سؤالين لأهل بريده
 

الإخوة والأخوات

السلام عليكم ورحمة الله وبركاته

أحب أسألكم عن شيئين وما جيت في ذا القسم إلا إن شاء الله متأمل فيكم الإجابة السريعة على هذين السؤالين :

أولاً : أين يقع مسجد الراحجي (في الصفراء أو الفايزية)
وإن كان هناك أكثر من مسجد للراحجي .. فأنا أريد المسجد الذي يقام فيه الدروس العلمية..
ثانياً : مستودعات بريدة أو محلاتها تبيع مشروب غازي اسمه (ستون كولا) أو لا ..؟؟
أرجوا الإجابة بسرعة وبالذات الثاني حتى أوفر مخزون كافي لأني سأسافر قريب ..
وعلى فكرة هذا منتج مصنع أبو الجدايل في جدة ،،يعني مو يهودي أمريكي..

وجزاكم الله خير..




..............................

هذا كروكي لمسجد الراجحي..بس تراه مطرسه..لكن يمشي الحال..:D
http://www.arab3.com/upload/images/J...shah_kroki.jpg

اما الكولا انا شايفه عند (ميد) اول ما طلع بس مادري الحين عندهم ولا لا......
تحياتي.....:)

يا شباب الكروكي يطلع؟؟

<---فرح انه مزين كروكي

مسجد الراجحي يقع في الصفراء ، وهو بين بالأصل بين الصفراء والفايزية

خل ابوصف لك زين شوي

أمسكي طريق الأمير عبدالله يجي مطعم كبير اسمه (( داجن )) هو الي وراه بالضبط

واضح كبير ،، ويكفي ان فتى العشة راسم كروكي عاشت أيامه
<===== طبعاً التوصيف هذا اذا ما طلع الكروكي زين




مستودعات بريدة بالجردة
يعني بشارع اسمه ( شارع المياه )
شارع المياه بجنب سوق الخضرة
سوق الخضرة يصير جنوب بريدة

اقضبو أي شارع يروح لجنوب بريدة ، واسألو عن شارع المياه ولا سوق الخضرة كلهن حول بعض

. سلام

الى الاخت ام جهاد

اجابة السؤال الاول..........صراحة يقع بينهن لكن اتوقع انه الى الصفراء اقرب



الى الاخ الغالي فتى العشة......يابعدي انت تسلم والله على هالكروكي.....بس تخيل كروكي ما وضع فيه ((تحديد)) جهة الشمال ........نقدر نستفيد منه...

محب الجميع

محبكم

.................................
الإخوة جميعكم (فتى العشة – سعفه – محبكم ).. جزاكم الله خير على الوصف
وعرفها الوالد
وبارك المولى فيكم ، وجعلها المولى في ميزان حسناتكم

الأخ فتى العشة .. جزاك الله الجنة على هذا الكروكي -رائع ..

وأما محلات ميد .. مقاطعتها لأنها للوليد بن طلال ،، وأمواله ربوية ،، ويكفي إنه ضم كافر (مايكل أكرمكم الله) ،، فهذا ما أغاضني أكثر وقررت مقاطعته..

الأخ سعفه .. مشكور على التوصيف .. ولكن أنا أقصد هو موجود أو لا .. فقط ،، حتى أوفر معي كمية ..لأنه مشروب جديد بالنسبة لأقصى الشرق بالرياض وما أدري عن غيره .. فأخاف إنه مو موجود..
حتى يكون بديل لإخواني وأخواتي في ذاك إن شاء الله..

مرة أخرى ..
جزيتم الفردوس الأعلى
والسلام عليكم ورحمة الله وبركاته
أختكم
أم جهاد

محبكم....واحد قاعدن يرسم كروكي الساعة 3 بليل....ماتبيه ينسى الشمال....:D:..اشوا اني ماكتبته بخطي..ولا تسان تحتاجون لبنقالي يترجم الكتابة..:D:

السلام عليكم
عن اذنكم فتى العشة شوي




(ولا تسان تحتاجون لبنقالي يترجم الكتابة) <----والله صدقت بذي يابعدي

هاهاهاهااهاهاها

أهلاً وسهلاً بكي في مدينتنا مدينة بريدة

مسجد الراجحي يقع بين الصفراء والفايزية وهو المسجد الذي توجد به الدروس

وهو واضح من كبره ويوجد به منارتان كبيرتان .

أما بخصوص المشروب فلا أعلم عنة شي وأنا مقاطع المنتجات الامريكية واليهودية
أما بخصوص المشروب الذي ذكرتي فلا علم لي به وهذه فائدة جديدة ...

أُريد ان تتأكدوا لى بذلك...

والسلام عليكم ورحمة الله وبركاته

جزاك الله خير أخي في الله قراض الخشب

وجدت المسجد ولله الحمد وتمكنت من الحضور مع أنه آخر اسبوع وللأسف الشديد

وأما المشروب من مصنع أبو الجدايل .. وموجود

وأخذت من الرياض كرتونين .. ولقيت عند المخلف

هو حلو .. بس مدمن الببسي يجد فيه فرق بسيط

الصحابة مشروبهم المفضل قبل الخمر .. وفيه منهم من تركها بسرعة وهو محب له
وأنا مشروبي المفضل ببسي
وأول ما نزلت الفتوى تركته ومرضت .. بعدها
فما كنت أتحمل أشوف ببسي

والحمد لله طلع لنا ستون كولا..

وإن شاء الله ما فيه شيء وإن كان فيه شيء أول من يتركها أنا

والسلام عليكم ورحمة الله وبركاته