ياشباب والله يا أنا تورطت توريطه ماهب صاحية
السالفة وما فيها
كنا متجمعين حنا والشباب وكنا نسولف عن الريالات والخرابيط اللي بهن
قال حدا الشباب أني شفت ريال مرسوم على الملك لحية وكاتب فوق يوم هو مطوع
المهم أنا توهقت أخذت القلم ورسمت ماهو مطلوب
وكتبت المميز نت ومن الخلف مسجل إيميلي
المهم راح يوم وأنا طالع من المدرسة رحت مريت التمموينات وأخذت لي غرض ويوم جيت أبحاسب صار ماعي إلا الريال هذا وعطيته وكنت بارد ( ماهجيت ) وقال البائع ما آخذ هذا بعدين أنا سجن
قلت الهجة وأخذت الريال ورحت قلت أخاف هز يسجنن
وجاء العصر ورحنا أنا وولد عمي بعد الصلاة المهم أخذت غرض وقلت أبصفط الريال وأعطيه البائع وأمشي على طول المهم عطيته ومشيت على طول ويوم جاء ولد عمي وأثر الريال معه قال أنه مايستقبله
وبعد الصلاة مريته وعطيته ريال ثاني ورحت على طول مب ناقصين محاضرات
ورحت للبيت والحمدلله وأنا أبي بس مكينة بيبسي أشري منه أي مشروب
بس أخف إذا دخلت الريال يطلع الريال وهو متشقق
الحمدلله على كل حال