نسخة لمصحلة المياه والصرف الصحي
نسخة للمصحة النفسية
نسخة للمطالبة بحقوق الإنسان العالمية
نسخة كربونية لمكتبة العليقي
أقول يا بعد سبدي يا البركان
هذولا مثل الحفريات ،، يحفرون لكم شارعكم بيوم وليلة
بس الشغل والزفلته ... يخلف ربك ،، زين بس لا يتعدا سنة
ناظر حي مشعل وتقول بحل يا قبة رشيد والسوق
انا عندي احساس ان حي مشعل شهرين ويروحون لبيوتهم بقوارب .. والله انه هي الحروة
أقول // أما لا أمطرت ،، وش يصير شكل المحل الي بوسط السوق حق النعال الله يسرمك
شكلهم تحليت علشان يدخلون نعال الحريم ..
على طاري المحل .. هذا بوسط السوق قدام حق العبايات <<<< يقاله وصف
مرة شفت زحمة بوسط المحل قلت مانب داخل ،، واقعد برّا
جو حقين الهيئة قالوا انت ياولد اطلع برا .. قلت قسم بالله امي بوسط المحل
قالو ما علينا هي تطلع لك ،، والله وأطلع .. << يخافون أفتن الحريم بجمالي :D:D
___ نرجع لسالفتنا ___
انا اشوف بعض المحلات مهب بس قاشعين لوحتهم /
اضنهم قاشعين حتى البلاط على جدار المحل
وأضن محل الصعب غدا مصلوخ
وانا عندي احساس ان الي مطالبن بقشع السينكو الي فوق المحلات
هم حقين العربيات الي يبيعون نعناع
يقولون لا أنطرت ماودنا نطلع ،، نبي المطر يرش الكراث والنعناع وحنا باسطين
__ الله يجزاك خير يا البركان
حنا ودنا يتطور الوضع
ويصير السوق الداخلي وقبة رشيد من أحسن وأشكل سوق بالمدينة
لأن كل القصيم يجون لمه
والبلدية هالي تشوف مهينة _ والله انهم يقهرون
بس الغريبة يعني كل هالمحلات الي بالسوق مابه واحد
يعرف مدير البلدية يزر عليه كل صبحية ويقول وين الشغل
.. والله ان ينجزون الشغل ... بس الله واعلم انهم جايزن لهم الوضع
وهالشيبان ما غير تبطح قدام المحل ومعه زمزمية القهوة ...
____ سلام عليكم _______