السلااااااااااااام عليكم ..

اول شي اهنئ اهل الريااااااااض .. بالاجااااااازة هاليومين ..
والصراااااااحة المفروض يغيرون اسمه ..
من مدينة الرياض الى مدينة الاجازاااااااااااااات ..




بس هالمرة طلعت بطاعونة هالإجازة .. يوم يقولون فيه اجازة وبعدين يقولون مابش ..
وحنا بلشين بشنطة امي .. ماغير ننزله ونرفعه فوق هالدولاب ..
فيه اجازة نزلوا الشنطة أحط به هدومكم .. نروح للشرقية ..
لا مافيه اجازة ارفعوا الشنطة فوق الدولاب ..
والله يالسحاب من القهر لاشاف امي وهو فوق الدولاب انفتح هو من نفسه ..


مالكم بالطويلة يالبي ..


انا طلعت انا وجدتي موضي بشوارع الرياض نشوف استعدادات الرياض لاستقبال الوفود ..
ومثلكم خااااااابرين .. مع كل مؤتمر .. تستعد الرياض لاستقبال هالضيوف ..
بالورود والأعلااااااااااااااام .. والاجازات .. :d



وحنا ندور بالشوارع ومعي ( صقيقتي ) جدتي موضي ..
طبعاً مغطية نص وجهه والنص الثاني مطلعة عينه علشان تشوف .. ونص العباة تسحب بالشارع ..
وتطن معه وتحشرهة جدتي وتسألن :



هاللحين ياوليدي وشواله غازين هالبيارق ..
وشواله هالعالم هاللي تخترش ماغير تغرس بهالورد .. غاديتن الأرصفة يادافع البلى تقول مزهرية ..


هذا يمه علشان اجتماع راعين منظمة اوبك ..
جامعينهم يبون ( ترفع ابوك ) اسعار البترول ..

ارفع ثوبي .. وش عليهم من ثوبي ارفعه فرقعين جدي ..
<<((== تحس انه مطمبسة وماسكة طرف ثوبه من تحت ..


لا لا ياميمتي وش دخلهم بثوبتس .. عااااااد لاتخلينا انتي وهالثوب يافستان زفاف فاتن حمامة على غفلة ..
هذي ياميمتي ( اوبك ) منظمة الدول المصدرة للبترول ..


ايه .. البترول .. زاد اقول ياوليدي وش ريحة هالديزل ..


ياميمتي وش يجيب الريحة لهم .. والله لو انهم يشتغلون بمحطة بنزين ..
هذولا وزراء .. مثل النعيمي عندنا هو اللي يجمع قروش البيع حقات البترول ويروح يعطيهن الملك ..
يقول للملك .. هذولي قيمة بيع 9.000.000 ملاااااااااااايين برميل ..


لااله الا الله .. تسعة ملااااااااااااااااين برميل كل يوم ..
وتسبدية ياوليدي من هاللي يبي يدربيهن لهم .. هذولي يبي لهم شهر وهم يدربونهن ..
:d:d:d


بعدين وش يبي بهم الملك يجمعهم عنده .. يجيهم شي همن يقعد يبلش مع اهلهم فرقعين جدي ..
هذولا بسم الله علينا سريعين الاشتعال .. مير علم الملك لايقعد هاللحين يدخل عليهم بالمبخرة يبي يبخرهم همن يقبعون ..


ياوليدي هذولا الله اعلم انهم يتطيبون بطفاية حريق ..

انت تدري ياوليدي ان هذولا يعرقون ديزل .. مهوب مثلنا عرقنا موية وملح ..



اقول ياوليدي انا اقول الله يستر من هالاجتماااااااااااااااع ..
اخااااااف بااااااااااااتسر عقب هااااااااااالاجتماع ..
يرجع سعر لتر البنزين الى ريال .. ;)

همن نقول ياليتنا بلى هالااجتماااااااااع وبلى هالاجااااااازة ..
لأنهم هذولا هم ماااااااايتحركون الا ويخلفون لنا مصيبة ورى تحركهم ..
;)


وسلاااام ائليكم ..

هذولي قيمة بيع 9.000.000 ملاااااااااااايين برميل ..