بعد التعديل
.. آآآهـ يا شعرة كريمة ..!!
قال وش عندك تطالـــع ** مانــي معجبــك بكلامـــي
نظرتــك والله غريبــــة ** ليــه تنظرنــي باهتمامــي
تتبـع الشوفـة بنضــرة ** تحرجـــن دون احترامــي
عادتك أول ما أشوفـك ** تبـــدأ دايـــم بالسلامــــي
ماحمـلت إني أشوفــك ** تلمحــن دون ابتسامــــي
قـلي وش فينـــي تكلـــم ** لـيش ساكــت باغتمامـي
قلــت والله فيـك حاجة ** مــــا أقولـــه باتهـامـــي
لكــن القصــة ياغالي ** جاني ضيق في عضامي
يـوم شفتـك قـد فعلتـه ** طـاح قـدرك والمقامـــي
قلي وجهك وش جرى له ** لا تـلفـلـف بالـكلامــــي
وين ذيك الشعرة اللي ** كنهــا لمعــة غمامـــي
قلي وش ذنبه تشيلة ** ليـش تصليهـا الحطامـي
ويش ذنبه؟ ليش خنته؟ ** هــذا شكــرك للكرامــي
واحســافتهـا حسافـة ** بعـد عزتهــا تضـامــي
وجهك المشرق تغير ** واقتلـب نورك ظلامـي
بعـد ماكانـت عزيـزة ** صرت تصليها القمامي
هـذي الدنيـا رديـة ** كـم تبــدل بــه أسامــي
ذيبك اللي كان شامخ ** صـار هالحين انهزامـي
عزك اللي كنت تذكر ** نــام من بعد القيامي
ليــه ياشبـل العقيدة ** تتـرك العــز وتنامــي
انهض انهض لايهزك ** كـــل دجــال حرامــــي
إرفع الراس بمـعزه ** وانتفض خلك عصامي
إلزم أهل الخير دايم ** خلك منهجك استقامي
راقب الله في حياتك ** واجتنب درب الحرامي
والتزم درب العبادة ** تصبح بخيـر وسلامـي
ربـي صلي ثم سلم ** عالنبي أزكى سلامي
وارحم اللي يطلبونك ** بالسجــــود وبالقيــــامي