[بريداوية ام الهبال]

السلام عليكم ورحمة الله وبركاته

ياحيَّ الله هذه الوجيه النيِّره

وياملحي بينكنَّ<-مهوب بالوكاد..

إلا على طاري الوكاد يقولون ان بن
بنقال بينتزلعوون
من الديره وكـاد
مير مالنابهم علم الا بس عامل
الجيران يقولون انوه بنقالي مشكوك بعد بهندي
انا الحمد لله ماعندي عمالن بمزيرعتي
لأن رجيلاتي يساعدنن.

على طاري يساعدنن مير
بوه مرتن [لله يذكره بالخير]
دايم يحول تشكي وتحلطم تقوول ان بناتي
موب يساعدنن بالشغل والطبخ
والود ودي إني بس اطيح ببنياته
وأدبغهن لين أقول بس
من حرتي من شغلهن وسواتهن اللي يسونه
انا مادري وشولوه يسمن بنات وهن مايشتغلن
البنت بنت إذا صارت بنت يومنَّه بنت<-انتفون ان فهمتوا حاقه

اييه على زمان اول
البنت ماتطلع من بيت اهله الا كل شينن متعلمتوه
بس الله يخلف على بنيات هالزمن

ههـ=هذي "عبدنِّه"تصوت لي
ياويل حالي عليه
صايرتن معصتزله مآتآكل العود
ولا هب ترضى تآخذ من احد
ماتاخذ الا من ايدياتي

وشْعره صايرن تقل ليفه
قايلتن له خل أحنيتس
وعيت تقول ما ابي الا صبغه..!
وش صبغتووه يامآل الحكه
الله يخلف ماتدري إن الحنَّا
يغذي شعيراته وينشط رويسه..

وصايرتن عصبيتن ربي لا تبلانا
من يجي احد يمزح معه الا وتقب بوجهه
تسنوه مسروقن حلاله
مادري وشولوه العصبيه والحمق التسثير
وكل ماذا قلت له عدي لين عشره
لين تهدى اعصابتس همن احتسي.

والشيء الآخر~

إنه أبلشتن تبي تفتح الترلت <-الانترنت
بس معصي وقطع يقطع راس العدو
مابقى الا ذي تفتحين هالبليه.
ما كفاتس ان بنت عمتس احولت عيونه ولبسوه نظرات
بسبتوه هالشر كل ثانيه مقابلتوه.
مير لو تبيه دوا ما خليته تفتحوه..


عاد انا قلت المفروض أراعي مشاعره الجياشه
ولا اصير عصبيتن مثلهخاصتن هالأيام
يعني هه تقولون احطه بين ايديني,
تعرفون عبدنه يابعد تسلاي
بتعرس قلت خل احسن اليه وار اعيه.<-تسوين به معروف


ع ــاد سمحت لنا نآآخذ صوره
من صوره التسثيره <-ابد ماتميلح
ونحطه لكم بذيا
لعل وعسى من يفتز منكم عليه
ويتصدتز له ويدعي,,

[لاتنسى زكر الله]
[قل ماشاء الله]
"لا حول ولا قوة إلا بالله"
والله اني خايفتن على عبدنه من عيونكن
بس هماه غمضن شوي ناظرنه شوي
ولا جيتي تناظرينه
لا تفتحين عينتس كله عشان مايجي مفعول
النحــت




هه شفتوا الزين والملح اللي به
سبحان الله يقولون انه طالعتن على اميمته
ولا انا ماشفته.
الله العالم ان امه سوريه عشان تسذاتا
طلع به هالشقار.

~

اييه يالدنيا وس بصير من عقبتس ياعبدنه,
ما أصبر على فراقتس ياخلفهم ياعبدنه,
كلي فدااتس يا بعد تسلاي ياعبدنه,
اخذتي قليبي من بعد ابو هبال ياعبدنه,
ليتس تدرين ياعبدنه وش انتي بقلبي ياعبدنه,

<<-الشاعره التسبيره والمشهوره.=.اووم الهبال..

احتروا الباتزي من سواليفي انا وعبدنه