|
يالوزير يالحبيب ياللبيب أنت واللي معك يا أبو يارا ما أدري سهيل أو عبدالرحمن أو نجاد حنا ما قلنا الشغل عيب ولا هوب حرام حنا نقول الشاب السعودي وركز على السعودي وحط 198762990876544 خط على كلمة السعودي عنده ألتزامات وأرتباطات ومصاريف والدنيا الحين غالية والاسعار مولعة .... طيب سؤال يا معالي الوزير تتوقع كما أعلى راتب يبي ياخذه الجرسون السعودي ؟
الشاب السعودي عنده أستعداد كامل يعمل جرسون بس عطوه راتب صح !! يعني لو تعرض على أي شاب ربع راتبك يا معالي الوزير ويشتغل جرسون كان على طول وبدون تفكير ولا تردد وافق ...
يا شين مهايط الوزراء ... ولا وتبي تعلم الشباب يأخذون بقشيش وفي رواية بخشيش ( عاد أنت تحب الروايات وخصوصا الروايات اللي فيها حركات نص كم ) ....!!؟؟؟
وفعلا شر البلية ما يضحك ......
الشاب يتعلم ويتعب ويسهر ويتعب نفسه وأهله علشان الشهادة وبالأخير تبيه يشتغل جرسون بألفين ريال يا معالي الوزير أتوقع ( الجرسنة ) ما يبي لها شهادات
لذا يا معالي الوزير أبحث عن حل غير هذا ودع عنك البهرجة فحملة الشهادات بنين وبنات ينتظرون حلولا شافية كافية
|