|
مطلوب مشروع حمام للبيع أو استراحة تصلح لمشروع حمام
أحبتي هناك شخص ينوي الاستثمار في مشروع حمام , وهو يبحث عن مشروع قائم أو استراحة تصلح للمشروع ..........
رغم إني نصحته لا يقرب اللي يناظرك بعيونه , لا والشعير غالي ,,لكن لولا اختلاف الاذواق لبارت السلع |
.
. بعد منع البلدية لبيع الحمام ( الجاهز للاكل ) , أرى انه لايصلح للاستثمار الآن ... والله أعلم . |
اخي الكاشت
دور على مزرعه للصبره او للا جار اكثر من خمس سنوات والاستراحه ماتنفع للحمام الاستثمار يكون لديك مزرعه ومشروع حمام زاجل ونجدي وعامل لتعييش الحمام ويذبح ونتافه اعرف شخص ماشاء الله عليه مشروعه مكلفه قرابه 100000ريال لكن عنده سبعه عمال وكل محكر فيه 50 جوز زاجل وكل يوم 7 أكياس تعييش لكن جواله ما يوقف من الاتصال يطلبون فراخه والعامل مخصص للذبح والزبون اذا جاء يلقى الفراخه جاهزه ومبرده ومكتووب عليه اسمه والمبلغ |
الفتى أحمد أشكرك على مرورك ووحهة نظرك معقولة
أخو دريحم نعم فيه فائدة إذا وفقك الله وسلمت من الأمراض التي يشكو منها كثير من المربين وكذلك الأسعار المرتفعة للعلف أشكرلك مرورك |
الكاشت الامراض لابد منها ولازم من التطعيم والفيتامينات والمركبات وامراض الحمام متعدده منها على سبيل المجال التجبن الاسهال الكغه الضعف العام والله يكفينا شر الدووووره والقرنسه . وبالتوفيق ان شاء الله. |
السلام عليكم
انا شخص عندي حمام لى حوالي 5 سنوات فيها فايده كبيره خاصة ادا اعطيتها اهتمام بس يالغالي لاتقرب النجدي خل اعتماد الانتاج على الزاجل والفرنسي والسلفر والبلجيكي اما من ناحيه الامراض في تحصينات تستمر عليها لكي لايصاب بالامراض الموجوده اما المكان عادي في اي مكان انا حاطها في استراحه والحمدالله تصدق انه يتصلون على رعين المحلات وهم الي يجون ويخدون وانا لا اودى ولا اجيب وازعج نفسي واي شي تبيه يالغالي انا حاضر تحت الخدمة |
شكرا اخوتي على المرور .....وعندي استفسار عن التحصينات .
هل هي شهرية أو سنوية ؟وتحصينات لأي مرض؟ |
| الساعة الآن +4: 03:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.