نظافة بريدة في خطر يا امانة القصيم وشركة الفهاد من سيء لاسوأ
 

كل سنه تزداد الاوساخ في احياء بريدة وسيارات المقاول والبلدية ما زادت والحاويات قليلة يالامين وينك وين مدير النظافة ترى بريدة تتوسع وانتم قاعدين على شغل السنوات الماضية والميزانية زادت ولا شفنا الا نقص كل يوم في حاويات النظافة وش شغلكم اذا النظافة ما يهتم فيها هي اهم شيء وشركة الفهاد من جفره لدحديرا تحوم الكبد يعني شد لي واقطع لك والله مطرسة
الله يذكرك بالخير يا صالح النافع مدير عام الشؤن البلدية والقروية بمنطقة القصيم ورئيس بلدية مدينة بريدة سابقاً كان يهتم بالنظافة واخذت بريدة لمدة خمس سنوات جائزة افضل مدينة نظيفة بالوطن العربي والخليج

فعلاً النظافه سيئة خاصة في جنوب بريده في الشوارع الفرعية أما الرئيسة فمقبول وعامل النظافه مشغول في علب الببسي الله يرزقه والمراقب الأجنبي يقف في الأضله بسياراته ويترك المراقبه والذي يريد التاكد يذهب إلى مخطط العبيدان في حي المروج ( نفايات له أشهر )

يرجال ارضينا صحراوية تبيهم ينظفونها والله لو تبتل الا ان قلبو الرمل ثيل

لاتتهم شركه الفهاد يعني معجبك شغل البلديه قبل
وتراهم يرصون عليهم إلى البرح والأماكن اللي مالهم دخل به يخلونهم ينظفونه

وشكرا..

ياخي كان في حينا ما يقارب ال100 درام للزباله واللحين صارن بعد اسبوعين 20 ما تعد هذا لعب من الشركة والبلاء الأكبر من المراقب حق البلدية ولو شافوا المراقب جاد كان مالعبوا هم وغيرهم وانا كلمت مراقب الشركة وقال مادري عن شيء وطبعا ماصدق بكلامه كيف يقول كذا وهو رئيس كل عمال النظافة بالشركة لكن المشكلة ان البلدية تريد أن تنفع الشركات المحلية بالقصيم علشان يكون فيهم حماس لمدينتهم ومنطقتهم بدل ما تجي شركة من خارج المنطقة ولا يعرفونهالكن خيبوا الأمل للاسف
حنا ما نتكلم عن عائلة الفهاد وفقهم الله لكل خير حنا نتكلم عن شركة الفهاد لا تستعجل بردك روق شوي شكلك تلف قبل العاير ويمكن يقربون لك
(وإذا قلتم فاعدلوا ولو كان ذا قربى)

من قالك ان عمال البلديه ينظفون الشوارع القليل منهم

انا اشوف عمال بحارتنا وهم من الجنسيه البنقاليه ماغيريجموعون علب البيبسي والسفن يبعونها حديد

والباقي مايحرصون عليه شفت شلون ورح شف الاحياء الجديده مثل حي الريان ماشوف به عمال بلديه بكثره

والحي اللي شمال حي الريان الموجود فيه معهد النور للبنات قله البلديه فيه بالاسبوع مره يجون

قسم بالله عندي صورة فيديو لبنقالي من عمال الوساخة حقين الفهاد _ طويق ) يكب الزبالة ويأخذ علب البيبسي ويخلي الزبالة مكبوبة بالأرض ويمشي بس ما أعرف انزل الصورة .

مطاعم بريدة ... خوش نظافة
 

كلامك اخوي عين الصواب ... واللي يعل ويكمل الناقص وضع المطاعم ... والله العظيم .. مرض في مرض .. والبلدية قصدي ( الأمانة ) مكانك سر.. والضحية المواطن ( اوياقلب احززززززززن )

شاهد شارع الوسيطى واحكم

في شرق بريدة روااااائح كريييييهة جداً