حتى انت يالحطب!
 

امس كنت بسوق الحطب بالعزيزيه وكنت ابي اشتري سياره ونيت حطب وحصلته ياجماعه بسعر الدبل عن العام الماضي .السوال ماعلاقة الحطب بارتفاع اسعار المواد الغذائية.ودي لوفيه احد من اعضاء المنتدى راح لسوق الحطب ببريده ويدري عن الاسعار يوفينا لعله ارخص من الرياض .ودمتم بخير

ياقدم الحطب حنا من 10 سنين شارين الحطب حقنا والا الان ماخلص <<<<ماشاء الله ربي حاط فيه البركه

لايصيرون مسوين لهم هيئه سوق للحطب تيمنن بهيئه سوق المال . ترا كل شي يصير في هالزمن الاغبر

يارب ماله دخل
وكان له علاقه بالنفط المفروض يصير الحطب ببلاش ومعه هديه لأن برميل النفط وصل 100 دولار والشعب بوب


والله يستر لايجي وقت القراطيس والكراتين :)




وبخصوص المحلات


كلن يرفع وينزل بالأسعار على كيف كيفه ولاخاف من محاسبه ولا شي

لأن أساسن مابوه أحد يحاسب


والله يستر :(

أجل الحطب صار غالي .. :09:

به براحه عند بيت خالي علي به أثلتـ(ن) يحبه قلبك .. :113:

تعال ياخلفهم واحطب بايديك ورجليك كله تفداك ..

ولا شف لك محلـ(ن) به رمث .. الرمث عاشت ايامه لايرخص عليك .. :d

واترك عنك هالغلا الله لايغير علينا .. :113:

:d

طبيعي التضخم يطال كل سلعه بالبلد

بالنسبه لحطب السمر

تحصل الونيت الغماره ببريده
مابين 900 ريال و 1100
وقد تجد أرخص لكن ذلك يرجع لحسب صفة الحطب وحجمه

كل الشكر للاعضاء المتفاعلين وخاصه الي جابلي التسعيره دمتم بخير