|
الله يرحم ايام أول يالجيب الهدد = بعد طروق الصعاب صرت ركب الخكاري (<*أبولجين*>)
السلام عليكم ورحمة الله وبركاته حيالله الشباب . . . اليوم شفت لي جيب لآند هدد مركب عليه جنوط خليه على ما يقولون والجيب كله قراطيس واللي راكبه ....... لا تعليق لكن ما أقول غير يارب لك الحمد طرت على بالي هالأبيات البسيطة وقلت أنزلها لكم [POEM="font="Arial,5,red,bold,italic" bkcolor="transparent" bkimage="images/backgrounds/21.gif" border="outset,10,gray" type=2 line=1 align=center use=ex num="0,black""]الله يرحم ايام أول يالجيب الهدد = بعد طروق الصعاب صرت ركب الخكاري ايام كنت العز وللبواردي المدد = صعاب الأماني طرحت خشمها ماري قليل سنين كنت تطرق دروب(ن) جدد = واليوم جنوط خليه ومن البي ام غاري الله على ايام كنت تشيل ثقال العدد = أصبحت اليوم مقرطس ومن الهبوب ذاري يا حيف عليك اليوم يسوقك ناعم الخدد = مايكل وربعه خلوك من العز عاري ما عليك شرهه هالأمر مالك فيه بدد = مادامت الشيصان تلبس جنوط دواري[/POEM] عذراً من الجميع .. أنا ما أعمم ... والجيوب الهدد ما يهزها ريح .. بس خطرت على بالي هالكلمات وطرحتها لكم والسموحه من الجميع أخوكم أبولجين |
هلابيييييييييك يا ابولجين حركاااااااااااات ما شاء الله عليك عاااااااااااد نبي قصيدة خويك ذاك ألي يوم يكلمك وحنا قاعدين الي به شيئ ايييييييييه ما ودي اكب العشاء <<<< إقاله ما كبه |
مـا عليـك شرهـه هالأمـر مالـك فـيـه بــدد مادامـت الشيصـان تلـبـس جـنـوط دواري صح لسانك ابو لجين ابدااااااع ماشاء الله , حفظك الباري ورزقك سيارة جيب أحسن منه تورنيا فيه المراجيل |
يسلم حنتسك يا أبو لجين على هيك كلمات ..
و صراحة شي ينتف المخ نتف ،، تشوف لك حوض و لا هدد مستب و جنوط كروم و تكاية الراس مغلفه بقرطاسه خضراء و اللي بوسط الجيب ( نعووووومي ) اللهم لك الحمد ،، ما يغث إلا اللي يشري جيب و يستعمله إستعمال كامري .. حومت تسبدي على هالصبح القميل ،، أنت وشنبك <=== يا ويلي يا الشنب ماله دخل :) |
الهدد ياجبل مايهزك ريح .،
شكراً أبولجين , وخل نشوفك الأسبوع الجاي .، |
صح لسانك يا الذيب ,,
الحين تحديات بين الشباب على أكشخ موتر تلقى الواحد يجلس كل النهار يصنفر ويلحس هالموتر لين تغدي الصياج أنظف من وجهه :i121 وكل هذا عشان لاجاء الليل وقت الذروة بالدوران والمنافسة كلن يناظره وناااااه الموتر والله ياهو نصبة منهو ذا خل ناخذله صورة ,, تقل بنيات كل وحدة تبي فستانه أزين من الثانية .. الله يعافيهم ولايبلانا ومايفقع تسبدك الا لاصار معه جيب ولايدخلبه النفود يخاف يتوسخ ياربيييي توه داهنن الكفرات بنيفيا ,, بس ياويلييييه يافادي والله مايطرب القلب الا انت يابعدي انا اشهد انك رجل ياجعل شنباتك تسلم :):) |
والله ياأخوك..انك صاتز هذا اللي نشوفه أيحانا..
مثل مالقال بعض الأخوان خلنا نشوفك مادامك بالرياض..الله يحيك ترانا قريبين لم بعض..انا بالسلام.. بإنتظارك..عالخاص واابيت |
اقتباس:
هلابك والله يابوعلي: 12 قصيدة الرجال هذيك كاش يعني فوري ولا أدري يحفظها للحين ولالا بس لعلي أقوله أول لقاء معه والله يجعله حافظها ولا مدونها لا هنت يالغالي ومشكووور ع التعقيب الدائم أبولجين |
اقتباس:
صح بدنك ولا هنت يا كشتات والمراجيل ما تجيبها السيارات .. لا هنت يالغالي ومشكور ع الرد الطيب أبولجين |
اقتباس:
ومن يقول يسلم يالغالي وصدق الغالي قرناس أبوسليمان يوم يقول تلقاهم ما يعرفون البر أبد ولا يخافون تتوسخ كفراتهم الجيب راكبهم مب هم اللي راكبينه لا هنت يالغالي ابولجين |
اقتباس:
هلا بك يالغالي وأبشر بسعدك سعدني مرورك عزيزي أبولجين |
اقتباس:
صح بدنك يالقرم ولا هنت والله صدقت وجبت واقعها بوضوح يا حبيلك يالغالي ولا هنت ع الرد الطيب وأشكرك من الأعماق على هذه الطيبة محبتي لك أبولجين |
اقتباس:
هلا بك يالغالي تسلم ع المرور والتعقيب ولا هنت والله يعين الشباب على هذا الفراغ ابولجين |
صح راسك كله .. يابعدي .. مهوب لسانك بس ...
الله يستر باتسر ... تلقا خالخكر . كل واحد معه ( دينا ) . هوع هوع وياقلب لاتحزن .. شوكرن ابو لجين |
| الساعة الآن +4: 10:45 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.