موضوع جميل ..
علاقات الحب الطفولية تكبر أحياناً مع أحد الطرفين
وتتحول من كلام عابر الى رغبة لاينفك عنها .
وبالمناسبة .. أحد الشباب الطيبين من أخوياي كنت ألاحظ عليه العام الماضي
روحاته المستمرة الى مدينة ( ... ) مع العلم أن ماعنده أي شغل أو ارتباط أو مناسبة
وغالب مايروح لحاله ولايطلب خوة أحد ,, لكن بالفترة الأخيرة شبه انقطع
عن هاك الديرة ومايروح الا مع أهله .. هنا الصراحة شكيت بالوضع !
ومن باب الميانه سألته عن السبب لكنه جحد وأبد ماهنا شي ,,
لكن أخذت معه بالسواليف والقصص وصرت معه قرناس العاطفي
همن بدى يفضفض ,, أثر الأجودي يحب بنت خالته من يوم هم صغارين واتفاقات وعهود
أنه بيعرس عليه اذا كبروا ,, ويقول انا ثابت على الاتفاق ومايمر شهرين الا رايحن اسلم على خالتي
وأحسن أحد بصلة الرحم .. لكن بالأخير صارت ماله خاتمة
وخطبت ووافقت على الزواج من غيري
ما أدري أضحك ولا أصيح ,, لكن الله يعوضه خير ويوفق الجميع
عاد سبحان الله , هاك الآدمي بالذات ماتوقعته يحب لأنه من فصيلة الخشب شرواي
ومثل القصص دايم تحصل لكن قليل اللي يقوله ,, يمكن أفضل ,, !
جزاك الله خير أبوسليمان