[قاهر الروس]

.
.

هلا بالحبايب .. اللي يدخل يسلم ويصك الباب

وش الأخبار والعلوم

يالله تكتفوا وخلوكم معي



** ** **

مرّة وصتني أمي تبي [ طيور الحب ] ، طبعاً : أحم أحم سمعاً وطاعة .
وينكـ وويني يا سوق الحمام ما كد مرة شفته ..
وأنا فرح متكشخ ومتلبس متطيب .. وأطلع من سوق الحمام على طول للغسالة
مسكت الدائري الشرقي للجنوبي ويممنا شطر سوق الحمام .

طبعاً زحمة وقلق وكل ما تبي
وصلت لسوق الحمام .. لا أعاد الله أيامه

طبعاً خبركم وقفت سيارتي وبديت أتفرج أول شي وألقي نظرة .
إلا وأشوف حريم يبيعن الصراحة استغربت .. قلت حريم وبسوق الحمام .. ذولي شكلهن كانن مهددات بالإنقراض .

وقفت أشوف اللي معهن .. إلا يوم بديت أمشي وانا بمكاني .
يععععععععععع يبيعن ضبااااااااااااااااان

كرهت شي اسمه سوق .. ما يلزم شي اسمه طيور .
طلعت للجهة الثانية ولا أشوف إلا الله يكرمكم اتسلابه وطقتهن .
لكني شفت بسيسة مع بنت صغينونة ياحول من ضربة الشمس عليه متغير لونه غادتن لك شهباء .
الصراحة كسرت خاطري .. ولاني ماشي إلا أنا فاكها من حلقه .
قلت له : بكم؟!
قالت : بـ 300 .. طبعاً أخذتها منهم .

بس خبركم فيه ناس يسبحونها ويملحونه ويمكيجونه خليتها عندهم ورحت أدور طيور .
طبعاً لقيت بس يعني غاليات شوي .. لكن ماش لابد ناخذ طيور .. أنا جاي علشانهن مو علشان البسيسه .

وأخيراً وبعد عناء .. أخذت لي سبعة >>> يتربن بعزي إن شاء الله

المهم رحت وأخذتهن وشغلت لهن المكيف .. ورحت أجيب البسيسة .
ولاهـ ماشاء الله تقل الليله عرسها .. كلها ملح .

ركبته معي قدام وربطتها بحزام الأمان .. لأني أبجلعد ولاني فاضي كل شوي ماسكها إذا مسكت فرامل .. لأني قبل ما أربطها ضغطت فرامل وإلاهـ لزقة بالدرج .

المهم سلكنا الدائري عائدين .. الوقت هالحين حول أذان المغرب .
وأنا أمشي ما عندي من الشيطان طريق .. إلا ذاك المرور السري يشر من عند كل جهة ..

إنااااا لله اللي مهنا أكبر منه وش هالنشبه .

خبركم إذا بغيت توقف لازم تصفط فوق الرصيف .. وأنا ما أقدر أرقى الرصيف .. وهو ما غير يطنب يقول إرق .

المهم نزل فاتلٍ عضلاته وينفخ بعنف بعد
يقول: ليش ما رقيت أو على الأقل نزلت .
قلت : النظام أنت تنزل لكن ياخوي أنا معي طيور وأخاف البس اللي معي ياكلهن .
تدرون وش قال :
قال الحين أنت مسوي استهزاء بالأنظمة المرورية !!

قلت له : ليش عسى ما شر .
قال : لأنك رابط البسة بحزام الأمان وأنت ما ربطته .
قلت : أنا عضو بجميعة الرفق بالحيوان ( إقالي أبنكت معه ) .. إلا والله ويعطين قسيمة سرعة كبر جبهتي .

لا عادت على هالطيور وهالبساسة وسوق الحمام .

يالله عاد كل واحد يقضب فراشه وينام

.
.