[الصباخ]

اقتباس المشاركة الأساسية كتبها قرناس ينقل لــ عدسات مبتدئة أبو ريم ـــ وش نوع الكاميرا اللي مصور به نبي الإعدادات يا خطير أنت ، ونبي وضعية جلوسك وانت تصور صورتك لوحة فنية عالمية ماتكررت إبداع جنون ضرب من الخيال ,, ماشاء الله ماشاء الله غطيت على سوق أبوصمعاني ,, إذا هذي بداياتك فاسمح لي أقولك يا أبوريم أنك مبدع مبدع والإبداع هو أنت .. أتوقع لك مستقبل مشرق وزاهر في عالم التصوير ,, واصل دربك يا الغالي ,, ! المصور الفوتغرافي / الصباخ ــ لاتتأخر علينا بجديدك

أهلاً أباسليمان، أهلاً بالأستاز قرناس.
أهلاً بيك.
تصدق عاد إن الكاميرا اللي معي مصنعة خصيصاً للمحترفين أمثالي ، وهي مايصنع منه إلا ثلاث حبات بالسنة، ثنتين يجن عندي ووحدة تروح لسنغافورة فيه مصوّر هناك مثلي محترف .
أما بالنسبة لوضعية الجلوس فكنت منسدح على بطني ورافعن رجلي اليمين ومميلن رجلي اليسار إلى تحت علشان أقدر آخذ وضع التوازن والزاوية الحرة التي أخذت فيها هذه الصورة.
طبعاً الزاوية جلست ساعتين وثلث علشان أتوازن مع هالزاوية الاحترافية .
أبوسليمان إذا تبين أصوّرك وأخليك مزيون فترى ماعندي مشكلة ، تخبر أنت إن الشيون اللي زيك لازم يحاولون يحسنون من صورتهم علشان كذا يكثرون من الصور اللي لهم علشان يطلعون زينين .
هع هع هع
أقول ياخلفاتهم تراي رقيت أثل وهمن رقيت النفود من قوة الشحطات اللي أنت شحطتن به .
وهـ بس ياحبيلك ياخلفاتهم.

اقتباس المشاركة الأساسية كتبها بسمة تحدي رووووووووووووعه ..!! احسن شئ بالعالم ..!! . . . ____________________________

أهلاً ابتسامة التحدي.
الأروع مرورك.
شكراً لكِ.

اقتباس المشاركة الأساسية كتبها الخفاش والله ينت حاقر روحكـ الله يهداكـ وش هالجمال ذا أوب معقول سراحةً أما الألوان والكثبان الرملية حاجة ثانيه لا لا لا كانون مفصله لكـ تفصال طقه بس ورنا الشغل تم حفظ الصورهـ في مجلد عدسة الأعضاء المحترفين

يوووووووه وش تبي يالشين ياللي انهزمت بمسابقة شاعر السواليف .
أقول ياحبيلك لا تحفظ الصورة في مجلد عدسة الأعضاء المحترفين، لأني بصراحة ما أنزل روحي للمحترفين، أنا عبقري زماني .
لا تخلينا ياحبيلك.

شكراً ليك أستاز خفاش.

اقتباس المشاركة الأساسية كتبها (عذب/؟/الإحساس) محاوله لرد الاعتبار.... الصراحة الصوره مميزه.. شكرا لك

تصدق كل ماشفت اسمك ياعذب إحساس، إني أحسبك بنت!
مدري ليش!

أقول ماودك بس تغيّر اسمك علشان ما أتلخبط .

شكراً ليك ياعذب الإحساس.