هل تصلح بريدة للسياحة؟؟
 

سؤال طرى في بالي أمس

فحبيت اسألكم اياه وان شاء الله ألقى الإجابة ...

لأننا محتارين وين نقضي الإجازة ... صلالة... السعودية ... ولانبقى في دبي؟؟؟

انا ماشفت بريدة ولا أعرفها

بس اخاف امدحها عند ابوي ولمن نزورها ماتطلع حلوة

ويعصب علي ابوي:(

فارجو ان تخبروني الحين

هل تصلح بريدة للسياحة؟؟
وهل شفتوا سياح فيها؟؟


تحياتي: 12

الصراحة ما تصلح

جو حاااااااااار
بس تبين الطيبة فيه
تعاااااالي للخبوب
خب روضان البصر الدعيسة سياااااااحة على كيفيك بين هالنخيلالالالالالالالات والزت والبرسيم
والي أنت تبين




وفيه برسااااات (بركات) للسباحة بس ماءهن مالح وغيرها الكثير

زورنا تجدون المتعة

هههههههههههههه الله يخسّ ابليسك يالحليل فضحتنا وفضحت بريدة...اتسذب عليك

اقول يااخيّتي تراه بريدة ماينفع به إلا المناطق الزراعية الحلوة ومنها وأفضلها:

اللسيب والبصر والخبوب والدعيسة والقراشيع الي حوله كلهن فهمتي.

الله يوفقكم ويجعلكم من الصالحين.

حر غير طبيعي بالنهار

ستارة السيارة تموع وتغدي تقل حرف قوسين متقابلات

ومن الساعه 9 الى 5 ماتنفع الطلعه بالشارع

تبطح عند المكيف


اما من عقب المغرب فالجو منتاز بس منتاز بالمزارع والمناطق القريبه منه


<<< تراوه مهوب ببريده :(

بس اشتقت له :(

ياناس تراه مهيب من سويسرا جوهم اردى من جونا زود على الحر رطوبة..يعني جونا اطلق منهم..:D
<---تمسك يامقطع ديار العالم

رد
 

اهلين بالاماراتيه....

لالالالالا يفوتك عندنا مهرجانات في بريده وخصوصا في العطله هذي المهرجان

يهوووووووووس...


عندنا مهرجانات الاسواق اللي تغطي على مهرجان دبي للتسوق خوذي مثلا

مهرجان قبه رشيد التكييف مركزي والبوابات تضعي من كبرهن والرخام

والمحلات الفخمه وروائح كازنوفا ودهن العود وفعاليات العروض والهديا التى
تقام فيه كل يوم....;) ;)


وايضا مهرجان شارع الصناعه الذي يتميز بشوارعها الفسيحه .......
وايضا مهرجان الخبيب سنتر ولا ننسى مهرجان العثيم مول التجاري

وعندنا عماره تغطي على برج العرب اللي عماره العويضه
>>>>>فرحانين فيهاوعندنا غيرها.......

من ضمن فعاليات مهرجان بريده خصصنا كل اسبوع وله برنامج خاص
فعندنا


لاسبوع الجليد=كلنا نطلع نتزلج بالطرفيه

ولا سبوع الثاني
اسبوع الورود= كل بريده تصير ورد حتى سيارتنا وثيابنا

ولا سبوع الثالث اسبوع المياه=كلنا نتراشق في المويه طول ذاك الا سبوع

وفيه اسبوع لا طفال واسبوع الا مهات واسبوع الشباب والا سبوع البنات;)

هههههههههههههههههههههههههههااااااااي

والله امزح معك اصلن يالذهينه(الذكيه)بريده مو مدينه سياحيه بريده
مدينه زراعيه
بريده بلد الخيرات ، والعطاء بريده بلد الكرم والطيبه والحشمه ولا خلاق الطيبه
وشي ماينوصف انصحك تجين تشوفينها بعينك بس ترا ه ماعندنا مطار دولي دبري حالك:p :p

والله يلاماراتيه اشك بمصداقية انك تقولين لا بوك نروح نصيف ببريده

>>>>>>>>علينا

تحياتي
: 12 : 12 : 12

السنعه بنت اهله... ههههههههههههههههههههههههه الله يرجتس لمين تطشييين.. اجل.. لاسبوع الجليد=كلنا نطلع نتزلج بالطرفيه :D:D


والله أنتس بااااااااااااايعته بنص ألا ربع:)



أقول يا الأماراتية... تعال بس... والله يا عندنا مهرجانات إلى الدفنه... ومن ظمنها اللي قالت السنعه بنت اهله.... واشري من قبة رشيد حلب ورشاد.. ومحلب ومره.. ولا تنسين الحلتيته... يقولون انه زينه للشمم :)

أقول ياوخيتي...لا توهقين روحك... بريدة مهب مدينة سياحية... وأن صار به سياحة بالقرية السياحية .. وألا بالدائري:)




يالله سلالالالالالالالالالالالالالالالام

البحري لا تفشلنا ياهوه
أجل ماعندنا غير القرية والدائري ((-------- والله انك خببـ..................

لا يهمك يالامارتية ما يعرف يعبر قرندايزر <ــــــــــــــــ صارت فلام كرتون

000 ما عليه يالإمارتية 000 اخونا قرندايزر قصدي البحري يقول انه عندنا قرى يعني مدن صغيره حول بريده (( -------- بس خلي عنس تهبل

اجل شجر الحساسية ( قصدي البرسوبس) يالله منفضلك في كل المواسم شغالة العالم عطاس وحسسية <-------- الهرجة دواء الهستوب

لكن هين مقيوله ((( بريده وبس ))

للأذكياء فقط ( الغزال بعين امه !!!!!!!! )

معليش يالبحري نمون (((( بعدين ياخي حاسدنا يا صاحب الـ 1000 مممممشششاركه ))))

:i121 :i121 :i121 :i121 :i121 : 12 : 12

لا تعالوا ,,, علشان تشوفون عمارة ناطحت السحاب عمارة العويضه

وتشوفون النفده يالله من فضلك

وتمرون على الخبوب ,, وتشون الكراث والوناسه اللي مابعده وناسه




الجنط..!!!

هههههههههههه ياحلو حكيك يافتي العشة
اقول امورة هجي ولاتقربين بريدة حررررررررررر موت واذا طلعتي بالليل كلش مسكر
شايفينا باريس علي غفلة من تسع ونصف وهم مسكرين حتي المطاعم حدها 12 وها الكلام تى مو بس في بريدة بكل المملكة اقضبي ارضك ابرك لك.

الاخ زهور برية..متى طال عمرك تبيهم يصكون؟؟..12 واجد تراه..المفروض 9 صاكين..توحي ولا ماتوحي..:D

الرد على السياحة في بريدة
 

# أما بالنسبة في السياحة في بريدة فهي لا تخلوا من أمران::
1- السياحة لطلب العلم عند الشيخ:سلــــ..... والشيخ:الغنيــــ..... وغيرهما الكثير.
2- السياحة في فصل الشتاء فوق نفد الزبيرة او البعيثة أمام النار جذع الإرطى مع كاس حليب عند طلوع الفجر فيالله من فضلك ((طبعا هذا الكلام تعبير عن شعوري كإنسان مجرب الأمور هذه)) وسكرا....عفوا . شكرا أخوكم :الفارسي