بريدة ستي - Cheese Cake ’’’ بنات وصفه لا تفوت أبداً ,,, ولا محل كوفي و الله شكل + طعم + كل شئ خخ

السلام عليكم حبيباتي الطباخات خخخخ

شخباركم؟؟ هذي أول مشاركة لي في قسم المطبخ يا حلوات.. و لكن أظن إن الوصفة راح تفوز بأحسن طبق لليوم خخخخ .. أتغشمر.. اليوم بسويلكم جيز كيك بارد (يعني ماله داعلي للطبخ ولا لزفر البيض) ما راح تلقون وصفته لا بكتاب طبخ ولا عند أحد.. لأنها وصفتي الخاصه .. و بعد بالصور .. ههه لازم اليوم تشترون المقادير..

بسم الله نبدأ..

قبل كل شي أنا ذاكرة كل مقدار بالنوع و الكم.. يعني نصيحه لو غيرتوا شي ما راح يطلع الطعم مثل ما تبون..

المقادير:

http://www.buraydahcity.org/upload/2...1192054166.jpg

http://www.buraydahcity.org/upload/2...1192054221.jpg

ا قيمر KDD الكبير 250 ملل بااارد
8 قطع جبن كيري (بحرارة الغرف)
2 كيس دريم ويب
125 ملل حليب سائل باااارد
علبة جيلي فوستر كلاركس ليمون صغيره ( التزموا بالماركه هذي لان غيرها ما راح يعطيكم مثل الطعم )
نصف كأس من الماء المغلي
علبة كيك سارالي (باوند كيك أبيض)
علبة صلصة بلاك بيري (توت اسود) و يفضل من نفس الماركة اللي بالصورة.
الخطوات:
1- نضع القيمر مع قطع الكيري في خلاط الكيك و نخليه يخلط لييين يتجانس حيل مثل الكريم.

http://www.buraydahcity.org/upload/2...1192054315.jpg

2- في هذه الأثناء نجهز نصف كأس ماء مغلي و نذوب الجيلي فيه و نتركه على جنب.

http://www.buraydahcity.org/upload/2...1192054370.jpg

http://www.buraydahcity.org/upload/2...1192054435.jpg

3- نقطع الكيك و نصفه في ماعون خاص بالجيز كيك، و انا احيانا أسوويه في قلاصات و اقطع الكيك قطع صغيره احلى للتقديم خاصه لما يصيرون صغار..

http://www.buraydahcity.org/upload/2...1192054510.jpg

http://www.buraydahcity.org/upload/2...1192054559.jpg

4- راح يتجانس القيمر و الكيري في هالفتره، اقوم احط أكياس الدريم ويب و الحليب البارد فوقهم بالخلاط.. و اخليه فتره لما يرتفع شوي.. (هني تبين اهميه بروده الحليب و القيمر علشان الكريمه (دريم ويب) تنتفش و كذلك اهميه خلاط الكيك, لو استخدمتي خلاط العصير ما راح تنفش معاج)

http://www.buraydahcity.org/upload/2...1192054628.jpg

5- بعدين حطي قلاص الجيلي بعد ما يفتر شوي علشان ما ينزل الخليط.. و وزعيه فوق الكيك و دخليه الثلاجه يفضل اكثر من 6 ساعات.. انا اسويه قبل ليله..

http://www.buraydahcity.org/upload/2...1192054709.jpg

http://www.buraydahcity.org/upload/2...1192054763.jpg

6- بعد ما يبرد و يصك راح يكون بهالشكل.. شيليه و حطيه في ماعون التقديم
يفضل استخدام ماعون جيز كيك قاعدته بارزه علشان يسهل عليج نقلها.. متوفر بكل مكان مو مثل الماعون التقليدي اللي لازم تحطين القاعده معاه
شوفي الصوره

http://www.buraydahcity.org/upload/2...1192054818.jpg

بعد النقل

http://www.buraydahcity.org/upload/2...1192054906.jpg

تقدرين تشيلين الاطراف الغامجه للكيك علشان ما يبين مرقع مثلي.. خخخ نسيت لا اشيلهم
7- أخيرا رجعي الحاجز مال الماعون و حطي صلصه البلاك بيري و رجعيها الثلاجه لي وقت التقديم

http://www.buraydahcity.org/upload/2...1192054973.jpg

http://www.buraydahcity.org/upload/2...1192055030.jpg

8- و هذا الشكل النهائي للجيز كيك العجييييب..

http://www.buraydahcity.org/upload/2...1192055089.jpg

http://www.buraydahcity.org/upload/2...1192055126.jpg

تقدرين تقدمينه بعد الفطور او العصر في ايام الفطر مع الشاي.. واو طعم لا يقاوم..

.×××. و بالهنا و الشفا.×××.