ 11 وبدت المديرة تأفف .. المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كأنها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله إني آسفه غلطت يوم تنفست المدرسة وقالت الحمد لله يعني بتاخذين الفلوس المهم أخذتها المديرة ودخلن بقية المدرسات حتى الـ 23 والمديرة تلعب بأعصاب كل وحده وفي النهاية تاخذ الخمسمية المهم بقي مدرسة وحدة فقط ماجت يوم اتصلن عليها المدرسات هاه وينك ياأستاذه قالت والله اني تعبانه وماني جايه قالت المدرسة الغايبة : هاه من صار زوجها اللي متزوج المديرة ؟ قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين المهم جت تسحب رجليها بالقوة ويوم جت تدخل المدرسات كل وحده مبسوطة أنها مهي هي دخلت المدرسة الأخيرة غرفة المديرة وحطن باقي المدرسات أيديهن على قلوبهن وحطت المدرسة الخمسمية على الطاولة وضفتها المديرة يوم طلعت لقنها عادية وما صار شي وفلوسها أخذتها المديرة قالن يابنات فيه وحده منكن ماخذت المديرة دراهمها ؟ قالن لا والله كلنا أخذت دراهمنا ودخلن المدرسات على المديرة وقالن أخذتي الفلوس من كل المدرسات تلعبين علينا !! منهو زوجك !! قالت المديرة المهم الدراهم ( 12000 ريال ) ماراح ترجع وأنا والله لا تزوجت ولاشي لين الحين عزوبية ووالله كنت مريضة هاليومين ولكني اطلبككن قبل شهر تدفعن على مية ريال نصلح المصلى ولا وحدة منكن دفعت .. قلت والله لأدفعكن 500 ريال نصلح المصلى ونشتري مصاحف وقف للمسجد قالن المدرسات بردها الله بالعافية فداك الدراهم ولو تبين زود عطيناك هو صدق بس رجالنا ماتزوجوا علينا هذي القصه حقيقيه حاصله باحدا مدارس القصيم ............... منقول... |
مشكوررررررررررررررررررررره أختي على الموضوع العجيب :)
|
العفو يانونو
|
ههههههههههههه :083: :072:مشكوره اختي |
يسلموا على المرور
|
رههههههههيبه صراحة هالمديرة هههههههههه
|
هههههههههه
ههههههه ضحكتيني ؟ انتي دايم مواضيعك تضحكني
ربي يجزاك خير والله هالمديرة رهيبة هههههههه:083: :082: :041: :017: |
. . الصراحــه إنـه شي ..! زي اللي قاله رجلـه ضفــي عفــشــتس بوديـــتس لأهلــتس ..! قالت وراه .؟ قال أعرست عليتس ..؟ وطول الطريق تصيح يوم وصل باب بيت اهله .. قال والله ما اعرست عليتس ..بس ابوتس يطلبتس الحل ..! قالت ايييه برده الله بالعافيه ..! ودخلت على اهله تقول لا تصيحون شي اهون من شي<:113: مشكورهـ .. :) . . |
ههههههههههههههه
هههههههههههههههههههه والله ياهالحريم يضحكن :rolleyes: :rolleyes: :rolleyes: تسلميييييين على قصتك الحلوة مثلك. |
مشكورة على هالموضوع
و القصة الحلوة و الى الأمام |
خطيييييييييييييييييييرة هالمديرة ... لكن فلقن راسي المعلمات .. على طول يعطوونه 500والله من الدبااااااااااشة ... بس ماعرف لهن غير المديـــــــــــــرة ودفعتهن غصصصصصصصصصصصصب ..... وثااانكس عالقصة .... تقديري ... |
العفو منكن
مشكوره حايليه على القصه الرائعه |
| الساعة الآن +4: 05:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.