قصيدة منقوله بس أبذكركم في الأستاذ صالح عبدالله وايل التويجري
 

مـــــثـــــــلك يـــــــــــقــــــــــــدم لـــــــــمـــــــناصــــــب

حبيت ان يطلع الجميع على هذة القصيدة الرائعة ويستاهل ابو احمد
القصيدة للدبيخي
. أنموذج البرّ والإخلاص للوطن الأستاذ صالح بن عبدالله بن وايل التويجري.. إليك أتقدم بهذه الأبيات:

بديت بسم الله عظيم النوايل

محيي العظام الفانيات النحايل

سبحانه المعبود لا ربّ غيره

إلى عطا يعطي عطاياً جزايل

هديتنا يا رب لاحسن شريعه

وبينت يا ربي عليها الدلايل

أنظم بيوت الشعر ما هوب للغزل

ما هو بعشق معكرشات الجدايل

أسوقهن كالذود وسط المفالي

أمدح بها خطو الرجال الاصايل

من عقب ذا يا من يودي رسالتي

للقرم أبو أحمد كثير الجمايل

حرٍ قطاميٍ عريبٍ معرب

ما للردا درب على (أولاد وايل)

أبوه حاز المجد من قبل والثنا

عبدالله الوايل قديم الفعايل

لا عدوا أهل الجود والطيب والسخا

من مثل أبو صالح وفيّ الخصايل

يمناه مثل الغيث للي نصاها

ويلطم بها عند الخطا كل عايل

له مجلسٍ فيه الحِكَم والمعاني

وسوالفٍ فيها علوم ومثايل

تنبيك عنه (اعقيل) بالصدق والوفا

انشد عنه تلقا العلوم الصمايل

من حق أبو صالح ايقبل جبينه

وترفع له البيضاء على كل طايل

عقبك يا نسل الأسد باني العمد

ما خاب ظنه يا كريم الشمايل

حقٍ يفاخر بك على كل محفل

رفعت راسه بين كل الحمايل

مثلك يقدم للمناصب ويعتلي

وفي سلم العليا يشيل الثقايل

مجهودكم يذكر ويشكر على الملا

للناس واضح ما يبي له دلايل

بذلت للتعليم وقتك ومهجتك

وابدعت في تذليل صعب المسايل

فعلك يشرفنا ويرفع مقامنا

في ظل حكم ما نبي به بدايل

حكامنا آل سعود الله يعزهم

خدام بيت الله خيار السلايل

ثم الصلاة اعداد ما ذعذع الهوا

على النبي وعداد رمل النثايل

مشكوووووووووووور

مشكور أخوي واسفابكـ ...


بس ممكن تعطينا نبذة مختصرة عن الأستاذ صالح التويجري وما قدم للوطن ؟وأكون لكـ شاكر


أخـــــوكــــ :
الأســطــورة...

صالح بن عبد الله الوايل التويجري . بريدة عام 1371 هـ
مقاعد التدريس :
الابتدائية الفيصلية سنة العزيزية سنة العجيبة 4 سنوات 1383 هـ
المتوسطة والثانوية . المعهد العلمي في بريدة 1388 هـ
الجامعة . كلية اللغة العربية بجامعةالإمام محمد بن سعود 1392 هـ الدراسات العليا ماجستير في الأدب والنقد الأزهر 1395 هـ
حقل التربية والتعليم :
تدريس في متوسطة أبي عبيدة ببريدة 1392 هـ
مبتعث للتدريس في تعز اليمن خلال عامي 1396 ـ 97 هـ
الوكالة والإدارة :
وكيل متوسطة القادسية ببريدة 1394 هـ مدير متوسطة الخبراء 1395 هـ مدير متوسطة الجزيرة ببريدة 1395 هـ وكيل المعهد الزراعي الفني النوذجي ببريدة 1398 هـ مدير المعهد التجاري ببريدة 1408 هـ المشرف على الكلية التقنية ببريدة 1420 هـ المدير العام للتربية والتعليم بمنطقة القصيم 1/11/1420 هـ إلى 15/1/1428 هـ
أبرز اللجان والأعمال :
مدير جمعية البر الخيرية
عضو مجلس المنطقة ورئيس مجلس التعليم بالقصيم
رئيس لجنة الثقافة بمجلس القصيم
عضومؤسس في النادي الأدبي ببريدة
عضو مؤسس في جمعية الأسكان التعاوني
عضو لجنة أصدقاء المرضى
عضو مركز الأمير فيصل بن بندر للتدريب وتوطين الوظائف بالقصيم
عضو الجمعية السعودية
عضو المجلس العربي لرعاية الموهوبين بالأردن
عضو الجمعية العربية السعودية للعلوم التربوية والنفسية

يستاهل ابو احمد كل خير ..................
والله والنعم بالحمولة الطيبه ..

يا حبيله ابو احمد والله انه متواضع وفله وزكرتي بس الله يهديه مالقا وظيفه لاخوي السلمي ..


انا احبه حب رغم اني ما اعرفه بالحيل وكل من شافه حبه الله يخليه..


اتوقع شعره عكاريش علشان الناس تحبه كثير..

صح لسان الشاعر الدبيخي .. ويستاهل ابوأحمد


ومشكور اخوي واسفابك ..


اجمل تحيه ،