"المــــــــــوقف الأول"
في أحد الأيام كنت داخلة للقاعة وكان في ثنتين من زميلاتي .. سلمت عليهم .. وجلسنا نسولف وناخذ ونعطي .. وسالفة تروح وسالفة تجي ..
شافوا البنات "ســـاعتي" وكانت جديدة أول مرة ألبسها صـــــــــرخوا الله تجنن .. ضحــــــــكت وقلت: ربي يسلم أميمتي هـــــــــدية منها ..
سكتت وحدة وناظرتني نظرة بصراحة مافهمته!!
قالت لي : أمـــــــــــــك !!!!!
كأنه ماصدقت .. "طبعا لحد الحين مافهمت عليها"
جاوبتها أنا : إيه أمي شرتها لي ربي يخليها وجعل يومي قبل يومها إن شاء الله.. وااااااااااااو ياناااااس أموووووت على أمي ..
كنت مستــــــرسله بالكلام عن أمي وأتـــــــلذذ فيه ..
مادريت إلا والبنت رافعة حاجبها وتناظرني !!!!
قالت : تحبــــــــين أمــــــــــك؟؟؟؟؟
صراحة كنت متوقعة أي سؤال إلا هذا .. لأول مرة في حياتي أحد يسألني هالسؤال ..
جاوبتها : وفيه أحــــــــــــــد ما يحب أمه ؟!
ضحكت تستهزئ بكلامي قـــــــــــــالت أنــــــــا !!!!
ناظـــــــرتها أدور بعيونه مزح .. وواضح إني سرحت بعيونه اللي نظرتهن جادة..
ضحكتْ عليّ وبكل ثـــقة قالت : ليش تأثرتي عادي ما أحــب أمي لأنه هي ماتحبني ..
كلامه كان مثل السم علي .. عجزت أتحمله .. وأحرق قلبي ..
صـــرخت بوجهه : أستغــــــفر الله وش هالأفكار العمياء مافيه " أم " بالدنيا تكره عياله ..
ردت علي وبكل برود : إلا أمــــــــي !!!
سألتها : طيب شلــــــــون حكمتي إنها تكرهك ؟؟
قالت : أمي يانيران ماتسولف عليّ .. أمي إذا جيت أسولف قاطعتني لا أكمل .. تسمع من أختي ولا تسمع مني .. إذا طلعت تسوّق شرت لأختي وأنا ماتشري لي .. أشوفها تسولف على خالتي وخالتي نفس عمري ليش ماتسولف علي أنا.. تامرني على أي شئ مع إننا عندنا خدامة .. بس أهم شئ أبعد عنها .. حتى نجاحي وتفوقي مايهمها ماأحسها تفرح فيه .. بالمختصر أمي ماتعتــــــبرني بنته...
سكت شـــــــــوي ماأدري وش أقول ..
قـــــلت : طيب حاولي تقربين منها .. إذا فضيتي اجلسي معها سولفي باللي تحبه هي ..إذا ماسمعت لك هالمرة راح تسمع لك المرة الجاية.. ماتسمع لك يمكن ما تناسبها سواليفك ..
خصصي لك وقت تلزمين نفسك تقهوين أنتي وياه .. حاولي تسأليها عن أشياء تخصها هي يمكن تتجاوب معك..
وأنتي إعذريها ممكن تكون مشغوله بأبوك وإخوانك الصغيرين .. وتعتبرك أنتي كبيرة تعتمدين على نفسك مو بحاجتها..
بس صدقين مستحيل تكون تكرهك ..
وإلا حاولي تصارحينها إذا مانفعك معك كل هذا ..
وقـــــــــبل لا أكمل كــــــــلامي قاطعتني :
نيران أمي تكرهني وتغار مني عشان أبوي يلبي طلباتي لدرجة إذا دخل أبوي أرسلتني لأي شئ الأهم ما أجلس مع أبوي..
صراحة هنا عجزت أتكلم .. ماأدري نفس البنت فهمها لأمها غلط !! أو الأم تكون صدق كذا !!
برأيكم هل صحيح أمها تكرهها ؟؟
هل صحيح تكون فيه أم تغار من بنتها ؟؟
وبرأيكم وش الحل المناسب اللي يخليني أقنعها بحب أمه ..
والواجب علي أسويه!!
عذرا على الإطالة بس عشان أوضح لكم جوانب المشكلة ..
أراؤكــــــم أنتم أحتاجها ..