نسأل الله السلامة
 

السلام عليكم ورحمة الله وبركاته

أخواني بالحارة إللي بجنب حارتنا ولد مختل عقليا وهو توه صغير وأبوه وأمه ما يسألون عنه , يعني أحيانا يطلع من البيت في وقت متأخر بالليل ولا يفكرون فيه .

ومرة من المرات وأنا رايح البيت تقريبا الساعة 2:30 ص ( عفوا إللي مسهرني كنت بطلعة مع أخوياي بنفود الربيعية ) المهم وأنا رايح البيت لقيته بحارة بعيدة عن حارتهم , وبدا يركض لمي وهو يبكي من الخوف لأنه عرف سيارتي ويبن أوديه لم بيتهم , وبسرعة وديته لم بيتهم وطقيت الجرس أكثر من مرة أبيهم يصحون دام ولدهم المسكين صاحي , بعدها طلع أبوه وأعطيته ولده وقلتله السالفة , قام يضحك قال أنا تعبت معه وإذا لقيته بعيد مرة ثانية لا تطق الجرس لأنك صحيتنا من النوم , دف الباب بقوة وهو بيفتح ودخله وصك الباب , وجزاك الله خير .

بعدها أنا قلت خلاص بكيفهم إللي علي سويته وأنا ما أبي منهم شي , أبي الأجر من رب العالمين
لكن نسأل الله السلامة


وآسف على الإطالة

"



:

لا حول ولا قوة إلا بالله . . . والله إنها لفتنة وامتحان . . .


أين الرحمة . . والعطف . . . حتى لو لم يكن ولداً لهم فيجب عليهم الرحمة . . .


والحلول موجودة . . إما بإدخاله " التأهيل الشامل " . . أو إيجاد له " خادمة " ترعاه . .


لك الشكر أخي على فعلك الطيب .

والله حرام الله يشفيه يارب ممكن لو يدخلوه دار للتأهيل احسن لاني اذكر ان ولد عمي مثل كذا يوم دخلوه الدار ماشاء الله صار احسن من اول بكثير وصار مايبي اهله مايبي الا الدار,,,,

الله يشفيه والله يجزاك عنه خير