[اخو دريحم]

هذه القصيدة القيت في عام 1416هـ لتحكي ثورة الحب والعشق بين ابو صدام ومدينة الحب الكبير: بريدة:

يـــا فهيد لك كلمه تـــردد صداها
في خاطري يومك على سفح لبنان .
يوم الطبيعه اكشفت عن غـطاها
ردت بك الذكــرى على ذيك الاوطان0
وقلته لنا كلمه ولا احــد نســـاها

ودايم نرددها على مر الازمـــــان.
ياحول من ماله بريده وغــــلاها0
ولا له بها ومسكن وربـعٍ وجيران.
هي ديرتي والله مانسى هواهــا
لو ساوموني في غلاها بالاثمان0
نبعد ونقرب بس ! نحفظ غلاها0
ومفارقه ماهوب رغبه ونشــوان0
هي دوحة للعلم نقطف جنـــاها
ونفعه تعـــداها وشمل كل ميـــدان0
فيها رجال العلم فيهم تبــــــاها
وصوته غدا مسموع في كل الاذان0
وهي مورد الظميان لامن عناها
يلقى بها من كل الاشكال عنــــوان0
وهي روضة ارضه ربيع كساها
والسيل يمشي في سـهلها ووديان0
تلقى النفل والشيح فايح شذاها
وباقي نبات الارض من كل الالوان0
وارجالها انشد عن اللي نخاها
يعطيك عنهم خيرقــول وبرهـــان0
ويالايمي مااسمعك ماقوى بلاها
ولوني كتبت البعض لابــد نقصان0
وصلاة ربي عـد ماهل ماهـــــا
عـــلى نــبيٍ بيّن الحــق تبيـــــان0