|
سالفة الرجال اللي طاح من العمارة الرفيعة
سالفة الرجال اللي طاح من العمارة الرفيعة كلن يسولف بها وبكل محاور السالفة جنسية الرجال اللي طاح أسباب طيحته هل الرجال مريض أو لا وغيره من الهرج وأنا ما ألوم الناس لان كلن وده يسولف وهذا شيء طبيعي لان القصة مغرية للهرج والتوليف بعد احيانا لكن ودي العالم تصبر حتى يطلع العلم الوكاد من الجهات الرسمية لانها هي اللي عندها الخبر بس هم يحبون ان اجراءات التحقيق تكتمل وبعدين يعلموان الناس < يا خبر بفلوس بكره ببلاش > |
الرجال مانتحر كان يصيد حمام ويبيع وطاح ومات الله يرحمة
|
فعلا اثبتو ياهل بريده انكم محترفين في صنع الاشاعه
واحد يقول من كبار حمايل بريده والثاني يقول انتحر والثالث يقول يماني والرابع يقول باكستاني واخر يقول الي يبيع خضره يقصد.............. الي يوزع جواله على كل المدرسين بس كلمه وتحصل ددسنه واقفتن عندك يعطيك الخضرة الي تبي والخامس يقول مريض نفسي واخر يقول لعبتن به المخدرات والسادس يقول مصدوم ومن قو الصدمه طار وطاح فوق الشجره والسابع يقول بكت الدخان حقه والا وش جابه بجنبه والثامن يقول انه شاك ان الولاعه حقته بعد والتاسع عام نلعب مع بعضنا/// نحسب الحب لعب ومادرينا وعاشر عام عرفت الحب ماهو ///وصرت احبها حبا يقينا ياخوان انتم تدرون انكم بكل كلامكم هذا تكسبون اثم لان الميت يجب ان تدعي له وتذكر محاسنه ماهو تجلس تألف عنه قصص ويصير موضوعه اكثر من 7 صفحات هنا وفي منتدى اخر يخص بريده ايضا والله فشلتونا عند اهل عنيزه خل شفاحتكم تنفعكم |
اقتباس:
مع إحترامي لك أخوي عيار إلا إن نصف ردك توليف من عندك ــــــــــ لاتعودله جزاك الله خير أجل :ـــ الأول .. والثاني.. والثالث ...والعاشر:073::073:""" والله مانتب سهل تمشي وتجمع من اللإشاعات بعدين وشو الي فشلتونا عند أهل عنيزة وأنت جاك العلم إن أهل قنيزة مايولفون ولا يتسذبون . ـــــــــــــــ للمعلومية: تراى أشفح ناس بالمملكة أهل قُنيزة :026: مع الســـلامة |
الله يرحمه يابكم بجاحه وشلوه البجاحه مات وبس محبكم |
الله يرحمة ويغفر له
وش يفيد اذا عرفتو كيفية وفاته الرجال مات ترحموا عليه وبــس وشكرا |
ترحموا عليه جزاكم الله خير واتركوا عنكم الكلام الي ماله داعي =تعددت الاسباب والموت واحد= بعدين الي يقول انه بجنبه بكت الدخان والي يقول الولاعة ووووووو................... ماينبغي ياجماعه(اذكروا محاسن موتاكم)اللهم اغفر له وارحمه واسكنه فسيح جناتك جنات النعيم وألهم أهله الصبر والسلوان يارب العالمين |
ياأخي .. لو أننا نهتم بحال أمتنا كاهتمامنا بتلقف الإشاعات ونشرها ,فإننا سنصبح بمصاف الدول المتقدمة !!!
أخوك/ فارس الساحة .. |
اقتباس:
|
الله يرحمة
|
الله يرحمة
|
اقتباس:
أقول شكلك أنت اللي تطلع الإشاعات هذي من سمعنا بالحادث اللي يقول يصيد حمام وطاح واللي يقول مريض نفسي واللي يقول يمكن صدمته سيارة وطار عند العمارة بس أما الباقي جايبهن من راسك ...... سلام يا ألبي |
الله يرحمة
|
اقتباس:
ياحوووووووول ياهل عنيزة شعرتهم بيضاء منكم :eek5:eek5:eek5, كل ما تهاوشتوا بيناتكم ياهل بريدة حطيتوا الدقه بالضعفاء المساكين هم ومحافظتهم :113: الحين وش دخل عنيزة بالسالفه :09: لاحد يهرج تراي من بريدة :) |
| الساعة الآن +4: 08:47 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.